Jueces 6:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Qam so Gedeón lotqai 'naac: —Qouaquiric, qami' ỹa'gaxala'. Qam ¿negue' quet cá'maq 'neeta quiyim ñca'laxatec na Israel? Ma' ná'maq sachicqaugui, na'maxare ỹaatqajam paguec 'xoraic quená'ogue na llaalqaipi so Manasés. Chaqai ỹim paguec qaica ca shinegue quena iuo' laseripi.

Jueces 6:15 Iomraidhean Croise

Génesis 32:10

Ỹaatqajam sqa saiguit quet quiyim 'ue quet ca rqouagaxa'e' caỹim, chaqai quiyim paquiterelgoto naua ra'qaataxahi' quedá'maq 'ñi'sa'gue aỹim. Ma' ỹim na' ñapacta najo lachiugue leenaxat Jordán, qaica ca liỹa i'ỹaac, qanaata ana ỹashilete. Qam nagui sovirqata'a quiyim dos naua qalapooqote'.

Éxodo 3:11

Ca' so Moisés 'naaco' na'le quiñi qota'olec: —¿Negue' queto' aỹim quiyim shicpegue' ca Faraón, ca ñaqata'a quiyi Egipto yi Israel llaalqaipi?

Éxodo 4:10

Qam so Moisés 'naaco' quiñi qara'gaxala': —Qam naua ỹa'qaatqa se ỹa'machiñi, ma' na'perapeguec. Qam dajo sqai naquita quiyim taxaisa'pegue' najo relaachiqui'. Qam shi'gue quesom. Ma' quena' sham setaqa, ca' sqalanac dá'maq shim sa'xat.

Jeremías 1:6

Ca' ỹim shinac: ¡Qami' ỹa'gaxala', 'ajñi' ñaqaỹim ne'necoqui', chaqai se sa'den cá'maq itaxaỹaxac!

Miqueas 5:2

Qam caqami' na'a' Belén Efrata, paguec qami' cocho'qui' quená'maq chigoxougui so Judá, chicqotougui qami' ma'le ca nashi ỹoiquentac ma'le na Israel. Ca'maxare chigoxougui so 'auaxaic qomyipi.

Lucas 1:34

Ca' aso María inato' so lelaatec ñi qota'olec, queca 'neeta: —¿Negue' ca 'neeta ma'le dajo? Ma' aỹim saqa' seuanapega ca ỹale.

1 Corintios 15:9

Ma' ỹim qaica ca imaqachic, sqai shinta só'maq liỹa lelaatqaipi so Jesús, chaqai sqa taiguit quiyim qaỹamatahic ỹim lelaatec so'maxare, ma' socantac quen na'le ná'maq huelec ñi qota'a.

Efesios 3:8

Ma' ỹim qaica quet cá'maq shinegue, ma' paguec ỹim cocho'qui' quená'ogue ná'maq lalamaxaret ñi qota'a. Qam ñi'maxare queda lqouagaxa, ca' pataxailec quiyim sa'xat da na'qaatec quena mesqai judioipi quedá'maq qaica 'nejem lesallaxa so Cristo.

Jueces 6:11

Co'na'le, ca' novi'o' so lelaatec ñi qara'gaxala' piguim le'ec, ca' nqa'xanñi ne'tot aso qo'paq leenaxat encina, na'ñi yi Ofra. Yi'maxare lalamaxaret so Joás, so'maxare chicqaugui na lauo' so Abiezer. Ca' so Gedeón, llaalec so Joás, co'taxatetac na trigo, nañoxotetañi, hueete'e añi lo'o ana 'uva quena' qanelam na li'i, ca' qaỹo'uet na lataxa, ma' ỹahotaque se qaiuana quena Madián llaalqaipi.

1 Samuel 9:21

Ca' so Saúl 'naaco': —¡Qam ỹim sachigoxougui na llaalqaipi so Benjamín ná'maq paguec sqo vito'olqai' quena llaalqaipi so Israel! Chaqai yaua ita'al ỹaatqajam qaica ca lemaqachigue' quená'ogue na llaalqaipi so Benjamín, sqai 'nejem na liỹaripi. Ca ¿chi'neco' ma' 'xachisac dá'ogue dajo caỹim?