Jueces 6:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Co'na'le, ca' novi'o' so lelaatec ñi qara'gaxala' piguim le'ec, ca' nqa'xanñi ne'tot aso qo'paq leenaxat encina, na'ñi yi Ofra. Yi'maxare lalamaxaret so Joás, so'maxare chicqaugui na lauo' so Abiezer. Ca' so Gedeón, llaalec so Joás, co'taxatetac na trigo, nañoxotetañi, hueete'e añi lo'o ana 'uva quena' qanelam na li'i, ca' qaỹo'uet na lataxa, ma' ỹahotaque se qaiuana quena Madián llaalqaipi.

Jueces 6:11 Iomraidhean Croise

Génesis 16:7

Qam so lelaatec ñi qara'gaxala' piguim le'ec iuanejlec quiyi 'laua qaica qom, seeque'ta yi huaxaỹaq ne'paxantashiguim neeta'ñigui so nayic quiyi Shur.

Génesis 48:16

ñí'maq qota'olec lelaatec piguim le'ec, ñí'maq ro'ootaxanteguelec aỹim quená'ogue na se no'uen, ñi'maxare no'ueenaxat ca llicyaxague' nauajo ñaaqolqa. Chaqai quiyim chicqochiguilo naua'maxare quiyim se qaicoua'e da ỹeenaxat chaqai da leenaxat so ỹapi' Abraham chaqai so ita'a Isaac. Chaqai quiyim 'xoic ca llaalqaipi naua'maxare quena 'laua.

1 Reyes 19:19

Ca' so Elías eec, ca iuanejlco' so Eliseo rasaugaxantac, ỹa'queetalec so veinticuatro ñii'lolaipi, ca' chaqaiso so'maxare ỹashaxantac sauá'maq co'uaataxante'. Ca' so Elías ỹalamaxateta'a so Eliseo, ca' ipeguenlec so lapo'.

Hebreos 11:32

Ca ¿negue' quet cá'maq liỹa sa'xat? Ma' mashic qaica ca idaaqa' quiyim sa'xat so Gedeón, so Barac, so Sansón, so Jefté, so David, so Samuel, chaqai queso letaxaỹaxanqajanqaipi ñi qota'a.

Jueces 13:3

Qam so lelaatec ñi qara'gaxala' piguim le'ec nachaxana, ca 'naaco' caso'maxare: —Qami' ỹaatqajam se ỹauanapega 'ue ca qachaalqui', qam nagui, ca' qami' 'mañi', ca 'ue ma'le ca qachaalqui'.

Jueces 13:6

Ca' aso 'aalo eec quepegue' so loua, ca' ra'qaataxana, 'naaco': —'Ue so ỹale letaxaỹaxanqajnec ñi qota'a. So'maxare quepegue' yi seueta'ñi. Ca' ỹaatqajam ỹo'uet da i'laxa, ma' so'maxare da no'ueenataxac 'nejem da no'ueenataxac na lelaatec ñi qara'gaxala' piguim le'ec. Chaqai se senat negue' so'maxare, chaqai so'maxare sqaica ca 'naapiguiỹa'.

Jueces 6:12

Ca' so lelaatec ñi qara'gaxala' nachaxan, ca 'naaco' queso'maxare: —¡Ñi qara'gaxala' liỹaatac qami', qami' quesaxanaxaic ỹale chaqai 'ñaaxaic qavilli'!

Jueces 9:5

ca qoyicpegue' yi Ofra, yí'maq na'ño' na'le so leta'a so Jerobaal. Ca' huaalec nqohin so 'oonoqui' qa' quiyim qaỹalauat so setenta lqaỹaripi so Abimelec. Qam 'oonoqui'o' so nqañoxojñi, ca' nca'leuec, so'maxare leenaxat Jotam só'maq na'aasa llaalec so Jerobaal.