Jueces 6:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' shinac na'le caqamiri, ỹim ná'maq ỹim ra'gaxalari qota'olec. Chaqai shinac quiyim se ro'chiỹa na lqolaquipi na amorreoipi, ná'maq na'laua ná'maq ñiitalec nagui, qam qamiri sqai viilec aỹim.

Jueces 6:10 Iomraidhean Croise

2 Reyes 17:13

Ma' ñi qara'gaxala' shi'gue ichoxot, ỹachigoxochichigui na'le so letaxaỹaxaquiripi chaqai so 'vii naua leuanaxanaxaco, quiyim na llaalqaipi so Israel ỹaxañiñi naua se no'viiñi no'ueenataxaco, ca' quelgoto naua laqataxaco, lapaxaguinataxanaxaco ỹaanema saua 'auaxaqa qareta'al, chicqochigui nqai'en so lelaatqaipi letaxaỹaxaquiripi.

2 Reyes 17:33

Ca 'eno'm nqouagaxaintacot ñi qara'gaxala', qam qaiyiita huelec na nqolaquipi. Ca quiñi 'óna chaqai ỹaatqata da no'ueenataxac quecá'maq 'laua chicqochi'ñi. (17.34-41 Nqouagaxainot na nqolac yi Judá chaqai yi Israel.)

2 Reyes 17:7

Ca' so llaalqaipi so Israel ỹovirau'o' dajo, ma' 'uo' da lasauaxaset quiñi la'gaxala' qota'olec, ñí'maq naqatec na'le quiyi Egipto, ca' nca'laxatec queso Faraón só'maq nashi quiyi Egipto, ma' sauaxat quiyim so qomyipi nqouagaxainot na nqolac.

Jeremías 42:21

Ca' ỹim sa'deenaxanaxaneguelo qamiri nagui dá'maq 'naac ñi qara'gaxala' qota'olec, qam qamiri se na'xaỹaxañii.

Jeremías 43:4

Ca' chaqaida 'neeta vire'ta so Johanán chaqai so lashillipi so nouaataxanyipi chaqai vire'ta so qomyipi se no'ueenañi quiyi 'laua Judá, se na'xaỹaxana da la'qaatec ñi qara'gaxala'.

Jeremías 43:7

Qaica ca na'xaỹaxana da la'qaatec ñi qara'gaxala', ca' sá'ogue so'maxare taigue da Egipto, ca ỹoviro'o' na'le yi na'a' lodegaxat Tafnes.

Romanos 10:16

Qam mesqai ná'ogue na'xaỹaxana da na'qaatec chicqaugui da nca'laxa. Ca' ipaquichigui nqai'en na'le so Isaías co'na' 'naac: “Qami' ỹa'gaxala', ¿nega'ỹo' cá'maq na'xaỹaxana ma'le da qara'qaatec?”

Hebreos 5:9

Ma' so'maxare ỹaatqajam qanaloqojonchiguiñi da no'ueenataxac, ca ỹovirau'a quiyim chicqochigui nqohin dá'maq nca'laxa sqaica lqodoc quená'ogue ná'maq huelec so'maxare.

Josué 24:15

Qam no'm sqai 'maxariñii quiyim quiilec ñi qara'gaxala', ca' nagui, ca' nca'aiua'a cá'maq viitaque quiilec, na nqolaquipi ná'maq imaqachintac na'le so 'auaxaic qataa'illipi na' neetalec da lahi aso lachiugue Eufrates, loqo'm na lqolaquipi na amorreoipi, ná'maq ñiitañigui qamiri nagui. Qam ỹim chaqai na ỹaalqaipi qolaxalec ñi qara'gaxala' qota'olec.

Jueces 6:9

Ca' sqainaata na Egipto laseripi ñca'laxategue'sopa qamiri, qam qai'neeta ná'ogue ná'maq ỹahotaque na re'xoriguii. Ca na'maxare qai'neeta so'daauec, ca saanema qamiri na na'laua na'maxare.