Jueces 2:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca co'quena' ñi qara'gaxala' ỹanashiguim ca nashi, ca' ỹaatqajam ỹotauan. Ca co'quena' ñaq nca'leetauec ca nashi, ca' ỹotauan so Israel llaalqaipi quena npa'guenaxauaripi, ma' i'xoreno' quen quena' 'xaỹa da nqui'ic queso'maxare.

Jueces 2:18 Iomraidhean Croise

Génesis 6:6

Ca' ỹaatqajam netocteta'pegue quiyim ỹo'ueeto' na'le na qom, ca ỹaatqajam 'xoic da lqui'ic nqai'en.

Salmos 90:13

¡Qami' qara'gaxala', rapillitalo qomi'! ¿Chi' laquio', ca novichi'? ¡Ñaq rqouaquiteguelo qomi', qomi' relaataxahi'!

Éxodo 2:24

Ca na'xaỹaxana da rashiilaxantaque, ma' no'ueena'co' da na'maqataxaco' na'le queso Abraham, Isaac chaqai so Jacob.

Éxodo 3:12

Ca ñi qota'olec 'naaco' queso'maxare: —Ñauequeta'pegue' qami' ma'le. Ca' dajo dá'maq retanqui' quiyim chaqaỹim selachi': Ma' naqachira'a quiyi Egipto yi ỹalamaxareteripi, ca qamiá'ogue nqouagaxaiñiỹot aỹim ma'le canajo qa' ladocai.

Oseas 11:8

¿Negue' cá'maq shinta'gue quiyim saxanñi qami' Efraín? ¿Negue' cá'maq shinta'gue quiyim salachi' qami' Israel? ¿Seshito' quiyim ñopoxoỹaxajñi qami', 'nejem dá'maq shine'tegue na' ñopoxoỹaxajñi yi na'a' Adma, loqo'm sa'ue ca nouaxanaxashichi', 'nejem nqaishin dá'maq shine'tegue na'le yi na'a' Zeboim? ¡Añi i'taxanata 'ue da lachitachic, ma' 'ue da lqouagaxa caqami'!

Jonás 3:10

Ca' ñi qota'a iuana dá'maq 'neetari' yi qomyipi quiyi Nínive quiyim ỹaxañiñi naua loico se no'viiñi. Ca' ñi'maxare se ipaguigui nqai'en da la'qaatec quiyim 'naac nopoxoỹaxajñi yi Nínive.

Josué 1:5

Qaica ca ishit quiyim loxonec qami' quiyim ñaq rca'lli'sauec, ca ỹim iỹaatac qami' ma'le dá'maq shinta'gue na'le queso Moisés. Se salachi'sac chaqai qaica ma' shique'e quet qami'.

Jueces 2:19

Qam co'quena' ileu cajo na'gaxala', ca so'maxare lotqai ipaquichigui se no'uen da llicyaxac. Ca chi ỹovireto'o' quen quiyim paguec la'aaxa dá'maq 'neetari' queso 'auaxaic leta'allipi. Ca' lotqai quelec quiyim nqouagaxainot na ỹoreta'oguit nqolaquipi, chaqai ỹaatqajam sqai ỹaxanñi na ỹo'ueetetac se no'uen llicyaxac.

Jueces 6:12

Ca' so lelaatec ñi qara'gaxala' nachaxan, ca 'naaco' queso'maxare: —¡Ñi qara'gaxala' liỹaatac qami', qami' quesaxanaxaic ỹale chaqai 'ñaaxaic qavilli'!

Jueces 6:16

Ca' ñi qara'gaxala' 'naaco' queso'maxare: —Qami' shichi' 'viichi' dajo, ma' qami' iỹaatac ma'le. Ca' qadoxonqui' ma'le na Madián llaalqaipi 'ec ca 'oonoqui' qom nqai'ñi'.