Jueces 2:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca co'quena' eec quiyim nalauat, ca' ñi qara'gaxala' pa'a'guit, ca' se no'uen nqai'en da llicyaxac, ma' chaqaiñi ñí'maq 'naaco' na'le. Ca' ñi qara'gaxala' 'eno'm ỹo'uet da leuogoxo so'maxare,

Jueces 2:15 Iomraidhean Croise

Jeremías 18:8

Qam cajo qomyipi, no'm ỹaxanñi da ỹo'ueetetac se no'uen, ca' se selata ca nouaxanaxaset sa'maxatetañi.

Jeremías 44:11

Vichiguiño' ỹim na'gaxala' qaica lqalanec, ỹim qota'olec queso Israel, shinac caqamiri: Ỹim sahotaque sa'ue ca senaxalec se no'uen qamiri, ca' ñalauajñi ná'ogue na llaalqaipi so Judá.

Jeremías 44:27

Ma' ỹim seloqota'a ma'le quiyim sa'ue ca le'xoric ná'ogue na Judá laseripi neeta'ñi na Egipto, mesqai ca iqouagaxa. Ná'ogue qaỹalauat ma'le queca lauataq loqo'm quena lqopaaxa.

Miqueas 2:3

Vichiguiño' 'naac ñi qara'gaxala': Ỹim liỹa 'ue dá'maq sham shine'teguelo qamiri. Selatalo qamiri ma'le ca ne'xoric lodegaxat cá'maq sqai ỹite' ma'le naua rqosoochiri, ca' tot qaica ma'le da nemaqajnaxaguii quiyi huoitegueri', ma' chalego la'aaqa' ma'le naua na'xata'.

2 Corintios 4:8

Ca 'eno'm 'xoic hueete'ogalo ná'maq sqalanqatac, se ỹauana quiyim se qaỹa'ue ca la'maqa'. Chaqai 'eno'm 'ue na qarachitachic, qam qaiyiita se neme da qanaquitaxac.

Deuteronomio 18:20

Qam ca netaxaỹaxaqui 'naac quiyim ỹa'xat ca ỹa'qaatec, qam ỹa'xat cá'maq sqai shinapega quiyim ỹa'xat, loqo'm ỹa'xat ca la'qaatec ca liỹa nashiilec, ca ca'maxare qaỹalauat.

Rut 1:13

ca' ¿lotqai qamiri nauaañii'alo quet quiyim ỹi', ca' o'ñiiguita caua'maxare? Ca vire'ta queta' sqo'ñii nauaañita'alo. 'E', qamiri ỹaalole, qaica ma' 'neeta quet dajo. Ñi qara'gaxala' ỹo'uet da i'xoric lodegaxat, qam paguec quet ca i'xoric quiyim sa'ajantac ca re'xoriguii qamiri.