Jueces 2:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' qai'neeta ileu so llaalqaipi so Israel só'maq naloxouaripi so Josué. Ca' chaqaida 'neeto' na'le quiyim so dalaxaic ne'qaañi qomyipi qaica ca ỹa'den ñi qara'gaxala' chaqai ná'maq lqouagaxa queso Israel llaalqaipi.

Jueces 2:10 Iomraidhean Croise

Génesis 15:15

Qam caqami', ca' ma' qami' qo'xoỹom, ca qaigueme rillivi', qam qaicanqaida. Ime, ca lapo'ichiguit ca 'auaxaic qataa'i'llipi.

Génesis 25:17

Ca' so Ismael ỹovito'o' saua ciento treinta y siete ñaxari, ca' ỹovita ca lqodoc aca lqauaxaqui. Ca co'na' ileu, ca lapou'a so 'auaxaic leta'allipi.

Génesis 25:8

Ca co'na' mashic ỹaatqajam qo'xoỹom, ca' ileu, ỹalauat dá'maq chi lqo'xo. Ca' eec lapoouo queso 'auaxaic leta'allipi.

Génesis 49:33

Ca co'na' so Jacob ỹomat da laqataxac queso llaalqaipi, ca' liỹa nenanñi queso lomala'. Ca ileu.

2 Samuel 7:12

Chaqai ma' ỹovita ca lqodoc aca rqauaxagui'i' ma' rillivi', ca' ỹim sano queda ro'ueenataxanaxaqui' ca 'óna quena qachaalaxai'ipi, ca' ca'maxare sano quiyim nashi.

Éxodo 1:6

Ca co'na' so José chaqai so lqaỹaripi chaqai sá'ogue so naloxouaripi nimiichiguiñi.

Éxodo 1:8

Ca na' ncopa, ca 'uo' so dalaxaic nashi quiyi Egipto. So'maxare se iuanapega so José, ca' 'naaco' quesó'maq reloqota'a qomyipi:

Éxodo 5:2

Qam so Faraón 'naaco': —¿Negue' cá'maq ra'gaxalari quiyim ña'xaỹaxana, ca' saxanec quiyim eec na Israel llaalqaipi? Se seuanapega cá'maq na'gaxala', ca' sqai saxanec quiyim eec na Israel llaalqaipi.

Isaías 5:12

Nodaachiguiñi na niviigue 'ue lequet, nouaxana chaqai ana npe'te, chaqai 'xoic na lataxa quenaua nqui'ỹaxaco; qam se nqovilga dá'maq ỹo'ueetetac ñi qara'gaxala', se ỹa'deena'a ná'maq ỹo'ueetetac.

Jeremías 22:16

Chaqai ro'ootaxanlec quen na 'xoraiquipi chaqai ná'maq chi qoỹoiquentac, ca' chaqaida 'neeta vichiguiño' ỹa'maqachiguiñi na'le ná'maq ỹo'uet. Ca chaqaida dá'maq lo'ueenataxanaxac cá'maq iuañiua'. Ỹim na'gaxala', se'taxajñi dajo ỹa'qaatec.

Jeremías 31:34

Ca ma'le, ca' se ipaquetaque quecaua qomi' nauochaxaua' loqo'm neuo' lase' se napaxaguintecta' quiyim na'deenta', ma' ná'ogue ya'den ma'le, chicqochi'ñi ca paguec lodegaxat, vire'ta ca paguec cocho'qui'. Ca' ỹim sapalaxat ca se no'uen ỹo'ueetetac chaqai tot so'leentapega na lasauaxaset. Ỹim na'gaxala', se'taxajñi da ỹa'qaatec. (31.35-40 Da lqouagaxa ñi qota'olec quiyi Israel, chaqai da naata la'maxa ma'le yi'maxare.) (32.1—35.19 So Jeremías ỹa'ue yi rishiujnaxana 'laua na' so Nabucodonosor nahiquinchiguiñi yi Jerusalén. Ca' dajo chi letanec quiyim 'ue da naquitaxac ma'le quesaua naasaho na'xata' quedá'maq la'qaatec ñi qara'gaxala', na' ỹa'xateta'guit quiyim noxonec yi Jerusalén, qam ma' ncopa, ca' so qomyipi liỹa qarapilaxat.)

Lucas 20:32

Ca' co'uaataxanta qai'neeta aso 'aalo ileu.

Hechos 13:36

Qam llic ma' so David cochiỹa so lauo' co'na' ỹo'uet da la'qaatec ñi qota'olec. Qam co'na' ileu, ca qailla'ñi yi hua'ñi so leta'allipi, ca' so loshicmaxa na'laañi.

2 Tesalonicenses 1:8

Ma' novi' so'maxare, ca' ỹa'ue ca nouaxanaxaset ná'maq se ỹa'deenapega ñi qota'a chaqai se na'xaỹaxana da na'qaataxac so qara'gaxala' Jesucristo.

Tito 1:16

Na'maxare 'naac ỹaatqajam ỹa'den ñi qota'a, qam dá'maq lo'ueenataxanaxac re'qoota quiyim se nachiñiguit dá'maq 'neetari'. Ỹaatqajam se qaishitaqchiguit chaqai se na'xaỹaxan, chaqai sqa taiguit cá'maq no'ueenataxanaxac ỹa'maqachiguiñi.

1 Samuel 2:12

Ca' saua llaalqa so Elí ỹaatqajam hualoxona', qaica ca ỹahoraque ñi qara'gaxala',