Jueces 16:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca' so Sansón 'naaco' caso'maxare: —No'm qaycoñirari' quecaua siete lequet ana no'xoshic isecỹac loshicmaxa dalaxaicolec saqa' rashivi', ca' na'laañi ma'le da iquesaxanaxa, ca shintari' canchaqaica liỹa qom.

Jueces 16:7 Iomraidhean Croise

Romanos 3:8

Quiyim 'neeta dajo, ca ¿chi'neco' ma' se qaỹo'uet cá'maq se ỹa'maxañi, qaiyi novi' cá'maq ỹa'maqachiguiñi? Ca' 'eda dá'maq 'neeta quiyim 'ue na se no'uen da la'deenataxanaxac, ca 'naac quiyim qomi' sapaxaguinataxanqata'pegue. Qam cajo qomyipi qaỹa'ue ma'le ca nouaxanaxaset.

Gálatas 6:7

'Neeto' chi nayiñiteguelta', ma' qaica ca ishit iualaxainari' ñi qota'a. Ma' cá'maq ỹanñi ca qom, ca' chaqaica cá'maq naqat ma'le ca laỹaxac.

Colosenses 3:9

Se na'majñiỹot ca liỹa, ma' shi'gue ỹochihe'oga dá'maq 'auaxaic no'ueenataxaguii chaqai quená'maq shi'gue quen 'viichitac.

Jueces 16:10

Ca' aso Dalila 'naaco' queso'maxare: —¡Qa' chi yayiñi'saco'! Qam nagui qouaquiric, choxochi' cá'maq 'neeta quiyim qaishit qarcoñichirañi.

Jueces 16:6

Ca co'na'le, ca aso'maxare 'naaco' queso Sansón: —Qouaquiric, 'qaataxañiriua' negue' cá'maq chigoxochira'gue dá'maq chalego rquesaxanaxa'e' qaica 'nejem. ¿'Uo' ca 'neeta ca qohine'tegue ca ncoñiitaxaqui' quiyim sqai nouec qami'?

Jueces 16:8

Ca' so la'gaxalateripi na filisteoipi ỹodou'a aso Dalila so siete loshicmaxa lequet ana no'xoso dalaxaiqolqa, ca' aso Dalila coñiitaxanalo queso Sansón.

Jueces 16:9

Ca' aso'maxare ỹa'vii saua ỹale' nqañoxotesañi nqai'ne' hueesaugui so lauo'. Ca' ỹaualaxalec so Sansón, 'naaco': —¡Sansón, 'ajñi' na filisteoipi novita qami', ỹahotaque nalauate'e' qami'! Ca' so Sansón ỹachipiaxaterañi saua ñaqa, 'ec nqai'en ca ñic ỹavicañi. Ca' na filisteoipi se ỹa'den cá'maq ỹachigoxota'gue dá'maq lquesaxanaxa so'maxare.

1 Samuel 27:10

Ca co'quena' renataxan so Aquis: ¿Negue' ca quena na'aateripi nouochi' queso na'xa'a? Ca' so David 'naaco' quen: Queda 'guiñi quiyi Judá, loqo'm queda 'guiñi quiyi Jerameel, loqo'm queda 'guiñi quiyi na'laua na quenitaipi.