Jueces 16:30 - La'qaatqa ñi qota'olec Qota'olec & Qota'olec Novita Na Qomyipi

³⁰ Ca' ỹaualaq, 'naaco': —¡Ỹileuaxaua shiqueta'ñi' na filisteoipi! Ca' ỹamaxañi ỹomatalec da lquesaxanaxa, ca' 'guiñi so no'ueenaxanaxaqui, tajlec so filisteo lashillipi, chaqai taalec sá'ogue so hueeta'anyi. Ca paguec só'maq ỹalauat so Sansón na' ileu quecá'maq ỹalauat na' ñaq nca'leetauec.

Jueces 16:30 Iomraidhean Croise

Génesis 3:15

Ca' nagui so'uet quiyim qami' chaqai ada 'aalo qamiri pa'guenaxaua', ca 'nejem ca qachaalaxai'pi chaqai ca llaalqaipi ada'maxare. Ca llaalqaipi ada'maxare co'vigui na rqahiqui', chaqai qami' a'quirigui ana la'ỹaaxa.

Mateo 16:25

Ma' cá'maq ỹahotaque nca'laxatec dá'maq chi nachaalataxac, ca ca'maxare na'laxatañi. Qam cá'maq na'laxatañi da nachaalataxac sougui aỹim, ca' chaqaica cá'maq ỹanata da nachaalataxac.

Hechos 20:24

Qam quedajo qaica ca ñqovilga; vire'ta da chi ñachaalataxac qaica ca 'negue nqaishin caỹim. Qaidaata yishiitaque quiyim 'xoic ca ñitoonaxac quiyim somateta da ỹo'ueenataxanaxac, chaqai yipaquejlec da laqataxac nañaañim ñi qara'gaxala' Jesús, quiyim saanec da no'uen na'xaỹaxac queda le'xorenataxanaxa ñi qota'a.

Hechos 21:13

Qam so Pablo 'naaco': —¿Chi'negue ma' nohiñitac chaqai viitaque na ỹachicoxo? Ma' ỹim mashic ñomatalta' quiyim sqaidaata quiyim qaycoñi', qai'neeta quiyim yileua'ñi yi Jerusalén, sasoualec so qara'gaxala' Jesús.

Filipenses 2:17

'Eno'm 'ec saantaho da ñachaalataxac quiyim qaỹavigaxat, qaiyi qaỹalecqajnougui ca rachitaxanataxanqachii 'ỹaañitacot ñi qota'a queda rpi'ỹaxaguii, ca' 'ue da ñitoonaxac. Salecqajanto da ñitoonaxac caqamiá'ogue.

Filipenses 2:30

Ma' ñi'maxare mashic sham ileu ma' ro'ueenataxantacot so Cristo. Chaqai ỹaañiguit da nachaalataxac da lichic na' yotauan quedá'maq qamiri sqai shichii yotauañiigue ma' qoỹore'talo qamiri.

Filipenses 2:8

Ca co'na' ỹantañi da no'ueenataxac na chaqai qom, ca' neneequesen. Ca quedá'maq quiyim na'xaỹaxanta, ca chi ỹovireta'a quiyim qaỹalauat, 'eno'm ỹo'uet da nayiloxo da lelauaxa na' qaipateno queso npatenaxala'.

Colosenses 2:15

Ma' so Cristo co'na' ileu na' qaipateno queso npatenaxala', ca' loxonec ná'maq nashillipi chaqai ná'maq nquesaxanaxa se re'xogui. Ca' qaỹauanchigui quiyim qaica ca 'negue nqai'en na' ỹauec 'ec lcoñiitecseripi na' rauegaxan.

1 Tesalonicenses 5:2

Ma' qamiri mashic 'yiiñita ca na'xa'a ma' novi' rapil so qara'gaxala'. Novi' so'maxare, ma' sqaica ca qaỹahotaque, 'nejem ca cuataxai quiyi pe.

Jueces 16:29

Ime, ca' ipootapigui saua dos nojnaxal sauá'maq nolliisañi sá'ogue so no'ueenaxanaxaqui, ca ỹacontau'alo saua'maxare.

Jueces 16:31

Ca co'na' ime dajo, ca' anac so lqaỹaripi so Sansón chaqai sá'ogue so lauo' laseripi, ca' qaiconeu'a so loshicmaxa so'maxare, ca' qaishinñi quena lavinñi yi Zora chaqai yi Estaol, cañi lahi' so Manoa só'maq leta'a. Ca' ỹovi' veinte saua ñaxari quiyim so Sansón la'gaxala' na Israel llaalqaipi. (17.1—21.25 Da liỹa na'qaataxac so llaalqaipi so Israel na' saqa'leca so lashi.)