Jueces 16:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ca' na qomyipi na' ỹauanchigui dajo, ca' qai'neeta ro'ueenaxan chaqai imaqachintac so nqolac: Ñi qarqolac ỹaanema qomi' quiyim qodoxonec ñi qanpa'guenaxaua Sansón, ñí'maq na'laxatañi na qodanaxanqateripi, chaqai 'xoic na ỹalauat quena qouo' laseripi.

Jueces 16:24 Iomraidhean Croise

Daniel 5:23

Ta'ta'a quiyim qami' ỹashi chaqai 'ñirari' ñi qara'gaxala' queda piguim na' laataxañira'alo so 'taxaquiripi ỹoreta'oguit da no'ueenataxac lalamaxaret na'le ñi no'ueenaxanaxaqui quiyi Jerusalén, ca' ỹoxoiguilo queso lataxa, ca' ni'chiiguilo queso qatallicshichi'ipi, chaqai maqachiñi'sac so rashiilqui'ipi nqolaquipi chicqaugui na 'oro, plata, bronce, fierro, qo'paq chaqai na qa', najo nashiilqaipi se reuanaxan, sqai 'qaa chaqai qaica ca ỹa'den. Qa'chica qami' sqai maqachiñi' ñi qota'olec ñí'maq no'qootañi da nachaalataxaqui' qami' ỹashi, chaqai hueeto'ot ná'ogue ná'maq 'viichi'.

Daniel 5:4

Ca sá'ogue só'maq nqa'xantañi ne'teetac queso lataxa, ca imaqachintac so lashiilec nqolaquipi qaỹachigoxotaugui na 'oro, plata, bronce, fierro, qo'paq chaqai na qa'.

Apocalipsis 11:10

Ca ná'ogue na qomyipi quena 'laua netoonta'peguelo quiyim qaỹalauate' saua'maxare. Ỹaatqajam chalego da netoonaxac, vire'ta quiyim quiñi 'óna ỹa'ue ca lame ilata ca liỹa, ma' sauajo ỹale' ỹa'xatesac da la'qaatec ñi qota'a, ca' saua'maxare ỹaatqajam 'ue da nqui'ic nqai'ne' quena qom.

Jueces 16:25

Ca' ỹaatqajam 'xoic da netoonaxac so qomyipi, ca rashiilaxanegue quiyim qanaueguec so Sansón, ma' ỹahotaque iualaxain. Ca' qanaqata'a cañi ncoñiitaxanaxaqui, ca qaỹaueguec, ca' qaiualaxaintac. Ime, ca nachajñi viichiguiñiguilo nqohine' saua dos nojnaxal sauá'maq nolliirañi so no'ueenaxanaxaqui.

1 Samuel 31:9

Co'na'le, ca' qaichaxauec na lqahic chaqai qaiconalo saua lo'goxonqate'. Ime, ca qaila' na na'qaataxanqajanqaipi quiyá'ogue yi na'laua na filisteoipi quiyim ỹa'ue la'xaỹaxac na qomyipi quiñi nqouagaxainaxaqui quena' nqouagaxainot cá'maq nashiilec nqolac.