Jueces 16:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca' aso Dalila retan quiyim nagui ca' ỹaatqajam ỹa'xateta dá'maq se re'xogui no'ueenataxac. Ca' ila' da la'qaatec queso lashillipi na filisteoipi: —¡Nagui maxasa', ma' ñi Sansón ỹaatqajam ỹa'xateta dá'maq 'neeta da no'ueenataxac se re'xogui! Ca' so nashillipi quepegue', ra'ỹa'a, lo'qoota'a aso lishiuetenaxanqate.

Jueces 16:18 Iomraidhean Croise

1 Reyes 21:20

Ca' so Acab 'naaco' queso Elías: —¿Ca' nachiriua', qami' ñpa'guenaxaua? —Ajá'a, sanata qami' —'naaco' so Elías—. Ma' qainaata na se no'uen 'viichi'sac quiñi qara'gaxala'.

Números 22:7

Ca' so qo'xoiquipi neeta'ñi yi Moab chaqai yi Madián, ca sá'ogue eec, lo'qoota'a ana lam, ma' ỹahotaque ishiueten ma' se no'uen ca na'qaatec. Ca co'na' qoỹovita yi neeta'ñi so Balaam, ca' qaỹa'xatem dá'maq 'naaco' na'le so Balac.

Mateo 26:15

Ca 'naaco' quesaua'maxare: —¿Ỹote' aca nañaañii quiyim saano so Jesús? Ca saua'maxare ishiuetene' saua treinta chiróla chicqaugui ana lecat leenaxat plata.

Efesios 5:5

Ma' cá'maq ñaqai nocachita'guit aca se loua, loqo'm cá'maq ñaq ỹo'ueetetac cá'maq rapio'qotaxan, loqo'm cá'maq ñaqai queetalec quiyim ipiteta'a ca liỹa (ma' 'nejem cá'maq ñaqai nqouagaxaintacot ca nashiilec nqolac), ca' mashic 'yiiñii qamiri quiyim ca'maxare se inoxona'a ma'le da lo'ueenataxanaxac ma' ỹoiquentac ná'ogue najo ñi Cristo chaqai ñi qota'a.

1 Timoteo 6:10

Ma' dá'maq nqo'iichi cana re'qoochigui plata, ca 'eco' lpa'a' ná'ogue ná'maq ỹaleque'ejta' se no'uen. Ma' mashic 'ue ná'maq imelec da lqo'itaxanqachic cana'maxare, ca' ỹaxanñi da lpi'ỹaxac, ca ỹovirau'a quiyim 'xoic na le'xoric quedá'maq chi nachaalataxac.

Jueces 16:17

Ca vire'to' na' ỹa'xatem aso Dalila dá'maq 'neeta da no'ueenataxac se re'xogui, 'neetasa': —Ỹaatqajam se ỹauanapega qanepetec na iue, ma' na' saqa' ñi'qaañi chaqa'ma' shi'gue qaỹoỹoote'oga aỹim qayayaanot quiyim ỹim lalamaxaret ñi qota'olec. Qam quiyim qanepetec na iue, ca' na'laañi da iquesaxanaxa, ca' shinta cá'maq canchaqaica liỹa qom.

Jueces 16:19

Ca' aso Dalila ilaqachit so Sansón hueetalgoto naua loteletari nqai'en so lqahic. Ca roỹaxana so ỹale quiyim nepeteguerec saua siete nepaqata so lqahic. Ime, ca' aso Dalila ỹaatqajam se ỹa'maxata'gue so'maxare.

Jueces 16:5

Ca' so lashillipi na filisteoipi quepegue' aso Dalila, ỹahotaque quiyim retaxaỹa'pegue', 'naaco': —Yiñi' ma'le so Sansón, chaqai nachi' quiyim negue' ca ỹachigoxota'gue dá'maq chalego lquesaxanaxa qaica 'nejem, chaqai negue' quet cá'maq shinqata'gue quiyim qodoxonec, qaiyi seconaxalec, ca' scoñirqañi. Ca no'm 'viichi' dajo, ca' quiñi 'óna coqomi' saanqairaxarom mil cien ana nam plata.