Jueces 13:7 - La'qaatqa ñi qota'olec Qota'olec & Qota'olec Novita Na Qomyipi

⁷ Qam so'maxare 'naapiguiỹa' quiyim 'ue ca ỹaalec ma'le, chaqai 'naac quiyim nagui chaqa'ma' se ñi'chigui na lataxa loqo'm canchaqaica liỹa quena 'taxat chim, chaqai se sa'ic cá'maq se qaỹa'ic. Ma' cajo noctoqui' da nachaalataxac qoỹaanot ñi qota'olec quiyim louenec ma' saqa' ne'qaañi, ca' chi ỹovireta'a ca lqodoc aca lqauaxaqui'.

Jueces 13:7 Iomraidhean Croise

Amós 2:11

Ca' mesqai qollictaxañii, qamiri Israel llaalqaipi, ma' caqamiri sachigoxotaugui na'le na' sa'ue ca itaxaỹaxaqui chaqai ca nazareo cá'maq nomatalta' quiyim ro'ueenataxanot aỹim. Ỹim na'gaxala', se'taxajñi dajo.

Números 6:2

—'Ñirapego' na Israel llaalqaipi queda shinac, 'neetasa': Ca ỹale loqo'm aca 'aalo quiyim mashic ỹaanec da la'qaatec quiyim nañaanot ñi qara'gaxala' quiyim nazareo,

Jueces 13:4

Qam se ni'chirquio' na lataxa chaqai canchaqaica liỹa 'taxat chim, chaqai qaica ca 'qui' quená'maq se qaỹa'ic,

Jueces 13:6

Ca' aso 'aalo eec quepegue' so loua, ca' ra'qaataxana, 'naaco': —'Ue so ỹale letaxaỹaxanqajnec ñi qota'a. So'maxare quepegue' yi seueta'ñi. Ca' ỹaatqajam ỹo'uet da i'laxa, ma' so'maxare da no'ueenataxac 'nejem da no'ueenataxac na lelaatec ñi qara'gaxala' piguim le'ec. Chaqai se senat negue' so'maxare, chaqai so'maxare sqaica ca 'naapiguiỹa'.

Jueces 13:8

Ca co'na'le, ca' so Manoa nqouagaxainot ñi qara'gaxala', 'naaco': —Ỹim ñi'xoresene'tot, qami' ỹa'gaxala', quiyim liỹa nelachi' cajo ỹale coqomi', qaiyi 'naapegoxoua' quecá'maq shinqata'gue ma'le ca noctoqui' ma' ne'qaañi.