Jueces 13:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' aso 'aalo eec quepegue' so loua, ca' ra'qaataxana, 'naaco': —'Ue so ỹale letaxaỹaxanqajnec ñi qota'a. So'maxare quepegue' yi seueta'ñi. Ca' ỹaatqajam ỹo'uet da i'laxa, ma' so'maxare da no'ueenataxac 'nejem da no'ueenataxac na lelaatec ñi qara'gaxala' piguim le'ec. Chaqai se senat negue' so'maxare, chaqai so'maxare sqaica ca 'naapiguiỹa'.

Jueces 13:6 Iomraidhean Croise

Génesis 18:2

Ca co'na' so Abraham nedaanashiguim, ca' saua tres ỹale' reloqoso'ot so'maxare. Ca co'na' iuane'talo, ca ne'laxatashiguim quelola'pegueto, ca nqai'guiñi ỹoviraqta'guit na latap na 'laua.

Génesis 32:29

Ca' so Jacob inato' so'maxare, 'naaco': —Nagui, ca' choxochirim ca qadeenaxachi'. Qam so ỹale 'naaco': —¿Chi'negue ma' yinachisa'pegue ca ỹeenaxat? Ca na' ime, ca' so ỹale ỹaanem da nqouagaxa so Jacob.

1 Reyes 17:18

Ca co'na'le, ca' aso pa'ỹe 'naaco' queso Elías: —¿Negue' cá'maq shinto' caqami', qami' nale ñi qota'olec? ¿Qa' novichi'o' quiyim yo'leentaxanaxañi' quena ỹasauaxaset, chaqai quiyim 'viichi' ileu yi ỹaalec?

1 Reyes 17:24

Ca' aso 'aalo 'naaco': —Nagui, ca' ỹaatqajam sa'den quiyim qami' nale ñi qota'olec, chaqai dá'maq 'ñirac ỹaatqajam lliqueta chicqo'ot ñi qara'gaxala'.

2 Reyes 4:16

Ca co'na'le, ca' so Eliseo 'naaco' caso'maxare: —Quena liỹa ñaaxa, ca' 'ue ca qachaalqui' ma' ỹovire'oga najo na'xa'a. Ca aso'maxare 'naaco': —'E', qami' ỹa'gaxala', se yayiñi', ma' qami' nale ñi qota'olec.

2 Reyes 4:9

Ca aso'maxare 'naaco' queso loua: —'Ajñi', ỹim sa'den quiyim sotaq ỹale noviretapego' quen quena qara'a', so'maxare só'maq ỹaatqajam co'teeta letaxaỹaxaqui ñi qota'olec.

Éxodo 3:2

Ca hua'ño'yi na'le, ca' qanachaxano' queso lelaatec ñi qara'gaxala' piguim le'ec caso qo'paqo'lli' hueetaugui so norec lauaq. Ca' so Moisés ỹaatqajam na'ijne'tegue, ca iuane'ta quiyim aso qo'paqo'lli' 'ue ana le ỹaatqajam ỹaviquetaugui, qam se nasogoñi.

Éxodo 3:6

Ca lotqai liỹo' 'naac: —Chaqaỹim ná'maq ỹim qota'olec quesó'maq 'auaxaic qata'i'llipi. Aỹim qota'olec quesaua qapirilli' Abraham, Isaac chaqai so Jacob. Ca' so Moisés ỹapoquio' na lashic, ma' no'cho' quiyim ra'ỹo'ot ñi qota'olec.

Lucas 1:19

Ca' so nelaatec 'naaco': —Aỹim chaqaỹim Gabriel, ma' sento'ot ñi qota'olec. Ca' ñi'maxare nela' aỹim quiyim setaxaỹa'pegue' qami' quiyim sa'xatem qami' da no'uen ra'xaỹaxaqui'.

Lucas 9:29

Ca co'na' so Jesús nqouagaxaintac, ca ỹoqa'a da no'ueenataxac, na lashic chaqai saua loho ỹañigui, qashilec da lalacqa'.

Hechos 6:15

Ca' so nashillipi chaqai sá'ogue só'maq nqa'xantañi quiyi'maxare, co'na' ra'ỹo'ot so Esteban, ca ỹoqa'a na lashic, 'nejem na lashicyaxac na chicqashiguim qota'a lelaatec.

1 Timoteo 6:11

Qam qami', ma' mashic qami' lelaatec ñi qota'a, ỹaatqajam 'iichirapeguem ná'ogue na se no'uen. Quiisalco' quiyim na'maxachite' quiyim quirelec ñi qota'a queda npi'ỹaxac, ne'xorenataxanaxa, neualaxavic chaqai da neequesenaxac.

Apocalipsis 1:17

Ca na' seuana, ca' seuañi, 'ec yileu. Qam so'maxare ỹashil-lec aỹim, ỹahote'e da loic. Ca 'naapiguiỹa': —Totaxan ro'chi'i'. Ỹim na' ỹim 'auaxaic, chaqai aỹim ná'maq spa'aatec.

Jueces 13:10

ca aso'maxare queuo ne'guenta, ca' 'naapega so loua: —¡'Anta, dá'maq ỹale nachaxana aỹim scavit liỹa, lotqai liỹa nachaxañiua'!

Jueces 13:22

Ca 'naaco' caso loua: —Ỹaatqajam qareleu ma'le, ma' qomi' ya'ỹoqochigui na lashic ñi qota'olec.

Jueces 13:3

Qam so lelaatec ñi qara'gaxala' piguim le'ec nachaxana, ca 'naaco' caso'maxare: —Qami' ỹaatqajam se ỹauanapega 'ue ca qachaalqui', qam nagui, ca' qami' 'mañi', ca 'ue ma'le ca qachaalqui'.

Jueces 13:7

Qam so'maxare 'naapiguiỹa' quiyim 'ue ca ỹaalec ma'le, chaqai 'naac quiyim nagui chaqa'ma' se ñi'chigui na lataxa loqo'm canchaqaica liỹa quena 'taxat chim, chaqai se sa'ic cá'maq se qaỹa'ic. Ma' cajo noctoqui' da nachaalataxac qoỹaanot ñi qota'olec quiyim louenec ma' saqa' ne'qaañi, ca' chi ỹovireta'a ca lqodoc aca lqauaxaqui'.

Jueces 13:8

Ca co'na'le, ca' so Manoa nqouagaxainot ñi qara'gaxala', 'naaco': —Ỹim ñi'xoresene'tot, qami' ỹa'gaxala', quiyim liỹa nelachi' cajo ỹale coqomi', qaiyi 'naapegoxoua' quecá'maq shinqata'gue ma'le ca noctoqui' ma' ne'qaañi.

Jueces 6:11

Co'na'le, ca' novi'o' so lelaatec ñi qara'gaxala' piguim le'ec, ca' nqa'xanñi ne'tot aso qo'paq leenaxat encina, na'ñi yi Ofra. Yi'maxare lalamaxaret so Joás, so'maxare chicqaugui na lauo' so Abiezer. Ca' so Gedeón, llaalec so Joás, co'taxatetac na trigo, nañoxotetañi, hueete'e añi lo'o ana 'uva quena' qanelam na li'i, ca' qaỹo'uet na lataxa, ma' ỹahotaque se qaiuana quena Madián llaalqaipi.

1 Samuel 9:6

Ca só'maq lelaatec 'naaco': —Quenajo na'a' lodegaxat 'ue ñi ỹale na'qaataxanaq. Ca ná'ogue na qomyipi ỹaatqajam 'ue nqai 'negue nqai'en, ma' ná'ogue ná'maq ỹa'xat ñi'maxare ỹaatqajam lliqueta. Sha'apiguito' ỹachaxan cá'maq nayic qolqa'tegue ma'le.