Jueces 1:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Ca' queso llaalqaipi so Manasés se ishit ỹo'daauec yi na'ñi yi Bet-seán, Taanac, Dor, Ibleam chaqai yi Meguido, chaqai ná'maq neetalgoto na sqoỹoqapigui 'lauari queso na'aateripi. Ca' na cananeoipi ñaqaina neetalgoto naua'maxare.

Jueces 1:27 Iomraidhean Croise

2 Reyes 23:29

Ca' quesaua ñaxari, ca' so nashi Necao, lashi na Egipto laseripi, so'maxare quepegue' aso lachiugue Eufrates, ma' ỹahotaque ỹotauan so nashi quiyi Asiria. Ca' so nashi Josías naxata'guit so'maxare; ca' quiyi Meguido, qam so Necao na' iuañi'chiguit so'maxare, ca' ỹalauat.

Deuteronomio 7:2

Ma' ñí'maq ra'gaxalari qota'olec ỹo'uet quiyim qadoxoñiguii yijo qomyipi, ca ma' qadoxoñiguii, ca' ỹaatqajam nomachichiguiñi. Qaica ca no'ueenashiguim nqai'ñii, chaqai qaica ca na'yiiñiguit quiyim rqouaguigue.

Jueces 1:21

Qam so llaalqaipi so Benjamín se ishito' na'le ỹo'daauec na jebuseoipi na'ñi yi Jerusalén. Ca' vichiguiño' ñaqaina na jebuseoipi chaqai na llaalqaipi so Benjamín ñaqai neetalec yi Jerusalén.

Jueces 1:28

Ca co'na' so Israel llaalqaipi nqo'neuec da lquesaxanaxa, ca' ishit quiyim ỹaatqajam 'ec la'aquipi so cananeoipi, ỹaatqajam resalli nqai'en da lo'ueenataxanaxac, qam se ishit ỹo'daauec.

1 Samuel 15:9

Qam so Saúl chaqai so nalliripi se ỹalauat so Agag, chaqai nca'laxatetauec aná'maq no'uen qagretaipi, chaqai na toorollipi, chaqai na 'uegaxasaq huaqui llaalqaipi, chaqai na qagreta louaaripi chaqai se iuagaxatac na no'uen nouenqaipi. 'Nesa, ma' iuagaxatac ná'maq qaica ca 'negue chaqai qaica ca lemaqachic.

1 Samuel 31:10

Co'na' ime, ca iconalo saua lo'goxonqate' so Saúl, ca qailliraugui so qouagaxainaxaqui quiyim qanqouagaxainot aso nashiila Astarté. Ca sauá'maq leuaxaqa qoỹandashiguim queso lquepaqataxanaxat qa' yi na'a' Bet-sán.