Juan 9:35 - La'qaatqa ñi qota'olec Qota'olec & Qota'olec Novita Na Qomyipi

³⁵ Ca so Jesús la'xaỹaxaco' quiyim qaỹo'daauec só'maq qai'laqo' na'le. Ca co'na' neuañiguit so'maxare, ca 'naaco': —¿Virelec qami' so llaalec ñi qota'olec?

Juan 9:35 Iomraidhean Croise

Salmos 2:7

Ỹim sa'xat dá'maq ỹahotaque ñi qota'olec: ñi'maxare 'naac caỹim: Qami' ná'maq qami' ỹaalec; nagui, ca' ỹim qataa'i'.

Salmos 27:10

Ma' 'enquetqai yalat ca ita'a chaqai aca ỹate'e, qam qami' ỹa'gaxala' loqoisa'a ỹim.

Mateo 14:33

Co'na'le, ca sauá'maq neesañigui aso'maxare, ca ỹa'dooto naua le'cootal so Jesús. Ca 'neraco': —Ỹaatqajam lliqueta quiyim qami' llaalec ñi qota'olec.

Mateo 16:16

Co'na'le, ca' so Simón Pedro 'naaco': —Qami' ná'maq qami' nashi nca'laxaqui, qami' ná'maq qami' llaalec ñi qota'olec ñí'maq se ileu.

Mateo 4:3

Ca' so na'ỹaapec quepegue' so Jesús, ma' ỹahotaque i'guen. Ca 'naaco': —No'm ỹaatqajam qami' llaalec ñi qota'a, ca' ñiguilo nqai'ñi' paañi' nauajo qari.

Marcos 1:1

'Eda 'neeto' na'le co'na' ñaqai chita'gue taañi da na'qaatec qaỹa'xatetac so Jesucristo só'maq llaalec ñi qota'olec.

Juan 1:18

Ñi qota'olec qaica iuanapega, qam so 'oonoqui' llaalec só'maq ỹaatqajam neeto'ot ñi'maxare ñí'maq leta'a, chaqaiso só'maq ỹa'deenaxanaxanque qomi' ñi qota'olec.

Juan 1:34

Ca' ỹim ma' mashic sauanchigui so'maxare, vichiguiño' sa'xatetac quiyim chaqaiso só'maq llaalec ñi qota'olec.

Juan 10:36

Chaqai no'm ñi qota'olec ỹoỹoote'oga ỹim, ca yilata na 'laua, ca ¿negue' quet cá'maq 'neeta quiyim 'ñiỹac ñapacalec ñi'maxare quiyim shinac ỹim llaalec ñi qota'olec?

Juan 11:27

Ca aso'maxare 'naaco': —Ajá'a, qami' ỹa'gaxala', ỹim seuelec quiyim qami' ná'maq qami' nashi qarca'laxaqui, ma' qami' llaalec ñi qota'olec, ná'maq shi'gue qaỹa'xateta'guit nai'a na 'laua.

Juan 20:28

Ca' so Tomás 'naaco': —¡Qami' ỹa'gaxala', chaqai qami' qota'olec!

Juan 20:31

Qam nauajo qohichiñi, ma' qaỹahotaque quiyim qamiri viilec so Jesús quiyim chaqaiso só'maq nashi nca'laxaqui, llaalec ñi qota'a, chaqai qaiyi 'ue ca rca'laxahi quiyim viilec so'maxare.

Juan 3:36

Cá'maq huelec so llaalec ñi qota'olec, ca' 'ue da lca'laxa sqaica lqodoc; qam cá'maq sqai huelec so llaalec, ca' sqaica da lca'laxa. Ta'ta'a quiyim hueetalec dá'maq chalego lecaic nouaxanaxaset quiñi qota'olec.

Juan 5:14

Co'na' ime, ca' so Jesús iuanejlec so ỹale caso no'ueenaxanaxaqui, ca 'naapego': —'Ajñi', nagui mashic remi'rec qami', ca tot liỹa vite ca rasauaxashichi', qaiyi sqai paguec lecaic ca ralolaxa'e'.

Juan 6:69

Chaqai qomi' shi'gue seuaqlec, chaqai sa'deenaq quiyim chaqaqami' ná'maq nashi nca'laxaqui, llaalec ñi qota'a, ñí'maq chaqai'en nca'leetauec.

Juan 9:22

Saua leta'al 'neraco' na'le dajo, ma' mashic 'uo' da lqolonqa', ma' so judioipi shi'co' na'deentecta' quiyim ỹo'daauec cañi lo'ueenaxanaxaqui canchaqaica qom quiyim 'naac so Jesús chaqaiso só'maq nashi nca'laxaqui.

Juan 9:34

Ca qohinaco' queso'maxare: —Qami' na' chi ne'qa'iriñi chaqa'ma' no'qaachigui qami' quena nasauaxaset, qam ¿chi'neco' ma' viisaque qarapaxaguiñi'? Ca' quiyi, ca qaỹo'daauec so'maxare caso lapoxoqui na judioipi.

Hechos 8:36

Ca co'na' ỹovijta yí'maq hua'ñi 'ue na huaxaỹaq, ca' so nelaatec 'naaco': —Quenajo 'ue na huaxaỹaq, ¿tegue' chi ỹa'maxaño' quiyim qayachilaxan?

Hechos 8:37

Ca so Felipe 'naapego': —Ajá'a, no'm ỹaatqajam vi'relec, ca ỹa'maqachiguiñi. Ca só'maq ỹale 'naaco': —Ajá'a, ỹaatqajam seuelec quiyim so Jesús chaqaiso só'maq llaalec ñi qota'olec.

Hechos 9:20

Ca co'na' ncopa, ca so Saulo lotqai ỹa'xatetac da na'qaatec, hueetau'a ana lapoxoqui na judioipi, ỹa'xatetac so Jesús ỹaatqajam chaqaiso so llaalec ñi qota'olec.

Romanos 1:4

Qam chicqochigui so Espíritu Santo co'na' ỹa'xat quiyim so'maxare llaalec ñi qota'a chaqai ỹaatqajam 'ue da lquesaxanaxa co'na' nca'le'guesop so nelauaxa.

Romanos 10:20

Ime, ca' so Isaías lotqai napacqajan quiyim ỹiriñi da la'qaatec ñi qota'a, 'neetasa': Ná'maq se idaantaque aỹim, ca ỹanachiua', chaqai ñachaxana ná'maq se renataxantaque aỹim.

1 Juan 4:15

Canchaqaica quiyim ỹaatqajam llic nqai'en quiyim so Jesús chaqaiso so llaalec ñi qota'a, ca' da nachaalataxac hueeto'ot ñi qota'a, chaqai ñi qota'a hueetagui da nachaalataxac ca'maxare.

1 Juan 5:10

Cá'maq huelec só'maq llaalec ñi qota'a hueetagui nqai'en añi le'taxanata dajo na'qaatec. Qam cá'maq sqai huelec ñi qota'a, ca 'ec 'maatqaic nqai'en, ma' sqai huelec dá'maq 'naac ñi'maxare quiyim ỹa'xat so llaalec.

1 Juan 5:13

Shiriñi dajo caqamiri ma' mashic viilec so llaalec ñi qota'a, qaiyi 'yiiñita quiyim 'ue da rca'laxahi sqaica lqodoc.

1 Juan 5:20

Sa'deenaq qai'neeta quiyim so llaalec ñi qota'a novi', ca' ỹaanema qomi' da qara'deenataxanaxac, qaiyi sa'deenaq ñí'maq ỹaatqajam qota'a. Qomi' ña'daqatau'a ñí'maq ỹaatqajam 'chichiguiñi, ca so'maxare chaqaiso só'maq Jesucristo, llaalec ñi qota'a. Chaqaiso so Jesús só'maq ỹaatqajam qota'a, chaqai chaqaiso só'maq nca'laxa sqaica lqodoc.

1 Juan 5:5

Ca ná'maq 'ue da lpi'ỹaxac queso Jesús quiyim chaqaiso só'maq llaalec ñi qota'a, ca' qainaata loxonec ná'maq nanatqaipi se no'uen hueetalec ana 'laua.

3 Juan 1:10

Ca' vichiguiño' no'm shic, ca' ño'lashiguim da'maxare quedá'maq 'neetari' ỹa'xatetac na la'axaic chaqai na'majanteguelgoto qomi'. Qam se ỹa'maxagui lauel quedajo, ma' qai'neeta se icoñiguit ná'maq qarqaỹaripi ỹoviretapego. Chaqai ná'maq ỹahotaque icoñiguit na'maxare, ca se ỹa'maxaren. Ca' se ỹasenem chaqai ỹo'daauec ca'e nqai'en ná'maq mashic icoñiguit da na'qaatec.