Juan 9:34 - La'qaatqa ñi qota'olec Qota'olec & Qota'olec Novita Na Qomyipi

³⁴ Ca qohinaco' queso'maxare: —Qami' na' chi ne'qa'iriñi chaqa'ma' no'qaachigui qami' quena nasauaxaset, qam ¿chi'neco' ma' viisaque qarapaxaguiñi'? Ca' quiyi, ca qaỹo'daauec so'maxare caso lapoxoqui na judioipi.

Juan 9:34 Iomraidhean Croise

Génesis 19:9

Qam saua'maxare 'neraco': —¡Qo'ñirec quenajo! Saqa'leco'eda quiyim ca chicqauec 'nejem qami' ỹahotaque qarela'. Qam ¡nagui paguec la'aaxa dá'maq shinqa'tegue qami' quiyaua'maxare! Ca chaqa'ma' se qaỹa'maxata'gue so Lot, ca qanqo'neu'a ca lasom qaỹahotaque qaỹopoxoỹaxato.

Job 14:4

Qaica quet cá'maq ishit ñigui co'teeta nqai'en ca napio'o.

Salmos 51:5

Ca' lliqueta quiyim chi ñi'qaañi chaqa'ma' ỹim nocqaic; shi'gue ỹim sauaqhuaic na' ñaqai seuetaho.

Éxodo 2:14

Ca só'maq hebreo le'ec 'naaco': —¿Negue' cá'maq ỹanagui qami' quiyim qarelachi', chaqai quiyim 'ñirapegalo qomi' queca ỹa'maqachiguiñi chaqai queca se ỹa'maxañi? ¿Loqo'm vi'saque quiyim yalauachi', 'ñitetegue aỹim dá'maq 'ñitetegue na' lauachi' so Egipto le'ec? Ca co'na' 'xaỹa dajo so Moisés, ca' 'ue da lqolonaxa, ma' retano' quiyim mashic qaỹa'den quiyim ỹalauat so Egipto le'ec.

Lucas 11:45

Ca 'uo' so retaqa quesaua napaxaguinataxana' quena naqataxaquipi, 'naaco': —Qami' napaxaguinataxanaq, ca' quedajo 'xachi' qai'neeta ỹovira'ogalo qomi' quiyim qomi' qarayilqochichi'.

Lucas 14:11

Ma' cá'maq chi ỹauaaque ca lecaic, ca' se qaimaqachin, chaqai cá'maq neneequesenta, ca qaimaqachin.

Lucas 18:17

Ma' ỹim shinapegalo qamiri quiyim ca ỹacoñiguit da lo'ueenataxanaxac ñi qota'a ma' ỹoiquentac ná'ogue najo quiyim sqai 'nejem ca noctoqui', ca ca'maxare se inoxono.

Lucas 6:22

Chaqai qai'neeta ra'maxaichiguiñi ma' qamiri qanoquii'alo quena qomyipi, chaqai ma' qaro'yia'oguiyi, chaqai ma' qoyiga'alo qamiri, chaqai ma' tot qanqo'ta da qadeenaxachii, 'ec chalego la'aaxa, sovitapigui najo ỹale llaalec.

Juan 6:37

Ná'ogue ná'maq nañaañim ñi ita'a nacpegue' aỹim; chaqai ná'maq nacpegue' aỹim, se so'da'guit.

Juan 8:41

Qam qamiri 'viichitac dá'maq 'nejem da lo'ueenataxanaxac só'maq qataa'i: Ca 'naaco' so qomyipi: —Mesqai qomi' na'ualqa ñaalqa, ma' 'oonoqui' ñí'maq qareta'a, qota'olec.

Juan 9:2

Ca qainato' so'maxare quesaua lapaxaguinatqa, qohinaco': —Qami' napaxaguinataxanaq, ¿chi'neco' ma' chaqa'ma' qai'laq ñi ỹale co'na' ne'qaañi? ¿Peeta'a sauaxat quiyim 'ue ca lasauaxasete' caua leta'al, loqo'm quecá'maq chi lasauaxaset?

Juan 9:22

Saua leta'al 'neraco' na'le dajo, ma' mashic 'uo' da lqolonqa', ma' so judioipi shi'co' na'deentecta' quiyim ỹo'daauec cañi lo'ueenaxanaxaqui canchaqaica qom quiyim 'naac so Jesús chaqaiso só'maq nashi nca'laxaqui.

Juan 9:35

Ca so Jesús la'xaỹaxaco' quiyim qaỹo'daauec só'maq qai'laqo' na'le. Ca co'na' neuañiguit so'maxare, ca 'naaco': —¿Virelec qami' so llaalec ñi qota'olec?

Juan 9:40

Qam 'vio' saua fariseo ỹalequesaho, ca co'na' 'qaachirigui dajo. Ca renataxan'o', 'neraco': —¿Ca' qomi'o' qai'neeta qomi' qai'la'?

Gálatas 2:15

Qomi', qomi' llaalqa na judioipi, chaqai sqai qomi' sauaqhuaqa, sqai shinqata na liỹa ỹoreta'oguit qomyipi.

Efesios 2:3

Chaqai qomi' qai'neeta shinqatari' quen quesaua 'auaxaqa ñaxari, qolqata'pegue' dá'maq chi qaramaanaxanqachic, so'ueetqatac dá'maq chi lqo'itaxanqachic na qaroshicmaxa chaqai quedá'maq chi qara'deenataxanaxac. Ca' quedajo, ca' ỹaatqajam 'chichiguiñi quet ca chalego lecaic qanouaxanaxaset quiñi qota'a, shinqata ná'ogue na liỹa qomyipi.

1 Pedro 5:5

Ca' chaqai 'neete'm, qamiri ne'naqa, ỹaatqajam na'xaỹaxañii'ta meca 'naac na qo'xoiquipi. Chaqai quená'ogue na qom qaica ca napacqajan queca liỹa. Ta'ta'a quiyim neneequesentecta', ma' naua naneresañi na'qaatqa 'neracsa': Ñi qota'a quepaxat ca nemaqajnaxai, qam nqouaguegue ỹotauan ca neneequesenaxai.

3 Juan 1:10

Ca' vichiguiño' no'm shic, ca' ño'lashiguim da'maxare quedá'maq 'neetari' ỹa'xatetac na la'axaic chaqai na'majanteguelgoto qomi'. Qam se ỹa'maxagui lauel quedajo, ma' qai'neeta se icoñiguit ná'maq qarqaỹaripi ỹoviretapego. Chaqai ná'maq ỹahotaque icoñiguit na'maxare, ca se ỹa'maxaren. Ca' se ỹasenem chaqai ỹo'daauec ca'e nqai'en ná'maq mashic icoñiguit da na'qaatec.

3 Juan 1:9

Ỹim 'ue aso shiriñi ilaata selata yí'maq mashic icoñiguit da na'qaatec. Qam ca Diótrefes se na'xaỹaxana da qarelaataxanaxac, ma' ca'maxare nqo'ta quiyim qaicaata na'gaxala' quiyi'maxare.

Apocalipsis 13:17

Chaqai sqaica ca ishit 'ue ca rishiujnaxana chaqai ca imen, no'm sqaica ca netanec, loqo'm ca leenaxat so isecỹac lodegaxat, loqo'm ỹovi' só'maq ỹorete' cá'maq leenaxat.