Juan 9:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' so Jesús 'naaco': —Sqa chicqaugui cá'maq chi lasauaxaset, loqo'm ca lasauaxasete' caua leta'al. Ma' dajo chi qohinegue, qaiyi re'oq cá'maq ỹo'uet ñi qota'olec, chicqochigui nqohin ñi'maxare.

Juan 9:3 Iomraidhean Croise

Job 42:7

Ca co'na' ime da ỹa'xatetac ñi qota'olec queso Job, ca lotqai 'naac queso Elifaz: —Ỹaatqajam yoquii'a qami' chaqai saua dos nauochaxauachi', ma' sqa 'xachii dá'maq llic caỹim, mesqai 'ñiita ñi ilaatec Job.

Mateo 11:5

'Qaataxañim dá'maq 'neeta quiyim na qai'laripi neuanñi, chaqai na se ra'ñiiguelo naua lichil qaua, na rishiita na loshicmaxa imeuec quena ralolaxa, na ra'ñiỹagui na lqahic 'qaa, chaqai ná'maq mashic ileu liỹa nca'leuec nqohin, chaqai na 'xoraiquipi qaỹa'xatem da na'qaatec chicqaugui da nca'laxa.

Juan 11:4

Ca' so Jesús co'na' 'xaỹa dajo, ca 'naaco': —Dajo nalolaxa se ỹovita ma'le ca nelauaxa. Ta'ta'a quiyim qaỹahotaque qaỹachaxan da lecaic ñi qota'olec, chaqai quiyim qaỹachigoxochichigui dajo nalolaxa quiyim qainaqachin na llaalec ñi qota'olec.

Juan 11:40

Qam so Jesús 'naaco' caso'maxare: —¿Mesqai shi'gue shinac caqami' quiyim vi'relec, ca' huañita ca se qaiuanapega lo'ueenataxanaxac ñi qota'olec?

Hechos 28:4

Ca' so qomyipi na'ñi yi Malta ỹauanchigui so nanaic ỹa'queetaho queda lqai'laxat so Pablo, ca sá'ogue retaxaỹata', 'naaco': —Da ỹale peeta'a ỹaatqajam lauataxanaxai. Vichiguiño' qaỹa'caañi. Ma' 'eno'm nca'leuec cana huaaxai, qam ñí'maq se re'xogui ñí'maq ỹa'ue laseue' na nasauaxaset sqai ỹaxanegue quiyim nca'leetauec.

Hechos 4:21

Ca' so nashillipi ỹaatqajam ỹadeneguelgoto, qam qaỹosoorec. Se qaỹa'den cá'maq qohine'tegue quiyim qaỹouaxane', ma' sá'ogue so qomyipi imaqachintac ñi qota'a quedá'maq 'neeta so qaỹo'uet.

1 Juan 4:16

Ca' quiyi, ca ỹovita quiyim sa'deenaq chaqai seuaqlec quiyim ñi qota'a qare'xoren. Ma' ñi qota'a 'xorenataxanaxai. Ca cá'maq hueetagui da nachaalataxac ca ne'xorenataxanaxa, ca' da nachaalataxac hueeto'ot ñi qota'a chaqai ñi qota'a hueeto'ot ca'maxare.

1 Juan 4:9

Ñi qota'a ichoxot da le'xorenataxanaxa coqomi' na' nela' so 'oonoqui' llaalec quena 'laua, qaiyi 'ue ca qarca'laxa chicqochigui nqai'en so'maxare.