Juan 9:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Qomi' sa'deenaq quiyim so Moisés retaqata'pegue' na'le ñi qota'olec, qam so ỹale vire'ta quiyim se sa'deenaq cá'maq chicqa'gue.

Juan 9:29 Iomraidhean Croise

1 Reyes 22:27

'Ñiỹapegalo quiyim ỹim shinac quiyim qoỹanaugui añi ncoñiitaxanaxaqui, chaqai sqailligueme' qaiqui'ỹaxan, qainaata na pan chaqai na huaxaỹaq, toco' ma' yapil yo'ueenta.

Salmos 103:7

Ñi'maxare ỹachaxan na'le na nayiquipi chaqai na lo'ueenatqaipi queso Moisés chaqai so llaalqaipi so Israel.

Salmos 22:6

Qam ỹim sqaỹim ỹale, ta'ta'a quiyim 'ec ỹim ñilo'; ¡chaqaỹim le'nec na qomyipi!

Malaquías 4:4

Totaxan 'laxachiỹo' na ilaataxanaxaquipi ná'maq saanem na'le so ilaatec Moisés cada qa' ladocai Horeb. ¡Saua'maxare ỹaqataxaco chaqai ilaataxanaxaco sahotaque quiyim na'xaỹaxane'talo ná'ogue na llaalqaipi so Israel!

Mateo 12:24

Qam co'na' 'xaỹa dajo so fariseoipi, ca 'naaco': —Dajo ỹale ỹo'daauec na ne'ec lecmaxaiquipi, qam ỹahote'e da lquesaxanaxa so Beelzebú só'maq chi lashi na'maxare.

Mateo 26:61

Ca saua'maxare 'neraco': —Dajo ỹale 'naac na'le: “Ỹim seshit sopoxoỹaxachigui añi no'ueenaxanaxaqui late'ogue' na'ñi na Jerusalén, qam quecaua tres na'xata', ca lotqai ñá'ogue ño'xonshiguim.”

Lucas 23:2

Ca' quiyi, ca qaỹa'uo' na qaimaxalec, qohinac quiyim lasauaxaset, ca qohinac: —Qomi' seuanqajlec dajo ỹale quiyim ỹaatqajam se i'maxañi nqai'en na qouo' laseripi. Chaqai 'neetapega quiyim se seshiuetenaq ñi lashi na nashillipi neeta'ñi yi Roma, chaqai 'naac quiyim chaqaida dá'maq nashi nca'laxaqui.

Juan 1:17

Na nelaataxanaxaquipi na' qoỹaanec chicqochigui nqohin so Moisés, qam da nqo'iichi chaqai da lliqueta chicqochirigui so Jesucristo.

Juan 7:27

Qam qomi' sa'deenqata dá'maq chicqa'gue da'maxare. Qam ma' novi' cá'maq nashi nca'laxaqui, qaica ca ỹa'den ma'le cá'maq chicqa'gue.

Juan 7:28

Ca co'na' 'xaỹa dajo so Jesús ma' rapaxaguinataxantac cañi no'ueenaxanaxaqui, ca retaqa, qam nelamaxaren, 'naaco': —¡Ajá'a, ca' ỹim huañiua', chaqai 'yiiñii ca sachigoxogue! Qam se ñanoiquentac quiyim ñanac, ta'ta'a quiyim yila' ñí'maq ỹaatqajam lliqueta, ca' ñí ñí'maq sqai huañiỹapega.

Juan 8:14

Ca' so Jesús 'naaco': —Dajo ỹa'qaataxanaxac ỹaatqajam 'ue da 'negue, 'eno'm chi ña'xateteguelta'. Ma' sa'den dá'maq sachicqa'gue, chaqai cá'maq saỹa'gue. Qam qamiri sqa 'yiiñii cá'maq sachigoxogue, chaqai cá'maq saỹa'gue.

Juan 9:16

Ca 'uo' na 'naac queso judioipi: —Cá'maq ỹale ỹo'ueeto' dajo na'le, sqa chicqo'ot ñi qota'olec, ma' napacalec da leloxoỹaxac yi na'xa'a co'mataxaqui. Qam 'uo' na liỹa 'naaco' quen: —Qam ¿chi'negue ma' ishit quiyim ỹo'uet da netanec se qaỹauanapega, no'm sauaqhuaic? Ca' quiyi, ca' se natenta' da la'deenataxanaxac so qomyipi.

Juan 9:24

Ca so judioipi lotqai liỹa roỹaxane'oga so ỹale qai'laqo' na'le, ca qohinaco': —Ñaqai 'qaataxañitalo qomi' quecá'maq lliqueta, nagui ỹauanchiguilo qomi' ñi qota'olec; ma' qomi' sa'deenqata quiyim sojo ỹale sauaqhuaic.

Juan 9:30

Ca' so ỹale 'naaco': —¡Qoỹoqsa'a! ¡Ma' sqa 'yiiñii ca chicqa'gue so'maxare, qam aỹim ỹa'vii naua ñqote'!

Hechos 22:22

Ca' quiyi, ñaq qana'xaỹaxantapega so Pablo. Qam na'le, ca' ỹaualqagui so qomyipi, ca 'naaco': —¡'Maxaraic qaỹalauat da ỹale! ¡Se ỹa'maxañi quiyim nca'leetauec!

Hechos 26:22

Qam ñaq yotauantac ñi qota'olec quiyim shiguelec da ña'ñaaqataxac ỹovireta'a nagui, sa'deenaxanaxanta'pegue ñi'maxare ná'ogue, qaica ca ỹochiỹa'oga nqaishin. Se ỹauana soỹootec ca sa'xat quená'maq la'qaatec so letaxaỹaxaquiripi ñi qota'a chaqai queso Moisés ỹa'xatesa'guita quiyim ipaquichiguilo nqohine' nauajo.

Hechos 7:35

Qam saua'maxare shi'co' se ỹa'maxarene' so Moisés co'na' qohinapega: “¿Nega'ỹo' ca ỹanagui quiyim qami' qarashi chaqai quiyim michiraque ca qarasauaxaset?” Qam ñaqaiyiita ñi qota'olec ila' quiyim nashi chaqai quiyim ỹosouec so lauo' Israel laseripi, chaqai viichigui nqai'en co'na' nachaxan nqai'en so lelaatec chicqashiguim 'maqatougui aso qo'paqo'lli'.

Deuteronomio 34:10

Qam qaica ma' 'ue quet ca liỹa letaxaỹaxaqui ñi qota'olec 'nejem so Moisés quiyi Israel, quiyim ñi qara'gaxala' reloqota'guit quiyim retaqata'pegue',

Hebreos 1:1

Queso 'auaxaic ñaxaripi ñi qota'a 'xoico' quen da letaxaỹaxac queso 'auaxaic qareta'allipi, qam ỹoreta'oguit na leloxoỹaxaquipi nqai'en quena' retaqa nqai'en so letaxaỹaxaquiripi.

Hebreos 1:2

Qam nagui quenaua pa'aaterec na'xata', ca' retaqauguilo qomi', chicqochigui nqai'en so llaalec. Ñi qota'a chicqochigui nqai'en so llaalec na' ỹo'uet ná'ogue nanchaqaina, ca' chaqaiso só'maq pataxalec quiyim idaanlec ná'ogue na'maxare.