Juan 8:9 - La'qaatqa ñi qota'olec Qota'olec & Qota'olec Novita Na Qomyipi

⁹ Qam só'maq qomyipi co'na' 'xaỹa dajo, ca ỹaatqajam nayiloxoñigui na lauel, ca 'onatac inoxonec, 'auec só'maq qo'xoiquipi. Ca co'na' sá'ogue so qomyipi eec, ca' so Jesús noda'chiguit aso 'aalo no'ueena'ño' yi qanauegueu'a.

Juan 8:9 Iomraidhean Croise

1 Reyes 17:18

Ca co'na'le, ca' aso pa'ỹe 'naaco' queso Elías: —¿Negue' cá'maq shinto' caqami', qami' nale ñi qota'olec? ¿Qa' novichi'o' quiyim yo'leentaxanaxañi' quena ỹasauaxaset, chaqai quiyim 'viichi' ileu yi ỹaalec?

Salmos 50:21

Ca ná'ogue najo 'viichi'sac, qam ỹim yi'maqata, 'neetapigui qavilli' quiyim shintam aqami'. Qam nagui seloxoiqata'ta', ca soviraxachiraxaua', ca' ¡nagui sa'maxajta' naua rasauaxashichichi'!

Salmos 71:13

¡Ỹaatqajam 'ue da layiloxo chaqai na'laañi ná'maq pa'guentac da ñachaalataxac! ¡Ca 'xoic nqai'ñi' ca layiloxo quena liỹaripi ná'maq ỹahotaque quiyim 'ue ca sasougui!

Lucas 13:17

Ca co'na' 'naac dajo so Jesús, ca' sá'ogue so npa'guenaxauaripi ỹaatqajam 'xoic da layiloxo. Qam sá'ogue so liỹa qomyipi ỹaatqajam 'ue da netoonaxac na' iuanchigui da lecaic da ỹo'uet so Jesús.

Juan 8:10

Co'na'le, ca so Jesús liỹa nalamaxajñi. Ca co'na' sqaica ca liỹa iuana, chaqasoota aso 'aalo, ca 'naaco': —Qami' 'aalo, ¿taigue cá'maq ỹahotaque quiyim 'ue ca nouaxanaxashichi'? ¿Qaica ca ishit quiyim 'ue ca ralauachi'?

Juan 8:12

So Jesús liỹo' retaqaugui na qomyipi, ca 'naaco': —Aỹim chaqaỹim ná'maq lcoỹeraqate na 'laua. Cá'maq coỹareta'pegue' aỹim, ca 'ue ma'le aca lcoỹeraxanaxaqui ỹo'uet da lca'laxa. Ca totqai hueetapougui ca napalaxa.

Juan 8:2

Ca na' richiguiñi queso liỹa na'xa'a, ca so'maxare lotqai pila'a añi no'ueenaxanaxaqui. Ca sá'ogue so qomyipi nqo'neu'a so'maxare, ca so'maxare nqa'amñi, ca chaqa'ma' rapaxaguinataxan.

Juan 8:3

Co'na'le, ca ná'maq rapaxaguinataxanta'pegue na naqataxaquipi chaqai so fariseoipi nauegueu'a so Jesús aso 'aalo qaiuanalec quiyim nocachita'pegue' ca se loua. Ca' qaillaañigui na lavinñi quecá'maq hueeta'anyi qomyipi.

Juan 8:8

Ca' liỹa nqai'guiñi, ca lotqai liỹa deraxan quena 'laua.

Romanos 2:15

Ma' chi ichoxot da no'ueenataxac quiyim da naqataxaquipi naneretalec añi le'taxanata. Ma' quedá'maq chi la'deenataxanaxac, ca re'oq nqai'en dajo, ca dá'maq chi la'deenataxanaxac ichoxot ma'le quiyim pataxañi, loqo'm ro'ootaxanlec

Romanos 2:22

Chaqai qami' 'ñirac quiyim se qanocachita'guit aca se noua, qam ¿chi'negue ma' 'viichisac dajo? Chaqai qami' sqai huojñi' na nashiilec nqolaquipi, qam ¿chi'neco' ma' cuachisapega da lesallaxa ná'maq 'imec hueetaugui na'maxare?

1 Juan 3:20

Ma' no'm añi qare'taxanata re'oq nqai'en quiyim 'ue ca qarasauaxaset, ca' ñi qota'a paguec lecaic cañi qare'taxanata, chaqai ñi'maxare ỹa'den ná'ogue.