Juan 8:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca 'naac dajo so qomyipi, ma' ỹahotaque quiyim i'guen so Jesús, qaiyi 'ue ca lligo quiyim 'naac 'ue ca lasauaxaset. Co'na'le, ca so Jesús nqai'guiñi, ca deraxan quena 'laua, ỹahote'e ana napoquena.

Juan 8:6 Iomraidhean Croise

Génesis 49:9

¡Ca' qami' Judá, qami' ỹaalcolec! 'Ñiisari' meca sauaxaic llaalec quena' ỹovita ỹaxanñi quiyim ỹa'queetac aca loxona: nqai'guiñi, ca nqa'paxanñi quena 'laua, 'neetari' meca sauaxaic lodegaxat. ¿Negue' queto' cá'maq ishit quiyim sqai ỹaxanac?

Eclesiastés 3:7

'Ue yi laloqo' quiyim 'ue ca qaỹasectaqta'gue, chaqai 'ue yi laloqo' quiyim 'ue ca qaneuara'gue. 'Ue yi laloqo' quiyim retaqa na qom, chaqai 'ue yi laloqo' quiyim i'maxañi.

Daniel 5:5

Ca' queco'na'le, ca qaiuane'ta aso qom napoquena re'qoota caso ncoỹeraxanaxaqui, deraxantac quena lahi so 'imec lauo' so nashi. Ca na' so nashi iuane'ta quiyim deraxantac,

Mateo 10:16

¡Ñaqai 'ajñii! Ỹim selate' qamiri, 'nejme' aqamiri aca qagreta, quiichicñigui nqohin na lavinñi ca iseripi toxonaxairipi. Qam na'deenaxanqachiñii, 'ñiitari' ca nanaic, qam sqa vii ca rovirii, 'ñiitari' ca coviguiñic.

Mateo 15:23

Qam so Jesús sqa saata aso'maxare. Ca' saua lapaxaguinatqa ne'xoresente' queso'maxare, 'nerac: —Vite cá'maq ỹahotaque, ma' na'maxare coỹaretaho coqomi' ỹaualqata'guit.

Mateo 16:1

So fariseoipi chaqai so saduceoipi eec ra'ajnaxana so Jesús chaqai quiyim sha'apiguito' 'ue ca chicqochigui nqai'en ca lasauaxaset. Ca' qaỹashiila so'maxare quiyim ỹo'uet ca netanec se qaiuanapega chicqo'ot nqai'en na piguim.

Mateo 19:3

Co'na'le, ca 'vio' saua fariseo nqo'nera'a so Jesús, ma' ỹahosaque ỹachi'iñi. Ca renataxane', 'neraco': —¿Peeta'a ỹa'maqachiguiñi queca qom quiyim ỹalat aca loua quiyim 'ue canchaqaica lasauaxaset?

Mateo 22:18

Qam so Jesús retan dá'maq se no'uen ỹahotaque so'maxare, ca 'naapegalo' saua'maxare: —Qamiri ma' 'ñiitapega qamiri 'maxaraqa, ¿chi'negue ma' yi'guiñitac?

Mateo 22:35

Ca 'uo' so 'óna napaxaguinataxanaq quena naqataxaquipi ỹalequetaho, ỹahotaque i'guen so Jesús. Ca' inat, 'naaco':

Mateo 26:63

Qam so Jesús se retaqa. Co'na'le, ca' so lashi na netaxaỹaxanqajanqaipi 'naaco' queso'maxare: —Soỹaxanot nagui ñi qota'olec ñí'maq nca'leetauec quiyim ỹa'ue ca nouaxanaxashichi' no'm sqai llic ca ra'qaachiqui'. Nichoxochite' no'm qami' ná'maq nashi nca'laxaqui, qami' llaalec ñi qota'olec.

Marcos 10:2

Ca 'vio' saua fariseo nqo'nera'a so Jesús ỹahosaque ỹachi'iñi. Ca inate' so'maxare no'm qaỹa'maxarenta quiyim ca ỹale ỹalat aca loua.

Marcos 12:15

Qam so Jesús ỹa'den quiyim se no'uen da 'neesa'pegue saua'maxare, ca 'naaco': —¿Chi'negue ma' viitaque quiyim yachiiñi? Ñaq nodoiquena aca chiróla, ñaq sa'ajan.

Marcos 3:2

Qam 'uo' na ỹalequetaho quiyim chi nauaanta'a so Jesús quiyim ratarenataxañigui so na'xa'a co'mataxaqui, qaiyi ishit quiyim qohinac 'ue ca lasauaxaset so'maxare.

Marcos 8:11

Ca' naco' so fariseoipi, ca retaqata'guit so Jesús, ma' ỹahotaque i'guen. Ca ỹashiila quiyim 'ue ca ỹachaxan quena netanec se qaiuanapega, chicqo'ot nqai'en na piguim.

Lucas 10:25

Ca' so napaxaguinataxanaq quena nelaataxanaxaquipi nachajñi, quepegue' so Jesús, ỹahotaque quiyim retaxaỹa'pegue'. Ca' chi i'guen, inat, 'naaco': —Qami' napaxaguinataxanaq, ¿negue' ca shinta'co' quiyim sovira'a secoñiguit ca nca'laxa sqaica lqodoc?

Lucas 11:16

'Uo' na liỹa chi i'guen, ỹashiilatac quiyim 'ue ca ỹachaxan ca netanec se qaiuanapega chicqo'ot nqai'en na piguim.

Juan 8:2

Ca na' richiguiñi queso liỹa na'xa'a, ca so'maxare lotqai pila'a añi no'ueenaxanaxaqui. Ca sá'ogue so qomyipi nqo'neu'a so'maxare, ca so'maxare nqa'amñi, ca chaqa'ma' rapaxaguinataxan.

1 Corintios 10:9

Chaqai qai'neeta se se'guenqatac so qara'gaxala', 'nejem da 'ne'teco' so 'auaxaic qomyipi quiyim 'uo' na i'guen so'maxare, ca' vichiguiño' 'uo' na ileu quena' qaỹa'ac quena nanaic.