Juan 8:56 - La'qaatqa ñi qota'olec Qota'olec & Qota'olec Novita Na Qomyipi

⁵⁶ So Abraham só'maq chigoxoiỹaugui qamiri netoon na' ỹa'deentapega iuana ca ỹoviraxaqui. Ca na' iuana, ca ỹaatqajam no'xagui queda netoonaxac.

Juan 8:56 Iomraidhean Croise

Génesis 22:18

Chaqai ná'ogue na ỹoreta'oguit qomyipi hueetalec ana 'laua 'xoic ma'le ca la'maxa, chicqochigui nqaishin ma'le ca'maxare, ma' na'xaỹaxanchiriua'.

Mateo 13:17

Ỹaatqajam llic da shinac caqamiri, quiyim 'xoic na qota'a letaxaỹaxanqajnec chaqai na huagaxaraic qomyipi ỹahotaco' quen iuana dá'maq huañiỹa qamiri, qam se iuana. Chaqai ỹahotaque 'xaỹa dá'maq 'xaiỹa qamiri, qam sqa 'xaỹa.

Lucas 10:24

Ma' qamiri shiñiỹapegaxaua' quiyim 'xoic so letaxaỹaxaquiripi ñi qota'a chaqai so nashillipi ỹahotaque iuana dajo dá'maq qamiri huañiỹa, qam se iuanta; chaqai ỹahotaque quiyim 'xaỹa dajo nagui 'xaitapega, qam sqa 'xaita.

Juan 10:25

Ca' so Jesús 'naaco' queso judioipi: —Mashic shi'gue sa'qaataxanalo qamiri, qam qamiri sqai viilec aỹim. Ná'maq ỹo'ueenatqaipi chaqaina ná'maq ỹamaxailec ñi ita'a, ca' chaqainaua nauá'maq 'ec ra'qaataxantapegalo qamiri.

Juan 8:37

Ỹim shi'gue sa'den quiyim qamiri chigoxoiỹaugui so Abraham; qam viitaque yalauachii, ma' sqai coñiguit dá'maq sa'xat.

Juan 8:39

Ca' so qomyipi 'naaco': —Qomi' qareta'a so Abraham. Ca so Jesús 'naaco' queso qomyipi: —Quetqai llic qamiri llaalqa so Abraham, ca 'viichii quet ná'maq ỹo'uet so'maxare.

Hebreos 11:13

Sá'ogue so qomyipi nelliviñi, qam se icoñiguit ca qaỹachaxantapeguem quiñi qota'a. Qam 'ue da lpi'ỹaxac so qomyipi, ca iuana, qam qoỹoqo'ta, chaqai ma' mashic huelec, ca' chalego loyac nqai'en na' ỹa'ajantac. Ca chaqaida 'neeto' na'le so qomyipi co'quena' ỹa'xatetac quiyim se lalamaxaret la'a' najo 'laua.

Hebreos 11:39

Sá'ogue so qomyipi ỹaatqajam qaỹa'maxarenta quiñi qota'a, ma' 'ue da lpi'ỹaxac, qam se icoñiguit cá'maq ỹachaxantac ñi qota'a,