Juan 8:49 - La'qaatqa ñi qota'olec Qota'olec & Qota'olec Novita Na Qomyipi

⁴⁹ Ca' so Jesús 'naaco': —Ỹaatqajam qaica ca neetagui aỹim chicqo'ot so na'ỹaapec. Ta'ta'a quiyim semaqachintac ñi ita'a, qam qamiri se yimaqachiñii.

Juan 8:49 Iomraidhean Croise

Isaías 49:3

Ca 'naac caỹim: “Qami' Israel, qami' ilaatec, qami' chicqochigui ma'le quiyim sachaxan da iquesaxanaxa.”

Juan 11:4

Ca' so Jesús co'na' 'xaỹa dajo, ca 'naaco': —Dajo nalolaxa se ỹovita ma'le ca nelauaxa. Ta'ta'a quiyim qaỹahotaque qaỹachaxan da lecaic ñi qota'olec, chaqai quiyim qaỹachigoxochichigui dajo nalolaxa quiyim qainaqachin na llaalec ñi qota'olec.

Juan 12:28

Qami' ita'a, maqachiñi' da qadeenaxachi'. Ca 'uo' so qara'xaỹaque na'qaatec, 'maqot na piguim, 'naaco': —Shi'gue semaqachin, qam qaiyiita liỹa semaqachin.

Juan 14:13

Chaqai cá'ogue cá'maq shiilaxañiỹaque qamiri quiyim quiichigui nqai'ñii da ỹeenaxat, ca ỹim so'uet, qaiyi najo ñaalec ichoxot da lquesaxanaxa ñi leta'a.

Juan 17:4

Ma' ỹaatqajam semaqachintac qami' nagui quiyim seuetalec na 'laua, chaqai mashic somat dá'maq yilachirelec.

Juan 7:20

Ca' so qomyipi 'naaco': —'Ue ñi lelaatec so na'ỹaapec neetagui qami', ma' ¿nega'ỹo' ca ỹahotaque ralauachi'?

Juan 8:29

Ma' ñí'maq yila', ñi'maxare iỹaatac; ñí'maq ita'a se ỹauana yodaqajantec, ma' ỹim so'ueetetac dá'maq ỹa'maxarenta ñi'maxare.

Hechos 5:41

Qam ỹaatqajam 'xoic da netoonaxague' saua lelaatqa so Jesús co'na' que', chicqoterougui so nashillipi, ma' ñi qota'a ỹoviraqta'alo da ne'naxague' souesapigui da leenaxat so Jesús.

1 Corintios 11:14

Ma' quedá'maq no'ueenataxac na re'qoochigui ỹale 'neetasa': Ỹo'uet ca npocoxo ca ỹale quiyim ladogaxat ca laue,

1 Corintios 15:43

Ca cá'maq qaishinñi qaica ca loyac, qam cá'maq qanca'laxatec ỹaatqajam 'ue da lemaqachic. Qaishinñi cá'maq qaica ca la'ñaxac, qam ma' qanca'laxatec, ca ỹaatqajam 'ue da lquesaxanaxa.

1 Pedro 2:23

Co'na' qaishiuentac so'maxare, se rishiuenaxan; co'na' qaỹahotaque da le'xoric, qam so'maxare se ra'xalenataxan. Ta'ta'a quiyim nañaantacot ñi qota'a ñí'maq se ỹo'maac quiyim nimit ca nasauaxaset.