Juan 8:44 - La'qaatqa ñi qota'olec Qota'olec & Qota'olec Novita Na Qomyipi

⁴⁴ Ỹaatqajam qamiri lalamaxarete' llaalqa so na'ỹaapec, ma' viitaque 'viichii dá'maq ỹahotaque so'maxare. So na'ỹaapec ỹaatqajam lauataxanaxai, chicqotañi na' llaqai chita'gue qaỹo'uet na 'laua. Se ỹauanapega ỹouen da lliqueta, chaqai se ỹa'xat ca lliqueta. Quena' ỹa'xate' naua la'maachico, retaqa, qam chi na'xateteguelta'. Ma' so'maxare ỹaatqajam 'maatqaic, chaqai chaqaiso só'maq leta'a na na'maachic.

Juan 8:44 Iomraidhean Croise

Génesis 3:15

Ca' nagui so'uet quiyim qami' chaqai ada 'aalo qamiri pa'guenaxaua', ca 'nejem ca qachaalaxai'pi chaqai ca llaalqaipi ada'maxare. Ca llaalqaipi ada'maxare co'vigui na rqahiqui', chaqai qami' a'quirigui ana la'ỹaaxa.

1 Reyes 22:22

Ca' so nelaatec piguim le'ec 'naaco' quiyim na'majan nqai'en na netaxaỹaxaquiripi queso nashi. Ca' ñi qara'gaxala' 'naaco' queso'maxare quiyim ỹo'uet da na'maachic. Ca 'naaco' queso'maxare quiyim eec ỹo'uet da'maxare.

Job 1:11

Qam quiyim huootaxañira'gue ná'ogue ná'maq hueeto'ot, ca ma'le, ca 'yiiñi' quiyim se no'uen ca ỹa'xat caqami'.

Mateo 12:34

¡Qamiri nanaic llaalqaipi! ¿Negue' quet ca 'neeta quiyim lo'yaxanqa quet caua ra'qaataxahi quiyim qamiri hualoxona'? Ma' ñi qodap ñí'maq naatougui cá'maq hueetagui añi qare'taxanata.

Mateo 13:15

Ma' añi le'taxanata najo qomyipi ra'ñi, chaqai se ỹa'maxañi da na'xaỹaxanaxac, chaqai pootaguilo naua nqote'; qaiyi se reuanaxanalo naua nqote', chaqai sqaica ca 'xaỹa, chaqai qaica ca ỹa'yiinchigui cañi le'taxanata, qaiyi sqo pila ỹim, ca' somatec.

Mateo 13:38

Ca só'maq nanaxanqa', ca chaqaina ná'maq seuqatalec 'laua. Ca só'maq no'uen nanecse la, ca' chaqaina ná'maq qomyipi mashic hueetaugui da lo'ueenataxanaxac ñi qota'a. Chaqai asó'maq peue se no'uen taỹaugui só'maq lalamaxareteripi so na'ỹaapec.

Juan 6:70

Ca' so Jesús 'naaco': —¿Ỹim se ica'acse'o' qamiri doce? Qam 'óna ñi na'ỹaapec caqamiri.

Juan 7:17

No'm 'ue cá'maq huachi'chiguit quiyim ỹahotaque ỹo'uet dá'maq ỹahotaque ñi qota'olec, ca ỹa'deenta quenauá'maq ỹapaxaguinataxanaxaco quiyim chicqoro'ot ñi qota'olec, loqo'm chaqaỹim ỹapaxaguinataxanaxac.

Juan 8:38

Ỹim sa'xat dá'maq ỹachaxañim ñi ita'a, qam qamiri 'viichitac dá'maq qohinapegalo qamiri queso qataa'i.

Juan 8:41

Qam qamiri 'viichitac dá'maq 'nejem da lo'ueenataxanaxac só'maq qataa'i: Ca 'naaco' so qomyipi: —Mesqai qomi' na'ualqa ñaalqa, ma' 'oonoqui' ñí'maq qareta'a, qota'olec.

Juan 8:55

Qam qamiri sqa huañiỹapega ñi'maxare; qam ỹim maxasa' seuana. Qam queta' shinac se seuanapega, ca' ỹaatqajam ỹim quet 'maatqaic, shinta quet maqamiri. Qam ỹaatqajam llic seuana, chaqai ña'xaỹaxana cá'maq 'naac ñi'maxare.

Hechos 13:10

Ca 'naapego': —¡Qami' 'maatqaic chaqai qami' hualoxonaq, qami' na'ỹaapec llaalec, chaqai npa'guenaxaua ná'ogue na lo'yaxanec! ¿Chi'neco' ma' naxachisa'piguit dá'maq no'uen llicyaxac ñi qara'gaxala'?

Hechos 24:9

Ca' so judioipi hueete'eyi sá'ogue nemaashiguim 'naac quiyim llic dajo.

Hechos 5:3

Qam so Pedro 'naaco': —Ananías, ¿chi'neco' ma' inoxono' so na'ỹaapec cañi re'taxanata'e' quiyim ỹo'uet quiyim na'majñitot so Espíritu Santo, ca sectaqchirigui aca laseuete so na'lauahi?

2 Corintios 11:3

Qam quedá'maq 'ne'teco' na'le da lco'ỹaxaric so nanaic na' ỹachiguiñi aso Eva, ca 'eco' 'ue da ỹoqolonaxa ma' sqoue quiyim 'ue ca ỹachi'iñi qamiri qai'neeta. Ca ỹashaxanec da ra'deenataxanaxaguii, ca ỹoỹoote'ogalo qamiri quiyim sqai viilec so Cristo.

1 Pedro 5:8

Chaqai ỹaatqajam na'deenaxanqachiñii chaqai nelohitec, ma' so npa'guenaxauahi na'ỹaapec ronoqota'pegue', 'neetari' meca sauaxaic leta'a idaantaque quiyim 'ue ca loxonec.

2 Pedro 2:4

Ma' ñi qota'a se ishit i'xoren só'maq lelaatqaipi piguim laseripi co'na' 'ue da lasauaxaset. Ta'ta'a quiyim inaxa'ña yi ncopatqo' na sauaqhuaiquipi, chaqai coñirañi queca napalaxa loma', ca' nauaanta'guit nqai'en ca na'xa'a quiyim qaimit ná'ogue najo.

1 Juan 1:8

No'm shinqac qaica ca qarasauaxaset, ca' chi ñayinqateguelta', chaqai cá'maq lliqueta sqaica coqomi'.

1 Juan 2:21

Shiriñi dajo caqamiri, ma' mashic 'yiiñii dá'maq lliqueta, mesqai dá'maq quiyim sqa 'yiiñii. Chaqai 'yiiñita quiyim qaica ca na'maachic chicqau'a quet da lliqueta.

1 Juan 2:4

Qam no'm 'ue ca 'naac: “Ỹim seuana ñi qota'a”, qam se na'xaỹaxanalo naua lelaataxanaxaco, ca' ca'maxare 'maatqaic chaqai da lliqueta sqaica queca'maxare.

1 Juan 3:12

Ca' qomi' sqai shinqata so Caín, ma' queeta'pegue' so na'ỹaapec, ca' ỹalauat so lqaỹa Abel. Qam ¿chi'neco' ma' ỹalauat? Ma' so Caín ỹo'ueetetac da se no'uen, qam so lqaỹa ỹo'ueetetac dá'maq no'uen.

1 Juan 3:15

Ná'ogue ná'maq ñaq noquiaatapega ca lqaỹa, lauataxanaxai. Chaqai qamiri 'yiiñita queca lauataxanaxai sqai hueetagui añi le'taxanata ca nca'laxa sqaica lqodoc.

Judas 1:6

Chaqai só'maq nelaatqaipi quiñi qota'a piguim laseripi quená'maq se ỹaqamaxat ca loma', ta'ta'a quiyim ỹalat cá'maq lalamaxaret la'a', ca' ñi qota'a coñi', nauaanta'guit nqai'en cá'maq pa'aatec na'xa'a ma' qaimit ná'ogue najo, coñirañi quiyí'maq qaica 'nejem napalaxa.

Apocalipsis 12:9

Ca' chaqaida dá'maq 'neeto' na'le na' qaỹo'daauec so isecỹac chalego lecaic. Ca so'maxare chaqaiso' só'maq ñaauapec 'ec nanaic leenaxat Satanás chaqai na'ỹaapec, só'maq ỹayintaco' quen ná'ogue na ỹoreta'oguit qomyipi hueetalec ana 'laua. Ca so na'ỹaapec chaqai so lelaatqaipi qaỹo'daauec, taalec nqohin na 'laua.

Apocalipsis 13:14

Ca' chicqochigui na netanqaipi ỹo'uet da ne'laxa, ca' qaỹasene'tem quiyim ỹo'uet iuanchigui nqohin só'maq 'auaxaic isecỹac, ca' rayinaxana quená'ogue ná'maq hueetalec ana 'laua. Ca relaataxanlec quiyim qaỹo'uet so nadenqatec lqui'i so isecỹac, só'maq 'uo' na'le so lcoñiraxa lecat lliguiñi, qam qaiyiita nca'leuec.

Apocalipsis 2:10

Qam se ro'chita dá'maq qohine'tegue ma'le caqami'. Ma' so na'ỹaapec 'ue ma'le ca coñi' cañi ncoñiitaxanaxaqui caqamiri, qaiyi qamiá'ogue qari'guiñii ma'le. Chaqai 'ue ca re'xoriguii ma'le quecaua diez na'xata'. Qam ỹaatqajam lo'qo'ichiriñi da rpi'ỹaxaqui', ỹovireta'a quiyim rillivi'. Ca ỹim saanem qami' ma'le da nca'laxa 'ec nishivichi'.

Apocalipsis 21:8

Ca ná'maq qolonqaiquipi, chaqai ná'maq sqai huelgoto naua ỹa'qaatqa, chaqai ná'maq naqaigaxat, lauataxanaxaiquipi, chaqai na nedequenaxairipi, chaqai na 'naxanaxairipi, chaqai na nqouagaxaintacot na nashiilec nqolac, chaqai ná'ogue na 'maatqaiquipi, na'maxare tai'a nqohin quiyim qainaxañigui ca norec lodegaxat lavigaxat na quiquiaxaic. Ca' chaqaica ca co'uaataxanaxaic nelauaxa.

Apocalipsis 22:15

Qam no'ueenauec ma'le ná'maq ỹo'ueeteta'pe naua se no'viiñi, chaqai ná'maq ỹo'ueetetac ana le'naxanaxaqui, chaqai na nedequenaxairipi, chaqai na lauataxanaxairipi, chaqai ná'maq nqouagaxaintacot na nashiilec nqolac, chaqai ná'ogue ná'maq nqo'ta chaqai ỹo'ueetetac da na'maachic.

Apocalipsis 9:11

Ca' aso piñaipi 'ue so lashi só'maq neloxoỹaq queca lapooqo' na lqui'i na leuaxaiquipi. Sojo nashi leenaxat quenaua hebreo la'qaatqa Abadón. Chaqai quena griego la'qaatqa Apolión, loqo'm lauataxanaxai.