Juan 8:39 - La'qaatqa ñi qota'olec Qota'olec & Qota'olec Novita Na Qomyipi

³⁹ Ca' so qomyipi 'naaco': —Qomi' qareta'a so Abraham. Ca so Jesús 'naaco' queso qomyipi: —Quetqai llic qamiri llaalqa so Abraham, ca 'viichii quet ná'maq ỹo'uet so'maxare.

Juan 8:39 Iomraidhean Croise

Mateo 3:9

Qam 'neeto' lotqai hueetapigui qavillii quiyim 'ñiỹac: “Qomi' llaalqaipi so Abraham.” Ma' ỹim shinac ñi qota'a ishit ỹo'uet ca llaalqaipi so Abraham, ỹachigoxochichiguilo nauajo qari.

Mateo 5:45

Qaiyi ỹaatqajam qamiri llaalqa ñi qota'a ñí'maq viilec neeta'gue da piguim. Ma' ñi'maxare coỹarelec nqai'en añi lo'ueenata ra'aasa ná'maq hualoxonyipi chaqai ná'maq huagaxaraiquipi, chaqai nela' na ỹaxat taalec nqai'en ná'maq no'uen chaqai ná'maq se no'uen da no'ueenataxac.

Juan 8:33

Ca saua'maxare 'neraco': —Qomi' sachigoxosoxougui so qareta'a Abraham, chaqai se ỹauanapega quiyim 'ue quet ca qomi' lelaatqa. Ca ¿chi'neco' qami' ma' 'ñirac qaỹosoorec qomi'?

Juan 8:37

Ỹim shi'gue sa'den quiyim qamiri chigoxoiỹaugui so Abraham; qam viitaque yalauachii, ma' sqai coñiguit dá'maq sa'xat.

Juan 8:43

¿Chi'negue ma' sqa 'yiiñii dá'maq sa'xat caqamiri? Peeta'a ma' sqai ỹaatqajam na'xaỹaxañiỹa dá'maq sa'xatetac.

Juan 8:56

So Abraham só'maq chigoxoiỹaugui qamiri netoon na' ỹa'deentapega iuana ca ỹoviraxaqui. Ca na' iuana, ca ỹaatqajam no'xagui queda netoonaxac.

Romanos 4:12

Qam llic quiyim so Abraham leta'a ná'maq 'ue na netanec na loshicmaxa. Qam qai'neeta quiyim quiichi'ñigui chaqai ipacqajanchigui dá'maq lpi'ỹaxac só'maq qareta'a Abraham na' saqa'leca so netanec na loshicmaxa.

Romanos 4:16

Ca vichiguiño' quiyim dá'maq qaỹachaxanem so Abraham quiyim qai'taxajñi taỹaugui nqohin ná'ogue na llaalqaipi quiyim neme, qam chicqochigui nqohin da npi'ỹaxac. Ca da'maxare 'neetasa': quiyim dá'maq qaỹachaxantac mesqainaata ná'maq ỹo'ueetetac na naqataxaquipi, ma' qai'neeta ná'maq huelec ñi qota'a 'nejem so Abraham ma' huelec ñi'maxare. Ca so'maxare ỹovira'a quiyim qomá'ogue qareta'a

Romanos 9:7

Ma' mesqai sá'ogue so llaalqaipi so Abraham lalamqateripi quet llaalqaipi. Ta'ta'a quiyim ñi qota'a 'naaco' na'le: “Chicqochigui ma'le da Isaac ca qachaalaxai'pi.”

Gálatas 3:29

Ca no'm qamiri lalamaxarete' so Cristo, ca' qamiri lalamaxarete' llaalqa so Abraham. Ca' coñiguit ma'le quiyim ralamaxarichii cá'maq ỹachaxantac ñi qota'a.

Gálatas 3:7

Vichiguiño' 'maxaraic quiyim qamiri 'yiiñii quiyim ná'maq ỹaatqajam llaalqaipi so Abraham, chaqaina ná'maq 'ue na lpi'ỹaxac.