Juan 8:37 - La'qaatqa ñi qota'olec Qota'olec & Qota'olec Novita Na Qomyipi

³⁷ Ỹim shi'gue sa'den quiyim qamiri chigoxoiỹaugui so Abraham; qam viitaque yalauachii, ma' sqai coñiguit dá'maq sa'xat.

Juan 8:37 Iomraidhean Croise

Mateo 13:15

Ma' añi le'taxanata najo qomyipi ra'ñi, chaqai se ỹa'maxañi da na'xaỹaxanaxac, chaqai pootaguilo naua nqote'; qaiyi se reuanaxanalo naua nqote', chaqai sqaica ca 'xaỹa, chaqai qaica ca ỹa'yiinchigui cañi le'taxanata, qaiyi sqo pila ỹim, ca' somatec.

Mateo 3:9

Qam 'neeto' lotqai hueetapigui qavillii quiyim 'ñiỹac: “Qomi' llaalqaipi so Abraham.” Ma' ỹim shinac ñi qota'a ishit ỹo'uet ca llaalqaipi so Abraham, ỹachigoxochichiguilo nauajo qari.

Juan 10:31

Co'na'le, ca so judioipi lotqai iconapega na qa' quiyim ỹahotaque inaq so'maxare.

Juan 11:53

Ca' quesojo na'xa'a so judío lashillipi queetalec idaantaque ca la'maqa' quiyim ỹalauat so Jesús.

Juan 5:44

¿Negue' cá'maq 'neeto' quiyim 'ue ca viilec qamiri quiyim coñi'chiguit ca lemaqajnataxanaxa quiñi 'óna 'nejemalam, qam sqai michiỹaque cá'maq nemaqajnataxanaxa chicqo'ot ñí'maq qaiñiita qota'olec?

Juan 7:1

Ca co'na' ime dajo, ca' so Jesús ỹouoxontac yi 'laua Galilea. Sqai quepegue' yi Judea, ma' quiyi'maxare na judioipi ỹahotaque ỹalauat so'maxare.

Juan 7:19

¿Mesqai llico'da quiyim so Moisés ỹaanema qamiri da naqataxaquipi? Qam caqamiri qaica ca na'xaỹaxana dajo naqataxac. Ma' ¿chi'negue qamiri viitaque yalauachii?

Juan 7:25

Ca 'uo' ná'maq na'ñi yi Jerusalén renataxan: —¿Mesqaido' dajo dá'maq qaidaantaque quiyim qaỹahotaque qaỹalauat?

Juan 8:33

Ca saua'maxare 'neraco': —Qomi' sachigoxosoxougui so qareta'a Abraham, chaqai se ỹauanapega quiyim 'ue quet ca qomi' lelaatqa. Ca ¿chi'neco' qami' ma' 'ñirac qaỹosoorec qomi'?

Juan 8:43

¿Chi'negue ma' sqa 'yiiñii dá'maq sa'xat caqamiri? Peeta'a ma' sqai ỹaatqajam na'xaỹaxañiỹa dá'maq sa'xatetac.

Juan 8:56

So Abraham só'maq chigoxoiỹaugui qamiri netoon na' ỹa'deentapega iuana ca ỹoviraxaqui. Ca na' iuana, ca ỹaatqajam no'xagui queda netoonaxac.

Juan 8:59

Ca' quiyi, ca qaiconapego' na qa', ma' qaỹahotaque qainaq so Jesús. Qam so'maxare nañoxojñi, ca' ca'e añi no'ueenaxanaxaqui, queetougui so qomyipi, ca' eec.

Juan 8:6

Ca 'naac dajo so qomyipi, ma' ỹahotaque quiyim i'guen so Jesús, qaiyi 'ue ca lligo quiyim 'naac 'ue ca lasauaxaset. Co'na'le, ca so Jesús nqai'guiñi, ca deraxan quena 'laua, ỹahote'e ana napoquena.

Hechos 13:26

Qamiri ỹaqaỹarolqa, llaalqaipi so Abraham, chaqai ná'ogue ná'maq no'cha'a ñi qota'olec: qomá'ogue taỹauguilo da na'qaatec chicqaugui da nca'laxa.

Romanos 9:7

Ma' mesqai sá'ogue so llaalqaipi so Abraham lalamqateripi quet llaalqaipi. Ta'ta'a quiyim ñi qota'a 'naaco' na'le: “Chicqochigui ma'le da Isaac ca qachaalaxai'pi.”

1 Corintios 2:14

Ca qom sqai neetagui so Espíritu Santo, se ishit icoñiguit da lo'ueenataxanaxac so ne'Espíritu ñi qota'a, ma' ca'maxare quiyim na'xaỹaxantapega, 'ec nqai'en chaqai mogollishic. Ma' se ỹa'den da'maxare. Ma' quena' qaimitaque ca leloxoỹaxac dajo, ca ipaquetaque quiyim qaỹotauan queso Espíritu Santo.

1 Juan 2:14

Shiriñi dajo caqamiri qo'xoiqa, ma' viriỹau'a quiyim huañiỹa só'maq shi'co' 'ue na' saqa'leca na 'laua. Chaqai qai'neeta shiriñi dajo caqamiri ne'naqa, ma' qamiri quesaxanaxaqa, chaqai mashic coñiguit da la'qaatec ñi qota'a cañi re'taxanatahi, chaqai mashic qadoxoñiguii so na'ỹaapec.