Juan 8:31 - La'qaatqa ñi qota'olec Qota'olec & Qota'olec Novita Na Qomyipi

³¹ Co'na'le, ca so Jesús 'naapego' so judioipi mashic huelec so'maxare: —No'm qamiri ỹaatqajam 'viichii dá'maq sa'xat caqamiri, ca ỹaatqajam llic quiyim qamiri ỹapaxaguinatqa.

Juan 8:31 Iomraidhean Croise

Mateo 24:13

Qam cá'maq se nañaxanñi, chi ỹovireta'a ca lqodoc aca lqauaxaqui, ca chaqaica cá'maq qanca'laxatec.

Juan 1:47

Ca co'na' so Jesús iuañi'chiguit so Natanael tot qoỹoxoguit, ca 'naaco': —'Ena ná'maq ỹaatqajam llic llaalec so Israel, na'maxare sqai 'maatqaic.

Juan 2:2

Ca' so Jesús chaqai saua lapaxaguinatqa qai'neeta qoỹale' quiyim ỹalequesaho queso shilaq.

Juan 6:55

Ma' ỹaatqajam na'ic na ỹoshicmaxa chaqai ỹaatqajam 'taqate' naua iuo'.

Juan 8:36

Ca vichiguiño' quiyim najo ñaalec rosohiuec, ca ỹaatqajam nosoosauec qamiri.

Hechos 13:43

Ca co'na' ime so lapoxoc cañi lapoxoqui, ca 'xoico' ca queguelo so Pablo chaqai so Bernabé queso judioipi chaqai só'maq mesqai judío, qam icoñiguit da lapaxaguinataxanaxac na judioipi, ỹa'maxate'tegue chaqai na'maxateta. Qam qaỹaqata quiyim quiichiri'ñigui da le'xorenataxanaxa ñi qota'olec.

Hechos 14:22

Ca' saua'maxare ỹa'ñaxatesac sauá'maq neesalec yi 'laua so mashic icoñiguit da na'qaatec quiyim na'ñaxate'tegue da lpi'ỹaxac. Chaqai 'neraco' quiyim ỹouen 'xoic le'xoric ca qom, ca' qaigueme inoxoneu'a da lo'ueenataxanaxac ñi qota'a ma' ỹoiquentac ná'ogue najo.

Hechos 26:22

Qam ñaq yotauantac ñi qota'olec quiyim shiguelec da ña'ñaaqataxac ỹovireta'a nagui, sa'deenaxanaxanta'pegue ñi'maxare ná'ogue, qaica ca ỹochiỹa'oga nqaishin. Se ỹauana soỹootec ca sa'xat quená'maq la'qaatec so letaxaỹaxaquiripi ñi qota'a chaqai queso Moisés ỹa'xatesa'guita quiyim ipaquichiguilo nqohine' nauajo.

Romanos 11:22

'Ajñi' quiyim chalego leuagaxaric ñi qota'a, qam qai'neeta qaica lqouagaxat. Ma' ñi'maxare se nqouaguegue na'le cá'maq 'ue ca ỹasauaxat, qam caqami', ca' huagaxaraic. Qam qui'salec da lqouagaxa; ma' no'me', qami' qai'neeta qarichaqairec.

Romanos 2:7

Ca ñi'maxare ỹaanem da lca'laxa sqaica lqodoc ná'maq idaantaque da lquesaxanaxa chaqai qaimaqachin quená'maq sqaica lqodoc chicqo'ot ñi qota'a quiyim se neme ỹo'ueetetac na ỹa'maqachiguiñi.

Colosenses 1:23

Qam quedajo, 'maxaraic quiyim na'ñaxachichiguiñi queda rpi'ỹaxaguii, 'ñiitari' aca qo'paq ỹaatqajam qoỹorichi'nguilo caua lpa'yii. Chaqai sqai 'xañiñi da naquitaxaguii chicqochigui dá'maq na'qaatec chicqaugui da nca'laxa na' 'xaiỹa. Dajo dá'maq na'qaatec qaỹa'xatetac quenaua'que naua lahil na 'laua. Chaqai aỹim Pablo sotaanaxanegue quiyim sa'xat da'maxare.

1 Timoteo 2:15

Qam aca 'aalo nca'leuec no'm netela'a da lco'oxoc quiyim queetalec da lpi'ỹaxac chaqai da le'xorenataxanaxa, chaqai quiyim co'taxateta da nachaalataxac, chaqai netelalta'.

1 Timoteo 4:16

Qam ỹaatqajam richilliralta' qami', ra'i'terelec dá'ogue dá'maq rapaxaguinataxanaxaqui', ỹaatqajam quiiterelec dá'maq sa'xatetac. Ca no'm 'viichi' dajo, ca ỹovireta'a quiyim qanca'laxatec qami' chaqai ná'ogue ná'maq na'xaỹaxantapega qami'.

2 Timoteo 3:14

Qam qami' ỹaatqajam quiiterelco' da napaxaguinataxaqui' ỹaatqajam llic nqai'ñi', ma' qami' 'yiiñite' negue' cá'maq rapaxaguiñitegue dajo.

Hebreos 3:14

Ma' no'm ña'ñaxatqachiguiñi qolqatalec da qanaquitaxac 'nejem na' ñaqai 'avichiguiñi, soviraxatqa'ta ca lqodoc, ca' ñouanqau'a ma'le da 'neeta so Cristo.

Hebreos 8:9

Qam totqai 'nejem so ña'maqataxac quesó'maq 'auaxaic leta'allipi na'maxare, quesó'maq na'xa'a na' secona da lqai'laxat quiyim ñaqata'a quiyi 'laua Egipto; ma' se ỹomachirigui so ña'maqataxac, vichiguiño' salat na'le so qomyipi, 'naac ñi qara'gaxala'.

Santiago 1:25

Qam cá'maq se coua'e da na'xaỹaxanaxac, ta'ta'a quiyim ỹaatqajam ra'ijlec dá'maq 'maxaraic naqataxac, dá'maq ỹo'uet quiyim qaica ca qarquepaxat, chaqai quejlec da'maxare, ỹo'ueetetac dá'maq 'naac dajo naqataxac, ca' cajo qom qoỹaanem quiñi qota'a da no'uen llicyaxac quecá'maq ỹo'uet.

1 Juan 2:19

Saua'maxare inoxondec chicqotouguilo qomi', qam llic quiyim mesqai ỹaatqajam qariỹa'. Ma' quetqai ỹaatqajam qariỹa', ca' se noỹooterec quet coqomi'. Qam dajo 'neeta, qaiyi ỹaatqajam re'qoota quiyim ná'ogue mesqai qariỹaripi.

1 Juan 2:24

Vichiguiño' 'maxachii cañi re'taxanatahi dá'maq na'xaỹaxanaxaguii na' ñaqai chita'gue coñiguit da na'qaatec. Ca no'm dá'maq shi'gue na'xaỹaxanaxaguii hueetagui añi re'taxanatahi, ca' qamiri qai'neeta na'yiita'guit ñi qota'olec chaqai so llaalec.

2 Juan 1:9

Canchaqaica quiyim paguec 'auapeguec quiyim se nollaalta' queda lapaxaguinataxanaxac so Cristo, ca' sqai hueeto'ot ñi qota'a. Qam cá'maq nollaalta' lo'qoochiguiñi da lapaxaguinataxanaxac so Cristo, ca hueeto'ot ñi qota'olec, chaqai qai'neeta hueeto'ot so llaalec.