Juan 8:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Ma' ñí'maq yila', ñi'maxare iỹaatac; ñí'maq ita'a se ỹauana yodaqajantec, ma' ỹim so'ueetetac dá'maq ỹa'maxarenta ñi'maxare.

Juan 8:29 Iomraidhean Croise

Isaías 42:1

'Ena hueete'e na ilaatec, na'maxare ñolliitañi, ñi'maxare ica'acsec, ỹaatqajam yqo'ta. Sellaagui ñi'maxare so ñi'espíritu, qaiyi noviraxat ca na'maxa quená'ogue na ỹoreta'oguit qomyipi.

Isaías 42:6

Ỹim na'gaxala', soỹaxana qami', secona da rqai'laxachi', qaiyi so'ueenataxana qami' queda nca'laxa; ỹim so'viichi', ma' sahotaque quiyim qami' netanec queda ña'deenaxac quena ỹalamaxareteripi, chaqai ncoỹeraxanaxat quená'ogue na ỹoreta'oguit qomyipi.

Mateo 17:5

Ca co'na' ñaq retaqatac so Pedro, ca' anac so naueguelec 'ue na lauaq, ca lepachiguilo saua'maxare. Ca' so naueguelec 'maxougui so na'qaatec 'naac: —Najo ná'maq ỹoqo'itaxat ỹaalec, ỹaatqajam ñitoonta'pegue da'maxare. Ỹaatqajam na'xaỹaxañiỹa da'maxare.

Mateo 3:15

Qam so Jesús 'naaco' queso'maxare: —Qam nagui le'en nqai'ñi' dajo. Ma' paguec la'maxa quiyim sepacqajanqachigui ná'ogue ná'maq ỹahotaque ñi qota'a. Co'na'le, ca' so Juan nachilaxan.

Mateo 3:17

Co'na'le, ca' qara'xaỹaco' so na'qaatec, 'maqot na piguim, 'naac: —Najo ná'maq ỹoqo'itaxat ỹaalec, na'maxare ỹaatqajam ñitoonta'pegue.

Juan 14:31

Qam chaqaida dá'maq qohine'tegue, qaiyi ná'maq hueetalec na 'laua ỹa'den quiyim aỹim se'xoren ñi qota'a, chaqai quiyim so'uet cá'maq yilarelec. Ne'laxachishiguim. Qolqa'e najo.

Juan 15:10

No'm na'xaỹaxañiỹa na ilaataxanaxaquipi, ca' quiitalec dá'maq i'xorenataxanaxa caqamiri, ca 'nejem aỹim ña'xaỹaxanalo naua lelaataxanaxaco ñi ita'a, ca' shiquetalec da le'xorenataxanaxa caỹim.

Juan 16:32

Qam ỹovita ma'le ca laloqo', ca' nagui chaqa'ma' ỹovita quiyim neuagaxata'pe taate'ogalo nqohine' qamiri, ca yalachii yodaqajñitec ma'le. Qam se yodaatec, ma' iỹaatac ñi qota'a.

Juan 17:4

Ma' ỹaatqajam semaqachintac qami' nagui quiyim seuetalec na 'laua, chaqai mashic somat dá'maq yilachirelec.

Juan 4:34

Qam so Jesús 'naaco': —Dá'maq noq chaqaida dá'maq quiyim so'uet cá'maq ỹahotaque ñí'maq yila', chaqai quiyim somat da lo'ueenataxanaxac.

Juan 5:30

Aỹim qaica ca shinegue, no'm chaqaỹim 'ue ca so'uet. Ma' ỹim so'uet ca lasauaxaset ca qom, qam quiyim qaỹamaxailec, ca' se ỹo'maac cá'maq so'uet. Ma' ỹim se so'uet cá'maq chaqai sahotaque shine'tegue, ta'ta'a cá'maq ỹahotaque ñi ita'a, ma' ñi'maxare yila'.

Juan 6:38

Ma' ỹim se ñanac quiyim chi ñanoiquentac quiyim sachicqa'gue da piguim, ta'ta'a quiyim so'uet dá'maq ỹahotaque ñí'maq yila'.

Juan 8:16

Qam no'm semit ca nasauaxaset, cá'maq imitaxanaxac ỹaatqajam 'maxaraic, ma' sqaỹimeta quiyim 'ue ca semit. Ma' ñí'maq ita'a ñí'maq yila', ñi'maxare yotauan quiyim 'ue ca semit nasauaxaset.

2 Timoteo 4:17

Qalaxam ñi qara'gaxala' Jesús yotauan, ca ỹo'uet ca ỹa'ñaxac quiyim yipaquejlec quiyim sa'xat da na'qaatec chicqaugui da nca'laxa, qaiyi 'xaỹa dajo ná'ogue ná'maq sqai judioipi. Ca' chaqaida 'neeta quiyim so qara'gaxala' nca'laxatec aỹim quesó'maq toxonaxai.

2 Timoteo 4:22

Ñi qara'gaxala' Jesucristo ỹalequetauguilo qamiri, chaqai ñi qota'a ỹaanema qamiri da no'uen qayicyaxaguii. Ajá'a, ca' chaqaida 'neeta dajo.

Hebreos 4:15

Ma' só'maq qaretaxaỹaxanqajnec, so'maxare ishit i'xorene' qomi', ma' qaica ca qarquesaxanaxa. Ma' so'maxare qai'neeta 'xoico' na'le da le'xoric, ma' 'xoic da ne'guenaxaquipi ỹoreta'oguit, 'nejme' qomi', qam so'maxare qaica ca lasauaxaset.

Hebreos 7:26

Ca' vichiguiño' chaqaiso so Jesús só'maq 'oonoqui' qaretaxaỹaxanqajnec souenqataque quiyim retaxaỹa'pegue' ñi qota'a. Ma' so'maxare co'teeta, qaica ca se no'uen chaqai ca lasauaxaset, qaỹoỹootec quena sauaqhuaiquipi, chaqai qaỹavicshiguim paguec lishicshi'ma nqohin quena piguim.

1 Juan 2:1

Qamiri ỹaalqolqa, ỹim shiriñi dajo, ca' selatalo qamiri, qaiyi qaica ca ỹo'uet ca lasauaxaset. Chaqai no'm 'ue ca 'ue ca lasauaxaset, qam 'ue só'maq ishit retaqalgoto qomi' quiñi qota'olec. So'maxare chaqaiso so Jesucristo só'maq ishit ỹo'uet ca ỹa'maqachiguiñi.

1 Juan 3:22

Ca ñi'maxare ỹaanema qomi' cá'ogue cá'maq sashiilaxanqaque, ma' ña'xaỹaxanqa'talo naua laqataxaco, chaqai so'ueetqatac ná'maq ỹa'maxarenta.