Juan 8:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Qam saua'maxare se ỹa'yiinchiguit da la'qaatec so Jesús quiyim ỹa'xatetac ñi qota'olec.

Juan 8:27 Iomraidhean Croise

Isaías 59:10

Sepootaxanqata, 'ec qomi' ca qai'laq queeto'ot ca 'imec lahi, 'ec sqaicaua naua qanqote'; quiyi na'xa'a lavinñi, qam sepoxolaxanaq, 'ec qolqatagui ca pe; qarca'leetauec, qam 'ec qomi' leuaxaqa.

Isaías 6:9

Ca' ñi qara'gaxala' 'naac caỹim: Mo'e', ca 'ñiraco' ma'le dajo quiyi qomyipi: 'Eno'm 'xahitapega, qam sqa 'yiiñii; 'eno'm 'ajñitac, qam 'ec sqai huañiỹa.

Juan 8:26

Chaqai aỹim ñaqai 'xoic na ỹa'qaatqaipi ma'le caqamiri chaqai quiyim semit ca rasauaxashichii. Qam ñí'maq yila' ỹaatqajam lliqueta dá'maq ỹa'xat, chaqai dá'maq sa'xatetac quena qomyipi hueetalec na 'laua, chaqaina ná'maq sa'qaachigui la'qaatec ñi'maxare.

Juan 8:28

Vichiguiño' so Jesús 'naaco' queso qomyipi: —Ma' ỹovita quiyim nanorishiguim najo ỹale llaalec, ca qaiguemo' 'yiiñii quiyim chaqaỹim ná'maq ỹim, chaqai quiyim sqa soiquentac cá'maq so'uet, ta'ta'a quiyim sa'xat dá'maq ỹapaxaguinegue aỹim ñí'maq ita'a.

Juan 8:43

¿Chi'negue ma' sqa 'yiiñii dá'maq sa'xat caqamiri? Peeta'a ma' sqai ỹaatqajam na'xaỹaxañiỹa dá'maq sa'xatetac.

Juan 8:47

Cá'maq lalamaxaret ñi qota'olec, na'xaỹaxanalo naua la'qaatqa ñi qota'olec. Qam qamiri se lalamaxarete' ñi qota'olec, vichiguiño' se na'xaỹaxañii.