Juan 8:26 - La'qaatqa ñi qota'olec Qota'olec & Qota'olec Novita Na Qomyipi

²⁶ Chaqai aỹim ñaqai 'xoic na ỹa'qaatqaipi ma'le caqamiri chaqai quiyim semit ca rasauaxashichii. Qam ñí'maq yila' ỹaatqajam lliqueta dá'maq ỹa'xat, chaqai dá'maq sa'xatetac quena qomyipi hueetalec na 'laua, chaqaina ná'maq sa'qaachigui la'qaatec ñi'maxare.

Juan 8:26 Iomraidhean Croise

Juan 15:15

Ca tot samata'que qamiri nelaatqa, ma' cá'maq nelaatec se ỹa'den cá'maq ỹo'uet ca na'co'. Ca shinac quiyim qamiri ñauochaxaua', ma' sa'deenaxanaxañiigue ná'ogue ná'maq 'naapiguiỹa' ñi ita'a.

Juan 16:12

'Xoic quet ná'maq liỹa sa'xatema qamiri, qam qamiri sqai shichii 'yiiñii nagui.

Juan 17:8

Ma' ỹim saanema dá'maq ra'qaachiqui' nañaañirim. Chaqai naua'maxare iconchiguit, chaqai retane' quiyim llic sachicqo'ot qami', chaqai huerelec quiyim ỹim relaachiqui'.

Juan 18:20

Ca' so Jesús 'naaco': —Aỹim ỹaatqajam ñachaxanta quená'ogue na qomyipi quena' setaqa, ca chaqai shintari' quena' sapaxaguinataxan cana lapoxoqui na judioipi chaqai cañi no'ueenaxanaxaqui quena Jerusalén, ñí'maq lapoxoqui ná'ogue na judioipi. Ca' ỹim qaica quet cá'maq ỹa'qaatec soxotetañi.

Juan 3:11

Ỹaatqajam llic dá'maq sa'xatem qami', ma' qomi' sa'xataq dá'maq sa'deenaq chaqai cá'maq sauanqachigui, qam qamiri sqai viilec dá'maq sa'xataq.

Juan 7:16

Ca' so Jesús 'naaco' queso qomyipi: —Dá'maq dajo mese ỹalamaxat ỹapaxaguinataxanaxac, ta'ta'a ñí'maq yila'.

Juan 7:28

Ca co'na' 'xaỹa dajo so Jesús ma' rapaxaguinataxantac cañi no'ueenaxanaxaqui, ca retaqa, qam nelamaxaren, 'naaco': —¡Ajá'a, ca' ỹim huañiua', chaqai 'yiiñii ca sachigoxogue! Qam se ñanoiquentac quiyim ñanac, ta'ta'a quiyim yila' ñí'maq ỹaatqajam lliqueta, ca' ñí ñí'maq sqai huañiỹapega.

Juan 8:25

Ca qainato' na'le so'maxare: —¿Negue' ná'maq qami'? Ca' so Jesús 'naaco': —Quecá'maq ñaq 'avichiguiñi chaqa'ma' shi'gue sa'qaataxanema qamiri.

Juan 8:27

Qam saua'maxare se ỹa'yiinchiguit da la'qaatec so Jesús quiyim ỹa'xatetac ñi qota'olec.

Juan 8:40

Ma' quiyim ỹim sa'xatema qamiri dá'maq ỹaatqajam lliqueta ỹapaxaguinegue aỹim ñi qota'olec, qam qamiri viitaque yalauachii. ¡Qam so Abraham se ỹauanapega 'ue ca ỹo'uet 'nejem dajo!

2 Corintios 1:18

Qam ñi qota'a ỹa'deenta quiyim qomi' sqai shinqac caqamiri hua', ca' ncopaata lotqai shinqac 'e'.