Juan 8:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Vichiguiño' shinapegalo qamiri quiyim ma' rillivii, quiita'ñi' na rasauaxashichii. Ma' no'm sqai viilec quiyim chaqaỹim ná'maq ỹim, ca quiita'ñi' na rasauaxashichii.

Juan 8:24 Iomraidhean Croise

Éxodo 3:14

Ca' ñi qota'olec 'naaco' queso Moisés: —Ỹim ná'maq chaqaỹim. Ca' 'eda 'ñirac ma'le quena Israel llaalqaipi: Ñí'maq leenaxat Chaqaỹim yilatalo qamiri.

Mateo 24:5

Ma' 'xoic ma'le ca naquetaugui da ỹeenaxat 'naac ma'le: “Ỹim ná'maq ỹim rashii rca'laxaguii”, ca 'xoic ca ỹayin ma'le.

Marcos 13:6

Ma' 'xoic ca naquetaugui ma'le da ỹeenaxat, ca ma'le 'naac: “Chaqaỹim ná'maq ỹim nashi nca'laxaqui”; ca 'xoic ma'le ca layinec.

Marcos 16:16

Ca cá'maq huelec, ca' qanachilaxan, ca' chaqaica cá'maq qanca'laxatec ma'le; qam cá'maq sqai huelec, ca' chaqai 'neetari' sqa nac ca lasauaxaset.

Lucas 21:8

Ca' so Jesús 'naaco': —Rovichiỹari'o' ma'le, 'neeto' 'ue ca rayiñii. Ma' 'xoic ma'le ca anac, naquetaugui da ỹeenaxat, ca 'naac: “Aỹim chaqaỹim ná'maq nashi nca'laxaqui”; chaqai “Nagui ỹovita yi laloqo'.” Qam qamiri se coỹari'tegue.

Juan 13:19

Saqa' ỹovita dajo, qam chaqa'ma' sa'xat, qaiyi ma' ỹovirelec, ca' qamiri 'yiiñii quiyim chaqaỹim ná'maq ỹim.

Juan 3:18

Cá'maq huelec na llaalec ñi qota'olec, ca' qaica ca nouaxanaxaset. Qam cá'maq sqai huelec, chaqa'ma' shi'gue 'ue da nouaxanaxaset nqohin, ma' sqai huelec na 'oonoqui' llaalec ñi qota'olec.

Juan 3:36

Cá'maq huelec so llaalec ñi qota'olec, ca' 'ue da lca'laxa sqaica lqodoc; qam cá'maq sqai huelec so llaalec, ca' sqaica da lca'laxa. Ta'ta'a quiyim hueetalec dá'maq chalego lecaic nouaxanaxaset quiñi qota'olec.

Juan 4:26

Ca' so Jesús 'naaco' caso'maxare: —Chaqaỹim ná'maq qami' 'qui'saque, ná'maq retaqata'pegue' qami'.

Juan 8:21

So Jesús lotqai liỹa 'naaco': —Ỹim shic, ca' qamiri daañitaque ma'le aỹim, qam qamiri rillivii quiita'ñi' ma'le na rasauaxashichii. Qam dá'maq saigue, qamiri sqai shichii 'iigue.

Juan 8:25

Ca qainato' na'le so'maxare: —¿Negue' ná'maq qami'? Ca' so Jesús 'naaco': —Quecá'maq ñaq 'avichiguiñi chaqa'ma' shi'gue sa'qaataxanema qamiri.

Juan 8:28

Vichiguiño' so Jesús 'naaco' queso qomyipi: —Ma' ỹovita quiyim nanorishiguim najo ỹale llaalec, ca qaiguemo' 'yiiñii quiyim chaqaỹim ná'maq ỹim, chaqai quiyim sqa soiquentac cá'maq so'uet, ta'ta'a quiyim sa'xat dá'maq ỹapaxaguinegue aỹim ñí'maq ita'a.

Juan 8:58

Ca' so Jesús 'naaco' queso qomyipi: —Ỹaatqajam llic da shinac caqamiri, quiyim na' saqa'leca so Abraham, ca' shi'gue 'ue aỹim.

Hechos 4:12

Chaqai qaica ca liỹa chicqochigui ca nca'laxa. Ma' ñi qota'olec qaica ca liỹa neenaxat ỹaanema qomi' quiyim qarca'laxaqui, chaqaisoota so leenaxat so Jesús.

Hebreos 12:25

Vichiguiño' ỹaatqajam richilliỹaño' 'neeto' lotqai 'ue ca se icoñiguit ñí'maq retaqatapegalo qomi'. Ma' sqaica ca qohit quesó'maq se na'xaỹaxano' na'le ñi qota'a na' qatetapega so qomyipi quenajo 'laua, ca ¿huose'queto' qohite' qomi' no'm se ña'xaỹaxanaxa ñí'maq qota'a neteltapegalo qomi' neeta'gue da piguim?

Hebreos 2:3

¿Huose'queto' qohite' qomi' no'm sqailligueme' ya'ỹoxolec dá'maq llicyaxac dá'maq chalego lecaic nca'laxa? Ma' chaqaiso so qara'gaxala' só'maq 'au ỹa'xato' na'le dajo nca'laxa, ca co'na' ime, ca lotqai qalam só'maq na'xaỹaxantapega so'maxare chaqai ỹaatqajam 'chichiguiñi nqai'en da na'qaatec. Ime, ca lotqai ra'qaataxanalo qomi'.