Juan 8:21 - La'qaatqa ñi qota'olec Qota'olec & Qota'olec Novita Na Qomyipi

²¹ So Jesús lotqai liỹa 'naaco': —Ỹim shic, ca' qamiri daañitaque ma'le aỹim, qam qamiri rillivii quiita'ñi' ma'le na rasauaxashichii. Qam dá'maq saigue, qamiri sqai shichii 'iigue.

Juan 8:21 Iomraidhean Croise

1 Reyes 18:10

Da ỹa'qaatec 'qaachigui ñi qara'gaxala', ñí'maq rashiilqui' qota'olec, quiyim so ña'co' ỹaatqajam qaica quet cá'maq 'laua quiyim se relaataxanlec quet quiyim qaimitaque qami'. Ca quena' qohinac qaica qami' queca 'laua, ca so'maxare 'ue da lepagaxallic renataxan quiyim llic se qaỹanata qami'.

Isaías 65:20

Ca' quiyí ma'le, ca' qaica ca ñaqai noctoqui', ca' ileu, chaqai ca qo'xoic quiyim saqa' ỹovita ca laloqo'. Cá'maq ileu quiyim ỹovite' caua cien ñaxari, ca ñaq ne'necoqui', ca' ileu; chaqai cá'maq se ỹovite' caua cien ñaxari, ca' ileu, ca qaretan quiyim ỹim sa'ue ca nouaxanaxaset.

Mateo 23:39

Ma' ỹim shinac quiyim tot liỹa huañiua', toco' ma' ỹovita ca laloqo' quiyim 'ñiỹac: “Ỹaatqajam no'uen da llicyaxac ná'maq naquetaugui da leenaxat ñi qara'gaxala' qota'olec.”

Mateo 25:41

Ca ma'le ca nashi 'naaco' quecá'maq pa'aata'gue da nemaq: “Noỹoochiuec caỹim, qamiri mashic qaỹa'ue da nouaxanaxashichii. Quiipegue' yi norec sqaica lqodoc, shi'gue qaỹa'maxatetañi qaỹauaaque loma' so na'ỹaapec chaqai na lelaatqaipi.

Mateo 25:46

Ime, ca' nauajo querepegue' ca nouaxanaxac sqaica lqodoc, ca ná'maq no'uen da ỹo'ueetetac, ca' quepegue' ca nca'laxa sqaica lqodoc.

Juan 12:33

Ca' quedajo, ca ỹahotaque quiyim qaỹa'yiinchigui cá'maq 'neeta ma' ileu.

Juan 12:35

Ca' so Jesús 'naaco' queso qomyipi: —Nagui ma' ñaqai hueetauguilo qamiri najo lcoỹeraqate na 'laua, qam sqoỹoxouec quiyim ỹalequetauguilo qamiri. Ca' quiitaugui dajo lauaq ma' ñaqa 'ue, qaiyi se i'laxate' qamiri ca napalaxa. Ma' cá'maq queetaugui ca napalaxa se ỹa'den cá'maq taigue.

Juan 13:33

Qamiri ỹaalqolqa, totqai shi'gom salequetauguilo qamiri. Qamiri daañitaque ma'le aỹim, qam da shinapega na'le so judioipi, nagui shinapegalo qamiri qai'neeta: Dá'maq saigue, qamiri sqai shichii 'iigue.

Juan 7:34

Qamiri daañitaque ma'le aỹim, qam sqa nachiua', ma' sqai shichii 'iigue ma'le dá'maq senta'gue.

Juan 7:36

¿Nega'ỹo' cá'maq reloqo'tegue dá'maq 'naac coqomi': “Daañitaque ma'le aỹim, qam sqa nachiua', ma' sqai shichii 'iigue dá'maq senta'gue ma'le”?

Juan 8:24

Vichiguiño' shinapegalo qamiri quiyim ma' rillivii, quiita'ñi' na rasauaxashichii. Ma' no'm sqai viilec quiyim chaqaỹim ná'maq ỹim, ca quiita'ñi' na rasauaxashichii.

Efesios 2:1

Ñi qota'a ỹaanema qamiri quiyim rca'laxauahi so Cristo, 'eno'm ñaqai viitaugui na'le da nelauaxa sauaxat na se no'uen chaqai na nasauaxaset