Juan 8:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Qamiri quiyim michii na nasauaxaset, qam pacqajñiichigui ná'maq chi la'deenataxanaxac na re'qoochigui qomyipi. Qam aỹim se semit ca nasauaxaset.

Juan 8:15 Iomraidhean Croise

Lucas 12:14

Qam so Jesús 'naaco': —Shinapega qami', ¿negue' ca ỹaanem aỹim ca ỹo'ueenataxanaxac quiyim ño'laaque ca nasauaxaset, loqo'm quiyim sasectaqchigui ca nesallaxa?

Juan 12:47

Qam no'm 'ue ca 'xaỹalo naua ỹa'qaatqa, qam se na'xaỹaxan, mesqaỹim ná'maq sa'ue ca nouaxanaxaset ca'maxare; ma' ỹim se ñovita na 'laua quiyim so'uet ca nouaxanaxaset na qomyipi; qaidaata quiyim ñovi', qam nca'leuec nqaishin na qomyipi.

Juan 18:36

Ca' so Jesús 'naaco': —Da ỹo'ueenataxanaxac quiyim ỹim nashi sqai huelec na 'laua. Ma' queta' chaqaida 'neeta, ca ná'maq coỹareta'pegue' aỹim shi'gue quet nco'ua nco'uahilec, qaiyi se qayayaano quena judioipi. Qam dá'maq ỹo'ueenataxanaxac quiyim aỹim nashi sqai huelec na 'laua.

Juan 3:17

Ñi qota'olec se nelata na llaalec na 'laua quiyim ỹa'ue ca nouaxanaxaset na qomyipi. Ta'ta'a quiyim ỹahotaque nca'laxatec na'maxare.

Juan 7:24

Se ra'iitapigui quiyim michii ca re'qoochigui. Quiyim 'ue ca michii, qam ỹaatqajam 'maxaraic nqai'ñii ca remiitaxanaxaguii.

Juan 8:11

Ca só'maq 'aalo 'naaco' queso qara'gaxala': —'E', qaica. Ca so Jesús 'naaco' caso'maxare: —Caỹim qai'neeta se salauachi'. Ca' nagui qami' qui', qam totqa vito' ma'le ca liỹa rasauaxashichi'.

Romanos 2:1

Vichiguiño' qaica quet cá'maq 'neeta quiyim sqaica quet ca rasauaxashichi', qami' quiyim ra'iisapigui ca lasauaxaset ca liỹa, 'eno'm canchaqai 'ñiite'. Ma' quiyim ra'iisapigui ca nasauaxaset, ca vi'saque cá'maq chi nouaxanaxashichi', ma' dá'maq ra'iisapigui chaqaida dá'maq qami' 'viichi'sac.

1 Corintios 2:15

Qam ca qom neetagui so Espíritu ishit ra'ỹaauec ná'ogue nanchaqaina, qam ca'maxare qaica ca ishit nimichiguit.

2 Corintios 5:16

Vichiguiño' qomi' tot qaica quet cá'maq sa'deenqapega quecá'maq 'neetari' ca qom quena 'laua; ma' quesom sa'deenqatapega quen dá'maq 'neetari' so Cristo na' ñaq ỹouoxontac na 'laua, qam nagui tot qara'deenataxanaxac dajo queso'maxare.

Santiago 2:4

ca no'm 'ñiita dajo, ca chaqa'ma' nca'aitagui na qomyipi. Ca' dajo rca'axanaxaguii chicqaugui dá'maq se ỹa'maxañi ra'deenataxanaxaguii.

1 Samuel 16:7

Qam ñi qara'gaxala' 'naaco' queso'maxare: —Mese ra'irigui cá'maq qom chaqai cá'maq ladoqueta, ma' ỹim se secoñiguit. Ma' sqaida dá'maq ra'iitagui ca qom. Ma' na qom ra'iitagui da chi no'ueenataxac ca qom, qam ỹim ya'iitagui añi le'taxanata.