Juan 8:12 - La'qaatqa ñi qota'olec Qota'olec & Qota'olec Novita Na Qomyipi

¹² So Jesús liỹo' retaqaugui na qomyipi, ca 'naaco': —Aỹim chaqaỹim ná'maq lcoỹeraqate na 'laua. Cá'maq coỹareta'pegue' aỹim, ca 'ue ma'le aca lcoỹeraxanaxaqui ỹo'uet da lca'laxa. Ca totqai hueetapougui ca napalaxa.

Juan 8:12 Iomraidhean Croise

Isaías 49:6

'neetasa' da la'qaatec: Mesqai nodaachiguiñi quiyim qami' ilaatec quiyim qaidaata rapilaxachi' na llaalqaipi so llaalqaipi so Jacob chaqai quiyim rapilaxachi' na ca'laaxaiquipi quena'maxare; qai'neeta ỹim so'uet quiyim qami' lcoỹeraxanaxat ná'ogue na ỹoreta'oguit qomyipi, qaiyi 'xachisac da ica'laqataxanaxac quenaua paguec qoỹoqo'teguelo lahil na 'laua.

Isaías 9:2

So qomyipi queetapougui na'le na napalaxa iuana so chalego lecaic lauaq; so chalego lauaq taalec só'maq queetapougui na napalaxa.

Oseas 6:3

¡Ña'ñaxataq quiyim seuanaxa ñi qara'gaxala'! Ñi qara'gaxala' nacpegueto qomi' ỹaatqajam lliqueta 'ec quena' nenoxonshiguim añi ra'aasa, ỹaatqajam lliqueta 'ec quena' na ỹaxat ỹocorelec na 'laua quiyi cotap chaqai yi nosaxa.

Malaquías 4:2

Qam caqamiri ma' yimaqachiñitac, ca' da ỹa'maqataxanaxa naviguec ma'le caqamiri, 'ec da lauaq añi ra'aasa, ca' queda lauaq chicqaugui da nca'laxa. Ca' qamiri nenochishiguim ma'le queda netoonaxaguii, 'ec ca huaqui llaalec quena' nenoxonec cañi lahi'.

Mateo 5:14

Qamiri 'ñiitari' aca ncoỹeraxanaxaqui louena ná'maq neetalec ana 'laua. Ca na'a' nejlec aca quemaralec ladocai se nqañoxojñi.

Lucas 2:32

Ma' chaqaina ná'maq ncoỹeraxanaxaqui ma' coỹarelec ná'maq sqai Israel laseripi, chaqai ỹo'uet da lichoxoric ná'maq Israel llaalqaipi ná'maq lalamqateripi.

Juan 12:35

Ca' so Jesús 'naaco' queso qomyipi: —Nagui ma' ñaqai hueetauguilo qamiri najo lcoỹeraqate na 'laua, qam sqoỹoxouec quiyim ỹalequetauguilo qamiri. Ca' quiitaugui dajo lauaq ma' ñaqa 'ue, qaiyi se i'laxate' qamiri ca napalaxa. Ma' cá'maq queetaugui ca napalaxa se ỹa'den cá'maq taigue.

Juan 12:36

Ca' viilec nagui najo ncoỹeraxanqate, ma' ñaqai hueetauguilo qamiri, qaiyi viriỹau'a quiyim qai'neeta 'ue ca lauaxai' qamiri. Ca co'na' ime 'naac dajo, ca' so Jesús eec nqañoqtapeguema saua'maxare.

Juan 12:46

Ỹim ma' ỹim lcoỹeraqate na 'laua, qaiyi quená'maq huelec aỹim se no'ueenaugui na napalaxa.

Juan 14:6

Ca' so Jesús 'naaco': —Ỹim ná'maq ỹim nayic, chaqai aỹim lliqueta, chaqai qai'neeta ỹim nca'laxa. Ỹim qaỹimeta ñigo, ca ishit qaỹovira'a ñi qota'a.

Juan 3:19

Ná'maq sqai huelec, ca' 'ue ca nouaxanaxaset, ma' na' novita na 'laua so ncoỹeraxanaxat, ỹapacqajnauec da lqo'iichi quena napalaxa, ma' se no'uen ná'maq ỹo'ueetetac.

Juan 7:17

No'm 'ue cá'maq huachi'chiguit quiyim ỹahotaque ỹo'uet dá'maq ỹahotaque ñi qota'olec, ca ỹa'deenta quenauá'maq ỹapaxaguinataxanaxaco quiyim chicqoro'ot ñi qota'olec, loqo'm chaqaỹim ỹapaxaguinataxanaxac.

Juan 9:5

Quiyim ñaqa seuetalec na 'laua, ca' ỹim lcoỹeraxat na 'laua.

Hechos 13:47

Ma' dajo dá'maq qarelarelec so qara'gaxala', na' 'naac: Aỹim sanagui quiyim 'eco' qami' ncoỹeraxanaxaqui quená'ogue na ỹoreta'oguit qomyipi, chaqai quiyim chicqochigui ca nca'laxa quená'ogue na qomyipi quena lauat na 'laua.

Hechos 26:23

Ma' saua'maxare ỹa'xatesac quiyim cajo nashi nca'laxaqui tai'a quiyim 'xoic da le'xoric, ime, ca' ileu, chaqai 'auaxaic quiyim liỹa qanca'laxatec, chaqai qaỹachigoxochichigui da 'ec lauaq ca nca'laxa quena qouo' laseripi chaqai na liỹa ỹoreta'oguit qomyipi.

2 Pedro 2:17

Najo qomyipi 'ec aca ni'ỹa rashivigui tot qaica ca le'ec huaxaỹaq, chaqai 'ec ca naueguelec chi qaỹaỹoxonaxateta quena nonot. Chaqai taata'a nqohin quiyim qaillaugui cá'maq ỹaatqajam napalaxa sqaica lqodoc.

2 Pedro 2:4

Ma' ñi qota'a se ishit i'xoren só'maq lelaatqaipi piguim laseripi co'na' 'ue da lasauaxaset. Ta'ta'a quiyim inaxa'ña yi ncopatqo' na sauaqhuaiquipi, chaqai coñirañi queca napalaxa loma', ca' nauaanta'guit nqai'en ca na'xa'a quiyim qaimit ná'ogue najo.

1 Juan 1:6

Ca no'm shinqac ña'daqatau'a ñi'maxare, qam no'm ñaqai seuqataugui na napalaxa, ca' ña'majanqatac quecá'maq sa'xatqatac chaqai quecá'maq so'ueetqatac.

Judas 1:13

Na'maxare 'nejem ca quesaxan lo'paxa aca huaaxai niñimlaxantecshiguim na lanatqaipi se no'uen 'ec ro'i, chalego la'aaxa nayiloxo lahi'. Chaqai na'maxare 'ec aca huaqajñi ỹit ca llicyaxac, ca' 'ue da nouaxanaxaset quiyim hueetaugui nqohin na qaica nqai 'nejem chaqai sqaica lqodoc napalaxa.

Judas 1:6

Chaqai só'maq nelaatqaipi quiñi qota'a piguim laseripi quená'maq se ỹaqamaxat ca loma', ta'ta'a quiyim ỹalat cá'maq lalamaxaret la'a', ca' ñi qota'a coñi', nauaanta'guit nqai'en cá'maq pa'aatec na'xa'a ma' qaimit ná'ogue najo, coñirañi quiyí'maq qaica 'nejem napalaxa.

Apocalipsis 21:24

Ca ná'ogue ná'maq ỹoreta'oguit qomyipi, quená'maq mashic qanca'laxatec, ca' ỹouoxontac yi na'a' lodegaxat, queetapougui na lauaq yi'maxare. Ca ná'maq nashillipi quena 'laua nodootapegueu'a ma'le da lecaic chaqai da lemaqachic yi'maxare.