Juan 7:7 - La'qaatqa ñi qota'olec Qota'olec & Qota'olec Novita Na Qomyipi

⁷ Quená'maq qomyipi hueetalec na 'laua se ishit quiyim noquii'alo quet qamiri. Qam aỹim qanoquii'a, ma' ỹim ỹaatqajam sechoxote'tem quiyim dá'maq ỹo'ueetetac se no'uen.

Juan 7:7 Iomraidhean Croise

1 Reyes 21:20

Ca' so Acab 'naaco' queso Elías: —¿Ca' nachiriua', qami' ñpa'guenaxaua? —Ajá'a, sanata qami' —'naaco' so Elías—. Ma' qainaata na se no'uen 'viichi'sac quiñi qara'gaxala'.

1 Reyes 22:8

Ca' so nashi quiyi Israel 'naaco' queso Josafat: —Ajá'a, ñaqa 'ue ñi 'oonoqui', 'maxaraic quiyim senataq quecá'maq 'naac ñi qara'gaxala'. Ñi'maxare leenaxat Micaías, llaalec so Imla. Qam ỹoquiiaxat ñi'maxare, ma' se ỹauanapega quet quiyim no'uen ca taalec nqai'en aỹim, ta'ta'a na se no'uen. Qam so Josafat 'naaco': —Sqai 'ñirac dajo.

Isaías 49:7

Ñi qara'gaxala' ñí'maq nca'laqataxanaq ñí'maq co'teeta qota'olec quiyi Israel, 'naapega na qomyipi quená'maq ỹaatqajam se qanqo'ta, ná'maq quena liỹa qomyipi ỹaatqajam laqaigaxat, ná'maq la'ac na nashillipi qa'uaiquipi, ñi'maxare 'naac: Ma' na nashillipi chaqai na llaalqaipi iuana qami', ne'laxashiguim, ca' ỹa'dooto qami' naua le'cootal, ma' ỹim ná'maq ỹim na'gaxala', ỹim co'teeta qota'olec quiyi Israel, qami' ica'acsec chaqai ipaquichigui nqaishin da ỹa'qaatec.

Jeremías 20:8

Quena' setaqa, lotqai sa'xat da nqa'viic chaqai da nalauataxanaxac; ca' se name quiyim qoyiquetapiguiỹa' chaqai qayi'neetac, ma' sa'xateta'pe naua ra'qaataxahi'.

Malaquías 3:5

Ñi qara'gaxala' sqaica lqalanec 'neetasa' da la'qaatec: Ỹim semite' qamiri ma'le queda rasauaxashichii. Chaqai ỹim ná'maq seuanchigui ná'maq ỹoiquen ca liỹa, ná'maq lapaatapi'ñi' ana se loua, ná'maq nallitalta' quena' 'ue da ỹa'xat, qam se ipacqajñigui, ná'maq qa'viita'pegue na 'ueenataxanaxairipi chaqai ana pa'ỹe chaqai na na'pelyipi, chaqai ná'maq se ỹa'maxata'gue na ỹoqa'a ca chicqa'gue, chaqai ná'maq napaqueteguelec aỹim.

Lucas 6:26

Chaqai 'xoraiquipiolec qamiri, ma' no'uen cá'ogue ca na'qaataxaguii, ma' chaqaida dá'maq 'neeta só'maq 'auaxaic leta'allipi na qomyipi, só'maq chaqai 'naac letaxaỹaxanqajnec ñi qota'a.

Juan 17:14

Ỹim saanema naua'maxare da ra'qaachiqui', qam ná'maq qomyipi hueetalec na 'laua noquii'alo naua'maxare, ma' naua'maxare tot ỹo'ueete' na loic na 'laua, ma' 'neete'm aỹim sqa saỹapegueu'a na loic na 'laua.

Juan 3:19

Ná'maq sqai huelec, ca' 'ue ca nouaxanaxaset, ma' na' novita na 'laua so ncoỹeraxanaxat, ỹapacqajnauec da lqo'iichi quena napalaxa, ma' se no'uen ná'maq ỹo'ueetetac.

Romanos 8:7

Ná'maq ỹa'deentapega da lo'ueenataxanaxac na loshicmaxa, ca' npa'guenaxaua ñi qota'a, ma' se nqo'ta chaqai qalana'a quiyim quelgoto naua laqataxaco.

Gálatas 4:16

Ca' nagui, ca ¿'eco' qamiri ñpa'guenaxaua', quiyim ỹaatqajam llic dá'maq shinac caqamiri?

Santiago 4:4

¡Qam qamiri sqa pacqajñiỹauec ñi qota'a! ¿Sqa 'yiiñio' da queca qom no'm que'uegue da lqo'itaxanqachic quená'maq huelec na 'laua, ca 'ec npa'guenaxaua ñi qota'a? Ma' canchaqaica qom no'm pile'oga da lqo'itaxanqachic quena huelec na 'laua, ca npa'guenaxaua ñi qota'a.

1 Juan 4:5

Najo 'maatqaiquipi lalamaxaret na 'laua, ca vichiguiño' ỹa'xateta'pe nauá'maq huerelec ana 'laua. Ca' qana'xaỹaxana quena qomyipi ỹoiquenta'pe naua se no'viiñi huerelec na 'laua.