Juan 7:52 - La'qaatqa ñi qota'olec Qota'olec & Qota'olec Novita Na Qomyipi

⁵² Ca qohinapego' so'maxare: —¿Qami' qai'neeta qami' Galilea le'ec? Napaxaguiñitalo ma'le naua naneresañi la'qaatqa ñi qota'a, qaiyi huañita quiyim qaica ca la'qaataxanqajnec ñi qota'a quiyim chicqochi'ñi quet yi Galilea.

Juan 7:52 Iomraidhean Croise

Génesis 19:9

Qam saua'maxare 'neraco': —¡Qo'ñirec quenajo! Saqa'leco'eda quiyim ca chicqauec 'nejem qami' ỹahotaque qarela'. Qam ¡nagui paguec la'aaxa dá'maq shinqa'tegue qami' quiyaua'maxare! Ca chaqa'ma' se qaỹa'maxata'gue so Lot, ca qanqo'neu'a ca lasom qaỹahotaque qaỹopoxoỹaxato.

1 Reyes 22:24

Ca co'na'le, ca' so Sedequías só'maq llaalec so Quenaana nqo'neu'a so Micaías, ca' ỹouaxañigui na lashic. Ca 'naaco': —¿Negue' cá'maq taigue ca ne'espíritu ñi qota'olec caỹim quiyim retaqaugui qami'?

Éxodo 2:14

Ca só'maq hebreo le'ec 'naaco': —¿Negue' cá'maq ỹanagui qami' quiyim qarelachi', chaqai quiyim 'ñirapegalo qomi' queca ỹa'maqachiguiñi chaqai queca se ỹa'maxañi? ¿Loqo'm vi'saque quiyim yalauachi', 'ñitetegue aỹim dá'maq 'ñitetegue na' lauachi' so Egipto le'ec? Ca co'na' 'xaỹa dajo so Moisés, ca' 'ue da lqolonaxa, ma' retano' quiyim mashic qaỹa'den quiyim ỹalauat so Egipto le'ec.

Juan 1:46

Ca' so Natanael 'naaco': —¿Peeta'a 'uo' ca ishit nenoxonec 'maxaraic quiyi Nazaret? Ca' so Felipe 'naaco': —Ỹala'e', ñaq 'ajnaxañita ñi'maxare.

Juan 5:39

Qamiri ỹaatqajam 'ue da reuogoxohi quena' napaxaguiñitapegalo naua naneresañi la'qaatqa ñi qota'a, ma' 'ue da naquitaxaguii quiyim chigoqchiỹaugui quiyim nachiỹa ca nca'laxa sqaica lqodoc. Qam chaqainaua naua naneresañi na'qaatqa nauá'maq ỹa'xatesa'guit aỹim.

Juan 7:41

Chaqai na liỹa 'naaco' quen: —Chaqaida dajo dá'maq nashi nca'laxaqui. Qam 'uo' quen na liỹaripi 'naac: —¿Chi'negue queta' chicqochi'ñi yi Galilea ca nashi nca'laxaqui?

Juan 7:53

Co'na'le, ca' quiñi 'óna quepegue' cá'maq chi la'a'.

Juan 9:34

Ca qohinaco' queso'maxare: —Qami' na' chi ne'qa'iriñi chaqa'ma' no'qaachigui qami' quena nasauaxaset, qam ¿chi'neco' ma' viisaque qarapaxaguiñi'? Ca' quiyi, ca qaỹo'daauec so'maxare caso lapoxoqui na judioipi.