Juan 7:48 - La'qaatqa ñi qota'olec Qota'olec & Qota'olec Novita Na Qomyipi

⁴⁸ ¿Loqo'm 'ue ca mashic huelec so'maxare quena qarashillipi, loqo'm quena fariseoipi?

Juan 7:48 Iomraidhean Croise

Mateo 11:25

Ca' quesojo na'xa'a so Jesús 'naaco': —Qami' ita'a qota'olec, ma' qami' na'gaxala' queda piguim chaqai quena 'laua, semaqachin aqami', ma' qami' chaxañitem ná'maq qaica ca ỹa'den dá'maq 'xochirapeguem na 'deenaxanqachaqaic chaqai ná'maq 'xoic na ỹa'den.

Lucas 23:13

Ca' so Pilato lapoonta' so lashillipi na netaxaỹaxanqajanqaipi chaqai so lashillipi na qomyipi chaqai so qomyipi.

Juan 12:42

Qam qaiyiita 'xoico' so judioipi huelec so Jesús, vire'ta ná'maq 'ue nqai'negue. Qam se nichoxoteta quena qom, ma' no'cha'a so fariseoipi, qaiyi se qaỹo'daauec cañi lapoxoqui.

Juan 3:1

'Uo' so ỹale ỹalequetaugui na fariseoipi, leenaxat Nicodemo. La'gaxala' so'maxare na judioipi.

Juan 7:26

Qam da'maxare ỹaatqajam nachaxanta quiyim retaqatac, qam qaica ca qohinegue. ¿Loqo'm mashic qai'neeta ná'maq nashillipi huelec da'maxare quiyim ỹaatqajam chaqaida dá'maq nashi nca'laxaqui?

Juan 7:49

Qam najo qomyipi, ma' se ỹa'den na naqataxaquipi, na'maxare tai'a ca nouaxanaxaset ma'le quiñi qota'olec.

Juan 7:50

Ca' so Nicodemo só'maq 'uo' so pe quepegue' so Jesús, so'maxare qai'neeta ỹalequetaugui na fariseoipi, 'naaco':

Hechos 6:7

Ca' da la'qaatec ñi qota'a lama'xa nqo'neetauec, ca 'xoic na icoñiguit da na'qaatec quiyi Jerusalén. Vire'ta na netaxaỹaxanqajnec quena judío laseripi ỹacoñiguit da na'qaatec quiyim pi'ỹa'a.

1 Corintios 1:20

Ca' nagui ¿negue' ca 'neco' ca 'deenaxanqachaqaic, loqo'm ca napaxaguinataxanaq, loqo'm ca ỹa'den ỹa'xat na huelecna? Ma' dá'maq na'deenec huelecna, da'maxare 'eco' mogollishic nqai'en ñi qota'a.

1 Corintios 2:8

Na nashillipi hueetalecna qaica ca ỹa'den dajo na'deenec. Ma' quet ỹa'den, ca se qaipateno so choxoraic qara'gaxala'.