Juan 7:39 - La'qaatqa ñi qota'olec Qota'olec & Qota'olec Novita Na Qomyipi

³⁹ Ca' quedajo ỹahotaque 'naac so Jesús, quiyim quecá'maq huelec so'maxare, ca icoñiguit ma'le so Espíritu Santo. Ma' saqa' novi'o' na'le so Espíritu, ma' so Jesús saqa' ỹovita yi laloqo' quiyim qaimaqachin.

Juan 7:39 Iomraidhean Croise

Proverbios 1:23

Na'xaỹaxañiỹalo naua ỹaqataxaco, ca' ño'xataxachiguilo qamiri ma'le queda na'deenaxanaxa; ca' sa'deenaxanaxaneguelo qamiri ma'le naua ỹa'deenataxanaxaco.

Joel 2:28

Ca na' ime'ueque dauajo, ca' socorougui so ñi'espíritu ná'ogue na ỹoreta'oguit qomyipi: na qachaalaxahipi chaqai na qachaallipi ỹa'xate' naua ỹa'qaatqa, na qo'xoiquipi 'ue ma'le ca le'guemataxac chaqai na ne'naqaipi 'ue ma'le na leuanaxanaxac.

Mateo 16:14

Ca saua'maxare 'neraco': —'Ue quen na 'naac qami' Juan nachilaxanataxanaq, chaqai 'ue na 'neetapega qami' Elías, chaqai 'ue na 'neetapega qami' Jeremías, loqo'm canchaqaica liỹa letaxaỹaxaqui ñi qota'a queso 'auaxaic qomyipi.

Mateo 21:11

Ca' so qomyipi 'naaco': —Sojo só'maq Jesús só'maq letaxaỹaxanqajnec ñi qota'a, chicqa'gue da Nazaret huaugui yi 'laua Galilea.

Lucas 24:49

Ca' ỹim ñilatalo qamiri ma'le cá'maq ỹachaxantac nallaaqo' ñi ita'a, qam sqai daiỹari' quena na'a' lodegaxat Jerusalén, toco' ma' coñiguit ca nquesaxanaxa chigoxoshiguim.

Lucas 3:16

Qam so Juan 'naapega sá'ogue so qomyipi, 'naaco': —Aỹim llic nagui ñachilaxañiguilo qamiri na huaxaỹaq, qam 'ue na coỹaretailec, na'maxare nachilaxanguilo qamiri ma'le ca Espíritu Santo chaqai ca norec. Chaqai na'maxare paguec da lquesaxanaxa, sqai 'nejem aỹim, chaqai aỹim sqa saiguit quiyim sosoorec naua lapelate' lequeete'.

Lucas 7:16

Ca co'na' qaỹauanchigui dajo, ca sá'ogue so qomyipi ỹaatqajam 'uo' da lqolonaxa. Ca imaqachintac ñi qota'a, 'naaco': —'Uo' so chalego lecaic so la'qaataxanqajnec ñi qota'a chicqochiguinguilo qomi'. Chaqai qohine'tegueyi da na'qaatec: —Ñi qota'olec novi', ỹahotaque quiyim ỹotauan ná'maq lalamqateripi.

Juan 1:21

Ca lotqai qaỹopilalec quiyim qainat: —Cha'regue, ¿negue' ná'maq qami'? ¿Peeta'a qami' Elías liỹa novichi'? Ca' so Juan 'naaco': —'E', sqaỹim Elías. Ca lotqai qaỹopilalec qainat: —Cha'regue, ¿peeta'a qami' ná'maq na'qaataxanqajnec qaỹa'xateta'guit naỹa'quena? Ca' so'maxare 'naaco': —'E', mesqaỹim.

Juan 1:25

Ca saua'maxare inate' so Juan, ca 'nerac: —Cha'regue, no'm sqaqami' cajo nashi nca'laxaqui, chaqai ma' sqaqami' Elías, loqo'm ca na'qaataxanqajnec naỹa'quena, ¿chi'negue ma' chilaxanataxañi'?

Juan 1:33

Qam ỹim saqa' sa'den na'le nega'ỹo'ca cajo ỹale. Qam ñí'maq yila' quiyim sachilaxanataxana na huaxaỹaq, 'naapega aỹim: “Ma' huañita so Espíritu Santo ma' anac chicqashiguim, ca' quecá'maq hueetalec qom, ca' chaqaica cajo ỹale rachilaxanataxana ma'le ca Espíritu Santo.”

Juan 12:16

Na' ñaqai chita'gue so lapaxaguinatqaipi ỹaatqajam se ỹa'den ca 'neeta dajo. Qam na'chaqai co'na' ỹovita quiyim qaimaqachin so Jesús, ca qaỹo'leente dá'ogue da llicyaxac so'maxare. Ỹaatqajam ipaquichigui dá'ogue dá'maq naneretañi queso'maxare.

Juan 12:23

Ca' so Jesús 'naaco' quesaua'maxare: —Ỹovita yi laloqo' quiyim najo ỹale llaalec qaimaqachin ma'le.

Juan 14:13

Chaqai cá'ogue cá'maq shiilaxañiỹaque qamiri quiyim quiichigui nqai'ñii da ỹeenaxat, ca ỹim so'uet, qaiyi najo ñaalec ichoxot da lquesaxanaxa ñi leta'a.

Juan 14:26

Qam ca Espíritu Santo, cá'maq nelatalo qamiri ma'le ñi qota'a, quiichigui nqai'en da ỹeenaxat, qaiyi ỹotauane' chaqai ỹa'ñaxate' ma'le qamiri, ca'maxare rapaxaguiñiigue ná'ogue chaqai no'uenaxanaxane' qamiri quedá'ogue dá'maq shinac.

Juan 16:14

Ma' ca'maxare yimaqachin ma'le, ma' icoñiguit ma'le ná'maq ỹalamaxaret, ca ỹa'deenaxanaxaneguelo qamiri ma'le.

Juan 16:7

Qam llic dá'maq shinac caqamiri: ma' paguec la'maxa quiyim ỹim shic. Ma' no'm sqa shic, ca se novitalo qamiri cá'maq rotauañii chaqai ra'ñaxachii, qam no'm shic, ca ñila' ma'le.

Juan 17:1

Ca co'na' ime 'naac dajo, ca' so Jesús ra'ishiguim quena piguim, ca 'naaco': —Qami' ita'a, mashic sovita yi ỹaloqo' quiyim maqachiñi' najo qachaalqui', qaiyi qai'neeta ná'maq qachaalqui' imaqachin aqami'.

Juan 17:5

Ca' nagui, qami' ita'a, sahotaque sentau'a na rahi'i', chaqai 'ỹaañitem aỹim dá'maq imaqachic na' ñaqai sento'ot qami' na' saqa'leca na 'laua.

Juan 20:22

Ca' pe'teuguilo' na'le saua'maxare, ca 'naaco': —Coñiguit na Espíritu Santo.

Juan 6:14

Ca co'na' so qomyipi iuanchigui dajo netanec se qaiuanapega ỹo'uet so Jesús, ca 'naaco': —Ỹaatqajam llic quiyim chaqaida da'maxare dá'maq la'qaataxanqajnec ñi qota'a qaỹa'xateta'guit quiyim naỹa'a ana 'laua.

Juan 7:12

Ca' quesó'maq qomyipi 'xoico' só'maq retaqatapigui so'maxare. 'Uo' quen na 'naac: “Ỹaatqajam huagaxaraic ỹale.” Qam 'uo' quen na 'naac: “Sqai huagaxaraic, ma' ỹayintac na qom.”

Juan 8:54

Ca' so Jesús 'naaco': —Quiyim chaqaỹim chi ñimaqachinteguelta', ca' qaica ca 'negue da imaqachic. Qam ñí'maq yimaqachintac chaqaiñi ñí'maq ita'a, chaqaiñi ñí'maq qota'olec ñí'maq qamiri 'ñiitapega viilec.

Hechos 19:2

Ca inateta'pe, 'naaco': —¿Mashic shi'gue coñiguit ca Espíritu Santo na' coñiguit da na'qaatec? Ca saua'maxare 'neraco': —Ỹaatqajam se sa'xaiqa'pegue quiyim 'uo' ca Espíritu Santo.

Hechos 2:17

Cauajo pa'aaterec na'xata', 'naac ñi qota'olec, saanec na ñi'Espíritu Santo, socorelec ná'ogue na qomyipi; ca ra'qaataxan na ñaalqaipi, ỹale chaqai ana 'aalo ỹa'xat da ỹa'qaatec, chaqai na ne'naqaipi 'ue na leuanaxanaxac, chaqai na qo'xoiquipi 'ue na le'guemataxac.

Hechos 2:33

Ma' ỹahote'e da loic ñi qota'olec ỹaconsop so Jesús, ca qaỹaueguegue da piguim, chaqai icoñiguit quiñi leta'a na Espíritu Santo ná'maq mashic shi'gue ỹachaxantac; ca ná'ogue ná'maq qamiri huañichigui chaqai ná'maq 'xaichigui chicqo'ot ñi'maxare.

Hechos 2:38

Ca' so Pedro saat, ca 'naaco': —Qamiá'ogue 'xañiñi naua se no'ueene' no'ueenataxagohi, chaqai qanachilaxane' qamiri, qaỹouen da leenaxat so qara'gaxala' Jesucristo, qaiyi ñi qota'olec ỹapalaxate' naua rasauaxashichiri, ca' ỹaañiỹaxarom ca Espíritu Santo.

Hechos 2:4

Ca sá'ogue qano'xataxachichigui queso Espíritu Santo. Ca' quiyi, ca retaqa, ỹa'xate' naua ỹoqa'alo na'qaatqa, quecá'maq qoỹaanem ỹa'xat queso Espíritu.

Hechos 3:13

Mesqaida. Qam ñi qota'olec ñí'maq huerelec sauá'maq 'au sachigoxosqauguilo Abraham, Isaac chaqai so Jacob ỹaanem quiyim paguec lichoxoric nqai'en so llaalec Jesús, só'maq qamiri 'ỹaañiu'a na nashillipi. Chaqai na' so Pilato ỹahotaque ỹosouec, qamiri sqa 'maxariñii.

Hechos 4:31

Ca co'na' ime da nqouagaxainaxague', ca' i'loxol ca neesa'ñi lapoota'ta'. Ca sá'ogue qano'xataxachichigui queso Espíritu Santo. Ca' qaica ca no'chiiraque ỹa'xatesac da la'qaatec ñi qota'olec.

Romanos 8:9

Qam qamiri totqai quiita'pegue' da lqo'itaxanqachic na roshicmaxahi. Ta'ta'a quiyim quiita'pegue' da lo'ueenataxanaxac so Espíritu, no'm llic neetauguilo qamiri so ne'Espíritu ñi qota'a. Ma' cá'maq sqai neetagui so Espíritu chicqo'ot so Cristo, ca ca'maxare se lalamaxaret so'maxare.

2 Corintios 3:8

¡huose'queto' quiyim sqai paguec queto' ca lauaq dá'maq na'qaatec noviraxatalo qomi' so Espíritu Santo!

Efesios 4:30

'Neeto' lotqai rachico nqai'ñii ñi Espíritu Santo chicqo'ot ñi qota'a. Ma' quiñijo Espíritu chicqochigui quiyim qaitane' qamiri, qaiyi qamiri lalamaxarete' ñi qota'a, chi ỹovireto'o' cá'maq na'xa'a quiyim ñi'maxare ỹaanema qamiri cá'maq ỹaatqajam naloochiguiñi nca'laxa.