Juan 7:36 - La'qaatqa ñi qota'olec Qota'olec & Qota'olec Novita Na Qomyipi

³⁶ ¿Nega'ỹo' cá'maq reloqo'tegue dá'maq 'naac coqomi': “Daañitaque ma'le aỹim, qam sqa nachiua', ma' sqai shichii 'iigue dá'maq senta'gue ma'le”?

Juan 7:36 Iomraidhean Croise

Juan 12:34

Ca' na qomyipi 'naaco' queso'maxare: —Qomi' sa'xaiqatac quena' qaretaqalec ana lere ana lomalate na naqataxaquipi quiyim cajo nashi nca'laxaqui sqaica lqodoc da nachaalataxac. Qam ¿chi'neco' qami' 'ñirac quiyim cajo ỹale llaalec qananojshiguim ma'le? ¿Chi nega'ỹo' ca 'ñiisapega ỹale llaalec?

Juan 13:33

Qamiri ỹaalqolqa, totqai shi'gom salequetauguilo qamiri. Qamiri daañitaque ma'le aỹim, qam da shinapega na'le so judioipi, nagui shinapegalo qamiri qai'neeta: Dá'maq saigue, qamiri sqai shichii 'iigue.

Juan 3:4

Ca renataxano' so Nicodemo: —Qam ¿negue' queto' ca la'maqa' queca qom quiyim mashic ỹi, ca lotqai liỹa ne'qaañi? ¿Qa' ishit quet quiyim liỹa pilougui na lauel aca late'e, ca lotqai liỹa ne'qaañi?

Juan 3:9

Ca' so Nicodemo lotqai liỹa renataxan, 'naaco': —¿Negue' cá'maq 'neeto' ca leloxoỹaxac dajo?

Juan 6:41

Ca' quedajo, ca so judioipi queeteguelec so Jesús quedá'maq 'naac quiyim 'naac: “Ỹim chaqaỹim ná'maq pan chicqo'ot na piguim.”

Juan 6:52

Co'na'le, ca so judioipi chi retaqata'ta', ca 'naaco': —¿Chi negue' queto' ca 'neeta quiyim da'maxare nañaanoxorom quiyim sa'guinaq ná'maq chi loshicmaxa?

Juan 6:60

Ca co'na' qara'xaỹa dajo napaxaguinataxanaxac, ca 'xoico' só'maq coỹareta'pegue' so Jesús 'naaco': —Dá'maq dajo ỹa'xat chalego lqalaic quiyim qaicoñiguit; ¿negue' queto' ca ishit na'xaỹaxana?

Juan 7:34

Qamiri daañitaque ma'le aỹim, qam sqa nachiua', ma' sqai shichii 'iigue ma'le dá'maq senta'gue.

Juan 8:21

So Jesús lotqai liỹa 'naaco': —Ỹim shic, ca' qamiri daañitaque ma'le aỹim, qam qamiri rillivii quiita'ñi' ma'le na rasauaxashichii. Qam dá'maq saigue, qamiri sqai shichii 'iigue.

1 Corintios 2:14

Ca qom sqai neetagui so Espíritu Santo, se ishit icoñiguit da lo'ueenataxanaxac so ne'Espíritu ñi qota'a, ma' ca'maxare quiyim na'xaỹaxantapega, 'ec nqai'en chaqai mogollishic. Ma' se ỹa'den da'maxare. Ma' quena' qaimitaque ca leloxoỹaxac dajo, ca ipaquetaque quiyim qaỹotauan queso Espíritu Santo.