Juan 7:33 - La'qaatqa ñi qota'olec Qota'olec & Qota'olec Novita Na Qomyipi

³³ Ca co'na'le, ca 'naaco' so Jesús: —Chaqai cocho'qui' salequeta'guita qamiri, ca ma'le, ca sopila ñí'maq yila'.

Juan 7:33 Iomraidhean Croise

Marcos 16:19

Ca co'na' ime ỹa'xatema dajo saua'maxare, ca' so qara'gaxala' Jesús naỹoxonshiguim nqohin, ca' taigue da piguim, ca' nqa'xanñi queda loic ñi qota'olec.

Juan 13:1

Ca quesó'maq liỹa na'xa'a, ca noviro so lapoxoc quiyim qaỹo'leente na' qoyique'e yi Egipto, ca' so Jesús ỹa'den quiyim ỹovita ca laloqo' quiyim ca'e na 'laua, ca quepegue' ñi leta'a. Qam so'maxare chaqai 'neetari' da lauochaxa queso lalamqateripi no'ueenalec na 'laua, ca' nagui ỹachaxanalo saua'maxare dá'maq paguec lecaic lauochaxa.

Juan 13:33

Qamiri ỹaalqolqa, totqai shi'gom salequetauguilo qamiri. Qamiri daañitaque ma'le aỹim, qam da shinapega na'le so judioipi, nagui shinapegalo qamiri qai'neeta: Dá'maq saigue, qamiri sqai shichii 'iigue.

Juan 14:12

Ỹaatqajam llic da shinac caqamiri, quiyim quecá'maq huelec aỹim, ca ishit ỹo'uet qai'neeta dá'maq so'uet, chaqai paguec lecaic ma'le ca ỹo'uet, ma' ỹim shicpegue' ñi qota'a.

Juan 14:19

Qam sqaỹalqotac, ca' na qomyipi tot iuañiua', qam qamiri huañiỹa ma'le aỹim. Ma' qamiri rca'lliiuec, ma' ỹim yca'leetauec.

Juan 14:28

Ma' shi'gue 'xahitac quiyim shinac quiyim ỹim shic, chaqai quiyim yapil, qaiyi lotqai liỹa salequetauguilo qamiri. Quiyim ỹaatqajam llic yi'xoriñii, ca' netooñii quet quiyim 'yiiñii shicpegue' ñi qota'a, ma' ñi'maxare ỹapacauec lecaic caỹim.

Juan 16:10

ca retane' ma'le cá'maq 'neeta cá'maq 'maxaraic ñicyaxac, ma' ỹim shicpegue' yí'maq neeta'ñi ñi qota'a, ca' qamiri totqai huañiua';

Juan 16:28

Chaqai ỹaatqajam sachicqo'tot ñi qota'a na' ñanacpegue' na 'laua, qam nagui shique'e na 'laua, ma' sopila ñi qota'a.

Juan 16:5

Ma' nagui shicpegue' yí'maq neeta'ñi ñí'maq yila'; chaqai qaica cá'maq yinat caqamiri negue' cá'maq saigue.

Juan 17:11

Ỹim totqa senalec na 'laua, qam naua'maxare no'ueendalec na 'laua. Ma' ỹim shic saiquena, qaiyi qoma'que quecá'maq senqata'ñi. Qami' ita'a, ma' qami' co'teeta, vise'e da rquesaxanaxa'e' quiyim quepaqataxañiseguelec ná'maq nañaañi', qaiyi ná'ogue neconta'ta', 'neesari' maỹim caqami'.

Juan 17:13

Ma' nagui shicpegue' qami', qam nagui ma' ñaqai seuetalec na 'laua, ca' shinac dajo, qaiyi naua'maxare 'xoic ca netoonaxague' 'nejem da ñitoonaxac.

Juan 20:17

Ca' so Jesús 'naaco' caso'maxare: —Yayaxañirec, ma' ỹim saqa' shicpegue' yi neetashi'me ñi ita'a. Qam mo'e', 'qaataxañitalo caua ỹapaxaguinatqa ỹaqaỹa' quiyim saigue da neeta'gue ñi ita'a, ñí'maq qataa'i qai'neeta, ñí'maq qota'olec caỹim chaqai caqamiri.

Juan 9:4

Nagui ma' ñaqa 'ue na na'xa'a, ca so'uet dá'maq lo'ueenatec ñí'maq yila'; ma' naata ca pe, ca ma'le, ca' qaica ca ishit ro'ueenataxan.