Juan 7:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' saua lqaỹa' so'maxare 'neraco': —Mesqai viise'ena, qui' queda Judea, qaiyi caua queesa'pegue' qami' hueesa'gue da'maxare qai'neeta iuanta ca ro'ueenataxanaxaqui'.

Juan 7:3 Iomraidhean Croise

Génesis 37:20

Ỹalahi salauataq. Ca ma'le, ca' senaxasoxo'ñigui maca ni'ỹa. Ime, ca' shinqaco' 'uo' ca isecỹac toxonaxai ito, ca' ỹa'ic. Ca ma'le, ca' sa'deenaq negue' cá'maq 'neeta so le'guemataxac.

Mateo 12:46

Co'na' so Jesús ñaq retaqatapougui so qomyipi co'na' novirero aso late'e chaqai saua lqaỹa'. Pa'aasauec, ỹahosaque retaxaira'pegue' so'maxare.

Marcos 3:21

Ca co'na' 'xaiguelec dajo so lauo' laseripi so Jesús, ca' naque, ma' ỹahotaque quiyim ỹauec, ma' qohintapega mashic neleguemaxat.

Marcos 3:31

Co'na'le, ca ỹovirero' saua lqaỹa' chaqai aso late'e so Jesús, qam saua'maxare pa'aasauec, ca relaataxanda'a so'maxare.

Lucas 8:19

Ca' aso late'e chaqai saua lqaỹa' so Jesús ỹovirera'a ca hueeta'ñi so'maxare, qam se ishite' inoxondo, ma' ỹaatqajam 'xoic na qom.

Lucas 8:20

Ca 'uo' so ra'qaataxanem so Jesús, 'naaco': —Ada qachii'i' chaqai daua rqaỹachi' pa'aasauec, ỹahosaque quiyim nauanchiguita.

Juan 2:2

Ca' so Jesús chaqai saua lapaxaguinatqa qai'neeta qoỹale' quiyim ỹalequesaho queso shilaq.

Juan 6:60

Ca co'na' qara'xaỹa dajo napaxaguinataxanaxac, ca 'xoico' só'maq coỹareta'pegue' so Jesús 'naaco': —Dá'maq dajo ỹa'xat chalego lqalaic quiyim qaicoñiguit; ¿negue' queto' ca ishit na'xaỹaxana?

Juan 6:66

Co'na'le, ca 'xoico' ná'maq queeta'pegue' so Jesús, ca totqai quegue so'maxare.

Juan 7:10

Qam na'chaqai que' saua lqaỹa', ca' so Jesús qai'neeta eec queso nemaqachic. Qam se nachaxanta.

Juan 7:4

Ma' cá'maq qom ỹahotaque quiyim qaiuana cá'maq ỹo'uet, ca' se nañoxotetañi quecá'maq ỹo'uet. Ma' mashic 'viichi' dajo, ca iuanchigui quet nqai'ñi' ná'ogue na qomyipi.

Juan 7:5

Ma' vire'talo saua lqaỹa' sqai huerelec so'maxare.

Hechos 2:14

Ca' so Pedro nachajñi, chaqai saua liỹa' once lelaatqa so Jesús. Ca' retaqa so Pedro, nelamaxaren, 'naaco': —Qamiri ỹalliripi ñiỹa'ñi na Judea, chaqai ná'ogue na na'ñi na Jerusalén, sahotaque 'yiiñita dajo, chaqai na'xaỹaxañii'ta dá'maq sham sa'xat.

1 Samuel 17:28

Qam so Eliab só'maq lopiichi so David, co'na' 'xaỹa na' retaqatecto saua ỹale', ro'ỹa so'maxare. Ca 'naaco': —¿Negue' cá'maq naquito' quenajo? ¿Negue' cá'maq reloxoỹa'o' nqai'ñi' ca qagretaipi quiyi 'laua qaica qom? Ỹim sa'den dá'maq 'neeta dá'maq renataxanaxaqui' chaqai dá'maq ra'deenataxanaxaqui' se no'uen, ma' naqui', qam chaqai vi'saque 'ajñi' na lauataq.