Juan 7:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Ỹim maxasa' seuana, ma' sachicqo'ot ñi'maxare, chaqai ñi'maxare ñí'maq yila'.

Juan 7:29 Iomraidhean Croise

Mateo 11:27

Ñi ita'a ỹomato'ot aỹim ná'ogue nanchaqaina. Ca' qaica cá'maq ỹaatqajam ỹa'den najo llaalec, ta'ta'a ñí'maq leta'a. Chaqai qaica cá'maq ỹaatqajam ỹa'den ñi'maxare, ta'ta'a najo llaalec chaqai ná'maq na llaalec ỹahotaque ỹa'deenaxanaxanegue ñi'maxare.

Juan 1:18

Ñi qota'olec qaica iuanapega, qam so 'oonoqui' llaalec só'maq ỹaatqajam neeto'ot ñi'maxare ñí'maq leta'a, chaqaiso só'maq ỹa'deenaxanaxanque qomi' ñi qota'olec.

Juan 17:18

'Nejem aỹim quiyim yilachirougui na qomyipi hueetalec na 'laua, ca qai'neeta ỹim selarouguilo naua'maxare na qomyipi hueetalec na 'laua.

Juan 6:46

Mesqaida quiyim 'uo' ca iuanapega ñí'maq ita'a; chaqainaata ná'maq chicqo'ot ñi qota'olec, ca iuana ñi'maxare.

Juan 8:55

Qam qamiri sqa huañiỹapega ñi'maxare; qam ỹim maxasa' seuana. Qam queta' shinac se seuanapega, ca' ỹaatqajam ỹim quet 'maatqaic, shinta quet maqamiri. Qam ỹaatqajam llic seuana, chaqai ña'xaỹaxana cá'maq 'naac ñi'maxare.

1 Juan 1:2

Ca' sojo chicqaugui da nca'laxa nachaxan, ca' qomi', seuanaxa, ca' qomi' sa'xatqatac so'maxare. Ca' sechoxotqaima qamiri dajo nca'laxa sqaica lqodoc, dá'maq hueeto'oto' na'le ñi qota'olec, ca' nachaxanalo qomi' na'le.

1 Juan 4:14

Chaqai qomi' ỹaatqajam seuanqachigui, ca' sa'xatqatac, quiyim ñi qota'olec nela' so llaalec, ma' ỹahotaque nca'laxatec na qomyipi hueetalec ana 'laua.

1 Juan 4:9

Ñi qota'a ichoxot da le'xorenataxanaxa coqomi' na' nela' so 'oonoqui' llaalec quena 'laua, qaiyi 'ue ca qarca'laxa chicqochigui nqai'en so'maxare.