Juan 7:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Qam qomi' sa'deenqata dá'maq chicqa'gue da'maxare. Qam ma' novi' cá'maq nashi nca'laxaqui, qaica ca ỹa'den ma'le cá'maq chicqa'gue.

Juan 7:27 Iomraidhean Croise

Isaías 11:1

Ca' sojo loỹo chaqaiso so Isaí chicqochigui ma'le aca llaxataxai; ca dalaxai ñaxashiguim chicqochi'ñalo saua lpa'yii.

Isaías 53:8

Qaica cá'maq ỹasauaxat, qam qai'xat, chaqai qaica cá'maq qoshiilec so'maxare; qaica cá'maq itena'a dá'maq nachaalataxac. Qanapocshiguim so'maxare quena 'laua, ca' qaỹalauat soualec na lasauaxaset na ỹalamaxareteripi.

Miqueas 5:2

Qam caqami' na'a' Belén Efrata, paguec qami' cocho'qui' quená'maq chigoxougui so Judá, chicqotougui qami' ma'le ca nashi ỹoiquentac ma'le na Israel. Ca'maxare chigoxougui so 'auaxaic qomyipi.

Marcos 6:3

Ma' chaqaida dajo dá'maq qo'paq lo'o, llaalec aso María, chaqai lqaỹa so Jacobo, José, Judas chaqai so Simón, chaqai saua lqaỹa' 'aalo nera'ñi najo qai'neeta. Ca' se qana'xaỹaxana.

Lucas 4:22

Ca sá'ogue imaqachintac so Jesús chaqai qai'laqatapegalo naua la'qaatqa ỹaatqajam lo'yaxanqa. Ca nenatetecta' so qomyipi, 'naac: —Dajo, ¿mesqaido' da llaalec ca José?

Juan 6:42

Ca 'naaco' so qomyipi: —¿Dajo mesqaido' da Jesús da llaalec so José? Qomi' seuanaxa so leta'a chaqai aso late'e, qam ¿chi'neco' da'maxare ma' 'naac chicqo'ot na piguim?

Juan 7:15

Ca' na judioipi ỹaatqajam 'uo' na le'laxa, ca 'naaco' quen: —¿Negue' cá'maq 'neeto' dá'maq dajo, ma' ỹaatqajam 'ue ná'maq ỹa'den, qam se ỹauanapega napaxaguin?

Juan 9:29

Qomi' sa'deenaq quiyim so Moisés retaqata'pegue' na'le ñi qota'olec, qam so ỹale vire'ta quiyim se sa'deenaq cá'maq chicqa'gue.

Hechos 8:33

Ỹaatqajam qaica ca 'negue nqohin, ca sqaica cá'maq 'neeta quiyim qaiqoshiilec. Ca' ¿nega'ỹo' ca ishit quiyim ỹa'xat ca 'neeta ca llaalqaipi so'maxare? Ma' qanaqata'a da nachaalataxac quena 'laua.