Juan 6:63 - La'qaatqa ñi qota'olec Qota'olec & Qota'olec Novita Na Qomyipi

⁶³ So ne'Espíritu ñi qota'a chaqaiso só'maq ỹo'uet da nca'laxa; da chi lquesaxanaxa ca qom qaica ca 'negue. Ca dauá'maq sa'xate' ỹaatqajam lliquete' chaqai chicqoro'ot so Espíritu chaqai ỹa'ue da nca'laxa.

Juan 6:63 Iomraidhean Croise

Génesis 2:7

Co'na'le, ca' ñi qara'gaxala' qota'olec ỹo'xono' so qom ỹachigoxotaugui na 'laua. Ime, ca' pe'teu'guelo naua limiaqa lauaco, ca' ỹaanem da lca'laxa. Ca' so qom 'ue da lca'laxa.

Juan 5:21

Ma' quiyim ñí'maq leta'a ishit quiyim liỹa nca'leuec nqai'en cá'maq mashic ileu ỹaanem da lca'laxa, ca qai'neeta ná'maq llaalec ỹaanem da lca'laxa cá'maq nqo'ta.

Juan 6:68

Qam so Simón Pedro 'naaco': —Qami' qara'gaxala', ¿negue' queto' cá'maq saxague? Ma' naua ra'qaataxahi' ỹaatqajam na'qaatqa chicqoraugui da nca'laxa sqaica lqodoc.

Hechos 5:20

—Mohi, nachaachiñi cañi no'ueenaxanaxaqui quena Jerusalén, ca' 'qaataxañii quiyi qomyipi queda nca'laxa dalaxaic.

Romanos 10:17

Ca' chaqaida, ma' da npi'ỹaxac chicqochigui da 'xaỹaxanaxac, qam dá'maq qana'xaỹaxantapega chaqaida dá'maq na'qaataxac so Cristo.

Romanos 2:25

Ỹaatqajam llic 'ue ca 'ñitegue no'm 'ue ca netanec na roshicmaxa'e', no'm 'viichi' dá'maq 'naac na naqataxaquipi chicqo'ot so Moisés; qam no'm se na'xaỹaxañita, ca 'ec sqaica ca netanec na roshicmaxa'e'.

Romanos 8:2

Ma' da lquesaxanaxa so Espíritu ỹo'uet da nca'laxa chicqochigui quiyim qana'deetau'a so Cristo Jesús, ca ỹoso'oga ỹim queda lquesaxanaxa da nasauaxaset chaqai queda nelauaxa.

1 Corintios 15:45

Ca' chaqaida 'nerac naua nerecse' la'qaatqa ñi qota'a: “Só'maq 'auaxaic qom, leenaxat Adán, co'na' qaỹo'uet, ca qoỹanagui quiyim ỹaatqajam nca'leetauec nqohin.” Qam so Cristo só'maq pa'aatec Adán, ca' chaqaiso só'maq na'al só'maq ishit ca'laqataxan.

Gálatas 5:25

Ma' dá'maq qanachaalataxac chicqo'ot so Espíritu, ca' qai'neeta saxanqac só'maq Espíritu quiyim qarashaxantac quecá'maq so'ueetaq.

Gálatas 5:6

Chaqai no'm ña'daqatau'a so Cristo Jesús, ca' qaica quet cá'maq 'negue ca qom quiyim 'ue ca netanec na loshicmaxa, loqo'm sqaica. Qam dá'maq paguec 'ue ca 'negue quiyim 'ue ca qarpi'ỹaxac, chaqai quiyim dajo qarpi'ỹaxac ỹo'uet quiyim ñi'xorenaqta'.

Gálatas 6:15

Ma' no'm qomi' ña'daqatau'a so Cristo Jesús, ca' qaica quet cá'maq 'negue ca qom quiyim 'ue ca netanec na loshicmaxa, loqo'm sqaica. Ma' chaqaidaata da qanachaalataxac quiyim qaỹadalaxat, maxasa' 'ue ca 'negue.

1 Tesalonicenses 2:13

Ca' chaqaida dá'maq 'em quiyim saanqatacot da qana'aachic ñi qota'a, ma' na' na'xaỹaxañiỹa da sa'xatqatac la'qaatec ñi qota'a, ca' coñiguit, qam mesqai 'ñiita'gue ca chi la'qaatec ca qom, 'ñiita'gue quiyim qota'a la'qaatec. Qam lliqueta quiyim ỹaatqajam qota'a la'qaatec da'maxare, ma' re'oq da lo'ueenataxanaxac caqamiri na' viilec.

1 Timoteo 4:8

Ma' dá'maq lpa'ataxaric na qaroshicmaxa 'ue da 'negue, qam qailligueme'. Qam no'm ỹaatqajam qoyiquejlec ñi qota'a, ca' ỹaatqajam 'ue da 'negue. Ma' ỹaatqajam chicqaugui da 'aachicyaxac queda qanachaalataxac nagui, chaqai quecá'maq chaalataxac ñaqa naata.

Hebreos 13:9

'Neeto' quiita'pegue' na ỹoreta'oguit se qaiuanapega napaxaguinataxanaxaquipi. Paguec la'maxa quiyim añi qare'taxanata icoñiguit da lquesaxanaxa chicqochigui da le'xorenataxanaxa ñi qota'a, mesqai da llicyaxac ca na'ic; ma' nauajo llicyaxaco na na'ic se iuanapega quiyim ỹa'maxajñi quet ná'maq queetalgoto naua'maxare.

Hebreos 4:12

Ma' da la'qaatec ñi qota'a nca'leetauec chaqai 'ue da lquesaxanaxa. Chaqai paguec llaaxa quená'ogue na lecat dos llaaxa', chaqai ishit ỹovirau'a na pa'aauo se re'xogui quena qom chaqai quedá'maq hueetagui da nachaalataxac, vire'ta ná'maq paguec pa'aauo quena qom; chaqai ichoxot ca na'deenataxanaxac, chaqai quecá'maq 'ueenataxac hueetagui añi ne'taxanata.

Santiago 1:18

Nañaanoxorom da qarca'laxa chicqochigui nqai'en da na'qaatec ỹaatqajam llic, ma' ỹahotaque quiyim qomi' la'auaxanqa la' quená'ogue na lo'ueenatec. Ma' chaqaida dá'maq ỹahotaque.

1 Pedro 1:23

Ma' qamiri mashic dalaxaic ne'xaiñi, qam da ne'xaỹoqsoxoguii sqai chicqochiguilo caua re'qoochiguilo qata'allii, ma' ileue' caua'maxare. Ta'ta'a quiyim da ne'xaỹoqsoxoguii chicqochigui da la'qaatec ñi qota'a dá'maq nca'leesauec chaqai se imero.

1 Pedro 3:18

Ma' so Cristo queda le'xoric, ca' ileualgoto naua qarasauaxasete'; 'oonoqui', ca' chaqa'ma' imaauec nqai'en. So'maxare ỹaatqajam huagaxaraic, qam ileualgoto na'le qomi' quiyim qomi' hualoxona', qaiyi ỹauega'alo qomi' ñi qota'a. Ỹaatqajam qaỹalauat quesó'maq loshicmaxa, qam liỹa nca'leuec nqohin quesó'maq se re'xogui.

1 Pedro 3:21

Ca' sojo huaxaỹaq chaqaido' da chilaxac nagui dá'maq ỹa'xateta'guit, ca' chaqaida dá'maq chicqochigui quiyim qarca'leuec nagui. Dajo chilaxac mesqai chicqaugui quiyim chi qaico'taxat na noshicmaxa; ta'ta'a quiyim qaỹashiila ñi qota'a quiyim co'taxat yi qara'deenataxanaxac loma'. Ca' qarca'laxatec chicqochigui nqai'en na' liỹa nca'laxatec so Jesucristo,