Juan 6:55 - La'qaatqa ñi qota'olec Qota'olec & Qota'olec Novita Na Qomyipi

⁵⁵ Ma' ỹaatqajam na'ic na ỹoshicmaxa chaqai ỹaatqajam 'taqate' naua iuo'.

Juan 6:55 Iomraidhean Croise

Juan 1:47

Ca co'na' so Jesús iuañi'chiguit so Natanael tot qoỹoxoguit, ca 'naaco': —'Ena ná'maq ỹaatqajam llic llaalec so Israel, na'maxare sqai 'maatqaic.

Juan 1:9

Só'maq ỹaatqajam ncoỹeraxanaxat, só'maq coỹarelec ná'ogue na qomyipi, so'maxare naata'a na 'laua.

Juan 15:1

Ca' ỹim ná'maq 'nejem acá'maq ỹaatqajam nanecse uva, chaqai ñi ita'a ñí'maq cochiitapega aca nanecse.

Juan 6:32

Ca' so Jesús 'naaco': —Ỹaatqajam lliqueta da shinac caqamiri: Quiyim mesqaiso so Moisés só'maq ỹaanema qamiri so pan chicqashiguim, ta'ta'a ñí'maq ita'a ñí'maq ỹaanema qamiri cá'maq ỹaatqajam pan chicqashiguim queda piguim.

Juan 6:54

Cá'maq ỹa'ic na ỹoshicmaxa chaqai ni'chiguilo naua iuo', ca' 'ue da lca'laxa sqaica lqodoc. Ca' ỹim liỹa ñca'laxatec ma'le queca pa'aatec na'xa'a.

Juan 6:56

Cá'maq ỹa'ic na ỹoshicmaxa chaqai ni'chiguilo naua iuo', ca'maxare na'deetau'a aỹim chaqai aỹim qai'neeta queca'maxare.

Juan 8:31

Co'na'le, ca so Jesús 'naapego' so judioipi mashic huelec so'maxare: —No'm qamiri ỹaatqajam 'viichii dá'maq sa'xat caqamiri, ca ỹaatqajam llic quiyim qamiri ỹapaxaguinatqa.

Juan 8:36

Ca vichiguiño' quiyim najo ñaalec rosohiuec, ca ỹaatqajam nosoosauec qamiri.

Hebreos 8:2

Ca' chaqaiso só'maq qaretaxaỹaxanqajnec quiyim retaxaỹa'pegue' ñi qota'a quecá'maq ỹaatqajam lauo' ñi qota'a queda piguim, cá'maq 'imec chi lo'ueenatec ñi qara'gaxala', mese lo'ueenatec ca chaqai qom.

1 Juan 5:20

Sa'deenaq qai'neeta quiyim so llaalec ñi qota'a novi', ca' ỹaanema qomi' da qara'deenataxanaxac, qaiyi sa'deenaq ñí'maq ỹaatqajam qota'a. Qomi' ña'daqatau'a ñí'maq ỹaatqajam 'chichiguiñi, ca so'maxare chaqaiso só'maq Jesucristo, llaalec ñi qota'a. Chaqaiso so Jesús só'maq ỹaatqajam qota'a, chaqai chaqaiso só'maq nca'laxa sqaica lqodoc.