Juan 6:51 - La'qaatqa ñi qota'olec Qota'olec & Qota'olec Novita Na Qomyipi

⁵¹ Chaqaỹim ná'maq ỹim pan nca'leetauec chicqa'gue da piguim. Cá'maq ỹa'ic najo pan, ca' 'ue da lca'laxa sqaica lqodoc. Chaqai cá'maq pan ỹim saanec, chaqaina ná'maq ỹoshicmaxa. Ca ỹim saanec, qaiyi nca'leuec na qomyipi quena 'laua.

Juan 6:51 Iomraidhean Croise

Mateo 20:28

Ma' chaqaida dá'maq 'neeta najo ỹale llaalec se novi' quiyim ỹahotaque qaiquelola. Ta'ta'a quiyim ná'ogue quelola, chaqai quiyim da nachaalataxac ỹaanec, ca' 'ec lishiuetenaxanaxat, qaiyi 'xoic ca nca'leuec.

Lucas 22:19

Ca co'na' ime, ca ỹacona so pan, ca ỹaanot da na'aachic ñi qota'a. Ime, ca' ỹasectaqchigui, ca ỹaanouguilo saua'maxare, ca 'naaco': —Najo chaqaina ná'maq ỹoshicmaxa qoỹaañiguit ca nelauaxa tai'a quiyim ra'maxaiñi qamiri ma'le. 'Viichiho' dajo, qam se couahi'e aỹim.

Juan 1:14

Ca' só'maq qohinaco' quen na'qaatec ñigui qom. Ca so'maxare ỹalequetauguilo qomi', qam ỹaatqajam no'qaachigui queda nqo'iichi chaqai dá'maq ỹaatqajam llic leloxoỹaxac. Ca' qomi' seuanqachigui da lauaq, qam dajo lauaq da'maxare chi lalamaxaret lauaq só'maq 'oonoqui' llaalec ñí'maq qota'olec.

Juan 1:29

Ca' queso liỹa na'xa'a, ca' so Juan idaana'guit so Jesús naataxaso'ma so'maxare. Ca' so'maxare 'naaco': —Ñaqa 'ajñii, najo ná'maq ỹale ỹaanec ma'le ñi qota'olec, 'neeta'gue meca qagreta llaalec, ná'maq rouootaxana'gue ná'ogue na nasauaxaseteripi quena 'laua.

Juan 11:26

Chaqai ná'ogue ná'maq ñaq nca'leetauec nagui quiyim huelec aỹim, ca tot ileu. ¿Vi'relec qami' dajo?

Juan 3:13

Ma' qaica ca taigue da piguim, ta'ta'a ná'maq nenojñi chicqashiguim queda piguim, ná'maq qohinac ỹale llaalec, chaqai'en neeta'gue da piguim.

Juan 3:14

Ca' chaqaida dá'maq 'ne'teco' so Moisés na' nanojshiguim so nadenqatec nanaic quiyi 'laua qaica qom, ca qai'neeta najo ỹale llaalec ỹouen quiyim qananojshiguim,

Juan 3:16

Ma' ñi qota'olec ỹaatqajam 'xoico' da lauochaxa quena qomyipi, ca ỹaanec na 'oonoqui' llaalec, qaiyi se ileu cá'ogue cá'maq huelec na'maxare. Ta'ta'a quiyim 'ue da lca'laxa sqaica lqodoc.

Juan 3:36

Cá'maq huelec so llaalec ñi qota'olec, ca' 'ue da lca'laxa sqaica lqodoc; qam cá'maq sqai huelec so llaalec, ca' sqaica da lca'laxa. Ta'ta'a quiyim hueetalec dá'maq chalego lecaic nouaxanaxaset quiñi qota'olec.

Juan 5:24

Ca' ỹaatqajam lliqueta dá'maq sa'xat caqamiri: Cá'maq ỹa'maxachichiguiñi ca na'xaỹaxanaxac quedá'maq sa'xat, chaqai huelec ñí'maq yila', ca 'ue ca lca'laxa sqaica lqodoc; chaqai sqaica ca nouaxanaxaset, ma' mashic shi'gue napaguelec da nelauaxa, ca inoxona'a da nca'laxa.

Juan 6:33

Ma' cá'maq pan ỹaan ñi qota'olec, chaqaica cá'maq nenojñi chicqashiguim queda piguim, ca ỹaanem da lca'laxa na qomyipi.

Juan 6:35

Ca' so Jesús 'naaco': —Chaqaỹim ná'maq pan chicqaugui da nca'laxa. Cá'maq nacpegue' aỹim, ca se ỹauanapega quiyim qopat; chaqai cá'maq huelec aỹim, ca se ỹauana ỹalauat laquip.

Juan 6:41

Ca' quedajo, ca so judioipi queeteguelec so Jesús quedá'maq 'naac quiyim 'naac: “Ỹim chaqaỹim ná'maq pan chicqo'ot na piguim.”

Juan 6:47

Ỹaatqajam llic da shinac caqamiri, quecá'maq huelec aỹim, ca 'ue ca lca'laxa sqaica lqodoc.

Juan 6:48

Chaqaỹim ná'maq ỹim pan chicqaugui da nca'laxa.

Juan 6:50

Qam ỹim sa'xatetac só'maq pan chicqo'ot na piguim, ca no'm 'ue ca ỹa'ic so'maxare, ca' se ileu.

Juan 7:38

Ma' 'nerac yaua nerecse' na'qaatqa: cá'maq huelec aỹim, ca 'ec huaxaỹaq ne'paxantashiguim ca chicqotapougui añi le'taxanata.

2 Corintios 5:19

Dá'maq qara'qaatec 'neetasa': quiyim so Cristo liỹaatac ñi qota'a na' ỹahotaque qareuaqui'chiguit ñi'maxare quená'ogue na qomyipi, qam ñi'maxare se ra'iitapigui na lasauaxaset na qomyipi. Ca' ỹamaxalgoto qomi' quiyim sichoxotqachigui da leloxoỹaxac dajo na'qaatec quiyim qareuaqui'chiguit ñi qota'a.

2 Corintios 5:21

So Cristo ỹaatqajam qaica ca lasauaxaset. Qam ñi qota'a 'ec nqai'en ca sauaqhuaic sauaxate' qomi', qaiyi ma' qomi' ña'daqatau'a so Cristo, ca sovirqau'a dá'maq no'uen chaalataxac dá'maq ỹahotaque quiyim shinqatari' quet ñi qota'a.

Efesios 5:2

Quiyim qamiri 'xorenataxanaxaiqa 'nejem so Cristo na' qare'xoren, ca' nañaanalta' quiyim ileualgoto qomi', 'nejem nqohin ca qagreta llaalec quiyim qaỹalauat, chaqai qaỹavigaxat, ca' qoỹaanot ñi qota'a. Ca namaañi'chiguit da lahita ñi'maxare.

Efesios 5:25

Chaqai cá'maq ỹale mashic 'on, ca' ỹaatqajam i'xoren aca loua, ca 'nejem so Cristo ỹaatqajam i'xoren ná'maq mashic icoñiguit da na'qaatec, ca' ỹaanec da nachaalataxac ileualec na'maxare.

Tito 2:14

So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.

Hebreos 10:20

Qolqatalec da dalaxaic qanayicyaxac, da ñicyaxac chicqaugui da nca'laxa, dá'maq ỹauategue so'maxare, ca'lauec nqai'en queso napoxonaxat na' ỹaanec dá'maq chi nachaalataxac.

1 Pedro 2:4

Ca vichiguiño' nqo'ñiu'a so qara'gaxala' Jesús, 'ñiita'gue ca qa' nca'leetauec. Sojo qa' só'maq lañijnec na'le so qomyipi, qam ñi qota'a nca'au'a chaqai 'xoic lovic nqai'en.

1 Juan 2:2

So Jesucristo chaqaiso só'maq chicqochigui quiyim qaỹapalaxate' naua qarasauaxasete', chaqai mesqoqometa, ma' qai'neeta quená'ogue na qomyipi hueetalec na 'laua.

1 Juan 4:10

Dá'maq 'neeta da ne'xorenataxanaxa 'neetasa': quiyim mesqai qomi' ná'maq se'xorenaq ñi qota'a, ta'ta'a quiyim ñi'maxare ñí'maq qare'xoren. Ca' nela' so llaalec, ca' chaqaiso só'maq chicqochigui nqai'en quiyim qaỹapalaxate' naua qarasauaxasete'.

1 Juan 4:14

Chaqai qomi' ỹaatqajam seuanqachigui, ca' sa'xatqatac, quiyim ñi qota'olec nela' so llaalec, ma' ỹahotaque nca'laxatec na qomyipi hueetalec ana 'laua.