Juan 6:42 - La'qaatqa ñi qota'olec Qota'olec & Qota'olec Novita Na Qomyipi

⁴² Ca 'naaco' so qomyipi: —¿Dajo mesqaido' da Jesús da llaalec so José? Qomi' seuanaxa so leta'a chaqai aso late'e, qam ¿chi'neco' da'maxare ma' 'naac chicqo'ot na piguim?

Juan 6:42 Iomraidhean Croise

Marcos 6:3

Ma' chaqaida dajo dá'maq qo'paq lo'o, llaalec aso María, chaqai lqaỹa so Jacobo, José, Judas chaqai so Simón, chaqai saua lqaỹa' 'aalo nera'ñi najo qai'neeta. Ca' se qana'xaỹaxana.

Lucas 4:22

Ca sá'ogue imaqachintac so Jesús chaqai qai'laqatapegalo naua la'qaatqa ỹaatqajam lo'yaxanqa. Ca nenatetecta' so qomyipi, 'naac: —Dajo, ¿mesqaido' da llaalec ca José?

Juan 1:45

Ca' so Felipe eec idaanaque so Natanael, ca 'naapego': —Mashic sauanaxa ñi ỹale ñí'maq ỹiriño' na'le so Moisés quenaua naqataxaco naneresañi cana lere. Ñi'maxare qai'neeta qoỹiriñi queso la'qaataxanqajanqaipi ñi qota'a. Ñi'maxare chaqaiñi ñi Jesús, ñí'maq llaalec so José na'ñi yi na'a' Nazaret.

Juan 3:13

Ma' qaica ca taigue da piguim, ta'ta'a ná'maq nenojñi chicqashiguim queda piguim, ná'maq qohinac ỹale llaalec, chaqai'en neeta'gue da piguim.

Juan 6:38

Ma' ỹim se ñanac quiyim chi ñanoiquentac quiyim sachicqa'gue da piguim, ta'ta'a quiyim so'uet dá'maq ỹahotaque ñí'maq yila'.

Juan 6:43

Co'na'le, ca 'naaco' so Jesús: —'Xañiñi quiyim quiiteguelec aỹim.

Juan 6:62

¿Negue' quet ca 'ñiita queta' huañishi'megue najo ỹale llaalec pilshiguim quedá'maq shi'gue neeta'gue?

Romanos 9:5

Na'maxare chaqai llaalqaipi so 'auaxaic qareta'allipi, chaqai da re'qoochigui no'ueenataxac na'maxare chicqotougui so Cristo. Ca' qoỹanagui so'maxare quiyim qota'olec quená'ogue, ca qaiyi se neme quiyim qaimaqachintac. Ajá'a, ca chaqaida 'neeta dajo.

1 Corintios 15:47

So 'auaxaic qom qaỹachigoxotaugui na 'laua, ca so'maxare 'lauasec. Qam só'maq co'uaataxanta qom, só'maq qara'gaxala', so'maxare chicqo'ot na piguim.

Gálatas 4:4

Qam na' ỹovita ca laloqo', ca' ñi qota'a nela' so llaalec, ne'qaañi nqai'en caso 'aalo, chicqotougui nqai'en na judioipi ma' hueetaugui da lapaxaguinataxanaxac na naqataxaquipi.