Juan 6:39 - La'qaatqa ñi qota'olec Qota'olec & Qota'olec Novita Na Qomyipi

³⁹ Ma' dá'maq ỹahotaque ñí'maq yila' ita'a quiyim aỹim qaica ca ña'laxatañi quená'maq nañaañim, ta'ta'a quiyim liỹa ñca'laxatec quecá'maq pa'aatec na'xa'a.

Juan 6:39 Iomraidhean Croise

Mateo 10:15

Ca ỹaatqajam llic da shinac caqamiri quecajo pa'aatec na'xa'a ma' ñi qota'olec imit ná'ogue najo, ca' ca nouaxanaxaset cajo na'a' paguec lecaic ma'le ca nouaxanaxaset queso qomyipi na'ñi na'le yi Sodoma chaqai yi Gomorra.

Mateo 18:14

Ca' chaqaida 'neeta qai'neeta ñí'maq qota'a ñí'maq rashiilliguii neeta'gue da piguim, se ỹa'maxaren quiyim 'ue ca na'laañi quená'maq nauajo 'ec qaica ca lemaqachigue'.

Lucas 12:32

Totaxan ro'chii, ma' qamiri 'ñiita acá'maq ỹalamqate iloxoiqatecse qagreta. Qamiri sqo vite', qam ñi qata'ahi ỹaatqajam ỹa'maxarente' qamiri quiyim nouañiỹau'a da lo'ueenataxanaxac ma' ỹoiquentac ná'ogue najo.

Juan 12:48

Cá'maq se icoñiguit aỹim chaqai se na'xayaxanalo naua ỹa'qaatqa, chaqa'ma' shi'gue 'ue ñí'maq ỹo'uet ca nouaxanaxaset ca'maxare. Nauá'maq na'qaatqa sa'xateta'pe, chaqainaua nauá'maq ỹo'ueete' ca nouaxanaxaset ca qom queca pa'aatec na'xa'a.

Juan 17:12

Ma' na' ñaq iỹareta'pe quena 'laua, seloqota'a quen ná'maq nañaañi', sahote'e da rquesaxanaxa'e' chaqai squepaqataxanteguelec quen. Chaxasa qaica ca na'laañi, ta'ta'a só'maq shi'gue na'laaxaic, qaiyi ipaquichigui dá'maq 'nerac yaua naneresañi na'qaatqa.

Juan 17:2

Ma' qami' 'ỹaañitem na qachaalqui' da lquesaxanaxa quiyim idaanlec ná'ogue na qomyipi, quiyim ỹa'ue da lca'laxa sqaica lqodoc ná'ogue ná'maq 'ỹaañitem.

Juan 17:24

Qami' ita'a, qami' nañaañi' naua'maxare, ca' ỹim sahotaque quiyim cá'maq senta'ñi qai'neete' naua'maxare neesa'ñi, qaiyi iuanta dá'maq imaqachic nañaañi'; ma' ỹaatqajam yi'xoriñi' shi'gue na' saqa'leca na 'laua.

Juan 17:6

Ca nauá'maq qami' rca'acshichi' quena 'laua, ca' nañaañirim, naua'maxare sa'deenaxanaxaneguelo aqami'. Ma' ralamqachichi' naua'maxare, ca' qami' nañaañirim, ca naua'maxare na'xaỹaxanteta da ra'qaachiqui'.

Juan 17:9

Ỹim ñi'xoresene'tot qami' quenaua'maxare. Mese ñi'xoresentacot qami' quená'ogue na qom hueetalec na 'laua, ta'ta'a quená'maq nañaañi', ma' ralamaxarichi' na'maxare.

Juan 18:9

'Naaco' dajo, qaiyi ipaquichigui dá'maq 'naaco' na'le so Jesús: “Quená'maq nañaañim ñi qota'a, qaica ca na'laañi.”

Juan 5:28

'Neeto' re'laxaiỹa dajo, ma' ỹovita ma'le ca laloqo' quiyim ná'ogue na leuaxaiquipi 'xaỹaque ma'le da lavillaxac,

Juan 6:37

Ná'ogue ná'maq nañaañim ñi ita'a nacpegue' aỹim; chaqai ná'maq nacpegue' aỹim, se so'da'guit.

Juan 6:40

Dá'maq ỹahotaque ñí'maq yila' quiyim ná'ogue ná'maq ra'ỹo'ot na llaalec ñi qota'olec chaqai huelec, ca 'ue da lca'laxa sqaica lqodoc; chaqai ỹim liỹa ñca'laxatec queca pa'aatec na'xa'a.

Juan 6:44

Sqaica ca ishit nacpegue' aỹim, no'm se qanauego quiñi ita'a ñí'maq yila'; chaqai aỹim liỹa ñca'laxatec queca pa'aatec na'xa'a.

Juan 6:54

Cá'maq ỹa'ic na ỹoshicmaxa chaqai ni'chiguilo naua iuo', ca' 'ue da lca'laxa sqaica lqodoc. Ca' ỹim liỹa ñca'laxatec ma'le queca pa'aatec na'xa'a.

Romanos 8:11

Ca no'm neetauguilo qamiri ca ne'Espíritu ñí'maq liỹa nca'laxatec na'le so Cristo Jesús queso lelauaxa, ca' ñi qota'a ñí'maq liỹa nca'laxatec na'le so'maxare, chaqaiñi ñí'maq ỹa'ue ma'le ca dalaxaic nachaalataxac ná'maq roshicmaxahi mashic taata'a yi nelauaxa, chicqochigui nqai'en só'maq ne'Espíritu neetauguilo qamiri.

1 Corintios 6:14

Ca' ñi qota'a ma' nca'leuec nqai'en so qara'gaxala' na' qaỹalauat, ñi'maxare qai'neeta nca'laxaterec qomi' ma'le, ỹahote'e da chi lquesaxanaxa.

2 Timoteo 2:19

Qam ñi qota'a mashic ỹa'yiñi só'maq 'eco' no'xonaxanaxala' queda lo'ueenataxanaxac, ca' qaica ca idaxan. Ca' so'maxare naneretalec so nerec, 'neetasa': “Ñi qara'gaxala' ỹa'deenta ná'maq mashic lalamaxat”; chaqai: “Ná'ogue ná'maq ỹodootac da leenaxat so Cristo ỹaatqajam ca'e ná'ogue na se no'uen.”

Santiago 5:15

Ca no'm ỹaatqajam 'ue da lpi'ỹaxac ma' nqouagaxain, ca' da nqouagaxainaxac ỹomatec ca ralolaxaic, ca' ñi qara'gaxala' nachaalataxanñi. Chaqai no'm 'ue ca lasauaxaset ca'maxare, ca' qaỹapalaxat.

1 Pedro 1:5

Ma' qamiri 'ue da rpi'ỹaxaguii quiñi qota'a, ca ñi'maxare quepaqataxanlgoto qamiri queda lquesaxanaxa, qaiyi viriỹau'a da rca'laxahi ỹahotaque ỹachaxanema qamiri quecaua pa'aaterec na'xata'.

Judas 1:1

Ỹim Judas, ỹim la'ac so Jesucristo, chaqai ỹaqaỹa so Jacobo. Shiriñi anajo ilaata quená'maq loỹaxanqateripi chaqai ỹoỹoote'oga ñi qota'olec quiyim ỹauaaque lalamaxareteripi, ná'maq qaicochiitapega ma' na'deetau'a so Jesucristo.

1 Samuel 25:29

Chaqai no'm 'ue ca co'uajlec qami' quiyim ỹahotaque ralauachi', qam da nachaalataxaqui' ỹaatqajam ro'ootaxanlec ma'le ñi qara'gaxala' ñí'maq qota'olec caqami'. Chaqai quená'maq npa'guenaxauachi'ipi, ca' ñi qara'gaxala' ỹaatqajam inaxauec, 'ec nqai'en ca qa' quena' qainaxauec qaỹahote'e ana nenaxasoxonaxaqui.