Juan 6:38 - La'qaatqa ñi qota'olec Qota'olec & Qota'olec Novita Na Qomyipi

³⁸ Ma' ỹim se ñanac quiyim chi ñanoiquentac quiyim sachicqa'gue da piguim, ta'ta'a quiyim so'uet dá'maq ỹahotaque ñí'maq yila'.

Juan 6:38 Iomraidhean Croise

Isaías 53:10

Ñi qara'gaxala' ỹahotaque ỹa'ue da le'xoric. Ca' quiyim chaqaiso só'maq nañaañiguit da lelauaxa quena nasauaxaset, ca ladoc ma'le da nachaalataxac, ca' iuanau'a ma'le ca llaalqaipi; ca chicqochigui so'maxare ma'le quiyim ỹa'maxañi dá'maq ỹahotaque ỹo'uet ñi qara'gaxala'.

Mateo 20:28

Ma' chaqaida dá'maq 'neeta najo ỹale llaalec se novi' quiyim ỹahotaque qaiquelola. Ta'ta'a quiyim ná'ogue quelola, chaqai quiyim da nachaalataxac ỹaanec, ca' 'ec lishiuetenaxanaxat, qaiyi 'xoic ca nca'leuec.

Juan 3:13

Ma' qaica ca taigue da piguim, ta'ta'a ná'maq nenojñi chicqashiguim queda piguim, ná'maq qohinac ỹale llaalec, chaqai'en neeta'gue da piguim.

Juan 3:17

Ñi qota'olec se nelata na llaalec na 'laua quiyim ỹa'ue ca nouaxanaxaset na qomyipi. Ta'ta'a quiyim ỹahotaque nca'laxatec na'maxare.

Juan 3:31

Cá'maq chicqa'gue da piguim, ca'maxare napacalec ná'ogue nanchaqaina; qam cá'maq hueetalec ana 'laua, ca'maxare 'lauasec, chaqai quena' retaqa, ca' ỹa'xatetac ná'maq huelec ana 'laua. Qam cá'maq chicqa'gue da piguim napacalec ná'ogue nanchaqaina,

Juan 4:34

Qam so Jesús 'naaco': —Dá'maq noq chaqaida dá'maq quiyim so'uet cá'maq ỹahotaque ñí'maq yila', chaqai quiyim somat da lo'ueenataxanaxac.

Juan 5:19

Ca' so Jesús 'naapego' so qomyipi: —Ỹaatqajam lliqueta shinapegalo qamiri quiyim najo llaalec ñi qota'olec qaica ca ishit ỹo'uet no'm chi nanoiquenta'pegue', ta'ta'a ná'maq iuana ỹo'uet ñí'maq leta'a. Ca ná'ogue ná'maq ỹo'uet ñí'maq leta'a, qai'neeta ná'maq llaalec ỹo'uet.

Juan 5:30

Aỹim qaica ca shinegue, no'm chaqaỹim 'ue ca so'uet. Ma' ỹim so'uet ca lasauaxaset ca qom, qam quiyim qaỹamaxailec, ca' se ỹo'maac cá'maq so'uet. Ma' ỹim se so'uet cá'maq chaqai sahotaque shine'tegue, ta'ta'a cá'maq ỹahotaque ñi ita'a, ma' ñi'maxare yila'.

Juan 6:29

Ca' so Jesús 'naaco': —Dá'maq ỹahotaque 'viichii ñi qota'olec, dá'maq quiyim viilec ná'maq nela' ñi'maxare.

Juan 6:33

Ma' cá'maq pan ỹaan ñi qota'olec, chaqaica cá'maq nenojñi chicqashiguim queda piguim, ca ỹaanem da lca'laxa na qomyipi.

Juan 6:42

Ca 'naaco' so qomyipi: —¿Dajo mesqaido' da Jesús da llaalec so José? Qomi' seuanaxa so leta'a chaqai aso late'e, qam ¿chi'neco' da'maxare ma' 'naac chicqo'ot na piguim?

Juan 6:57

Ñí'maq ita'a ñí'maq yila', ñi'maxare 'ue da lca'laxa, ca' dajo ica'laxa chicqo'ot ñi'maxare. Ca 'nejem cá'maq ỹa'ic aỹim, ca' ca'maxare ỹachigoxoto'ot aỹim da lca'laxa.

Romanos 15:3

Ma' vire'ta so Cristo se nemaqachinalta'; ta'ta'a quiyim ipaquichiguilo naua naneresañi la'qaatqa ñi qota'a, 'neracsa': “Dá'maq lishiuenaxanaxac ná'maq rishiviñi'sac, taalec aỹim.”

Efesios 4:9

Ca ¿negue' cá'maq reloqo'tegue cá'maq 'naac dá'maq “taashiguim queda piguim”? Dajo 'naac so'maxare nenojño' na'le quenajo paguec pa'aañi quena 'laua.

Hebreos 5:8

Ca' so Cristo 'eno'm ỹaatqajam ñaalec, qam ỹovirau'a da le'xoric, ca' ỹa'den quiyim na'xaỹaxanta.