Juan 6:36 - La'qaatqa ñi qota'olec Qota'olec & Qota'olec Novita Na Qomyipi

³⁶ Qam mashic shi'gue shinac caqamiri, qamiri sqai viilec, 'eno'm qamiri ra'iitaỹot.

Juan 6:36 Iomraidhean Croise

Lucas 16:31

Qam so Abraham 'naaco': “Quiyim se na'xaỹaxana so Moisés chaqai so la'qaataxanqajanqaipi ñi qota'a, ¡qaiyiita sqai huelec, 'eno'm 'ue ca liỹa nca'leuec, chicqochi'ñi ca leuaxaiquipi!”

Juan 12:37

Ca 'eno'm so Jesús 'xoic na ỹo'uet quena netanec se qaiuanapega iuanchigui nqai'ne' saua'maxare, qam qaiyiita se qoyiuelec.

Juan 15:24

Qaica quet ca lasauaxaset na'maxare, queta' qaica cá'maq so'uet huaugui na'maxare quená'maq se ishit ỹo'uet ca liỹa qom; qam mashic shi'gue iuana dajo, qam qaiyiita noquihaỹa', chaqai noquii'a qai'neeta ñi ita'a.

Juan 6:26

Qam so Jesús 'naaco' queso qomyipi: —Ỹaatqajam llic da shinac caqamiri, quiyim qamiri daañitaque aỹim ma' na' qui'ii ỹovire'ta quemari, qam mesqaida quiyim 'yiiñichigui ca netanec se qaiuanapega.

Juan 6:30

Ca qainato' so'maxare: —¿Negue' ca netanec chaxañitalo qomi' quiyim seuanqachigui, qaiyi seuaqlec qami'? ¿Negue' cá'maq 'viichi'?

Juan 6:37

Ná'ogue ná'maq nañaañim ñi ita'a nacpegue' aỹim; chaqai ná'maq nacpegue' aỹim, se so'da'guit.

Juan 6:40

Dá'maq ỹahotaque ñí'maq yila' quiyim ná'ogue ná'maq ra'ỹo'ot na llaalec ñi qota'olec chaqai huelec, ca 'ue da lca'laxa sqaica lqodoc; chaqai ỹim liỹa ñca'laxatec queca pa'aatec na'xa'a.

Juan 6:64

Qam qaiyiita ñaqa 'ue na saqa' huelec caqamiri. Ca' so Jesús 'naaco' dajo, ma' shi'gue na' llaqai taachiguiñi chaqa'ma' ỹa'den ná'maq sqai huelec, chaqai negue' cá'maq ỹaano ma'le so'maxare.