Juan 6:35 - La'qaatqa ñi qota'olec Qota'olec & Qota'olec Novita Na Qomyipi

³⁵ Ca' so Jesús 'naaco': —Chaqaỹim ná'maq pan chicqaugui da nca'laxa. Cá'maq nacpegue' aỹim, ca se ỹauanapega quiyim qopat; chaqai cá'maq huelec aỹim, ca se ỹauana ỹalauat laquip.

Juan 6:35 Iomraidhean Croise

Isaías 49:10

Ca' se rqopachii chaqai se ralauachii raquipii, chaqai sqai taalec qamiri ca ra'aasa lauaq, ma' ỹim se'xoriñii chaqai sashaxanta'pe qamiri, chaqai sauequeta'alo qamiri ca hua'ñi ca ne'paxantashiguim huaxaỹaq.

Mateo 11:28

Naguipegue' aỹim qamiá'ogue, ma' mashic rco'chiiuec quena ro'ueenataxanaxaguii chaqai quena ri'ỹaaguii, ca' ỹim ñco'mataxandec qamiri.

Lucas 6:25

Chaqai 'xoraiquipiolec qamiri ma' se rqopachii nagui, ma' 'uo' ma'le ca rqopaaxahi. Chaqai 'xoraiquipiolec qamiri ỹalliguiritagui nagui, ma' ỹaatqajam noỹeñitapeguem ma'le ca rachicoxohi.

Juan 4:15

Ca' aso 'aalo 'naaco' queso'maxare: —Qami' ỹa'gaxala', nañaañi' cajo huaxaỹaq, qaiyi tot liỹa seuet ỹaquip, chaqai qaiyi tot liỹa ñanagaxaso'ma huaxaỹaq canajo ni'ỹa.

Juan 5:40

Qam qamiri sqa 'maxariñii naguipegue' aỹim, qaiyi coñiguit dajo nca'laxa.

Juan 6:37

Ná'ogue ná'maq nañaañim ñi ita'a nacpegue' aỹim; chaqai ná'maq nacpegue' aỹim, se so'da'guit.

Juan 6:41

Ca' quedajo, ca so judioipi queeteguelec so Jesús quedá'maq 'naac quiyim 'naac: “Ỹim chaqaỹim ná'maq pan chicqo'ot na piguim.”

Juan 6:65

Ca 'naaco': —Vichiguiño' shi'gue shinac caqamiri, quiyim qaica ca ishit nacpegue' aỹim, no'm se qanauegueu'a aỹim quiñi ita'a.

Apocalipsis 22:17

So Espíritu Santo chaqai aso loua so 'ec qagreta llaalec 'nerac: —Anaqui'. Chaqai cá'maq na'xaỹaxantac 'naac: —Anaqui'. Chaqai cá'maq ỹalauat ca laquip, chaqai ỹahotaque ne'et, ca' nanac, ca' ne'et quiyi huaxaỹaq chicqaugui da nca'laxa. Qaca nqohin aca laseuete.

Apocalipsis 7:16

Ca tot ỹoviro'ot ma'le ca nqopaaxa chaqai ca laquip. Chaqai tot qaỹavigaxat cañi ra'aasa, chaqai tot nauata'guit ca npa'ỹaaxa.