Juan 6:31 - La'qaatqa ñi qota'olec Qota'olec & Qota'olec Novita Na Qomyipi

³¹ Saua 'auaxaqa qareta'al ỹa'gue'o' so maná co'na' queetalec so 'laua qaica qom, ma' chaqaida dá'maq 'nerac yaua naneresañi na'qaatqa. 'Nerac: “Ñi qota'olec qui'ỹaxanegue so qomyipi so pan chicqashiguim queda piguim.”

Juan 6:31 Iomraidhean Croise

Juan 6:32

Ca' so Jesús 'naaco': —Ỹaatqajam lliqueta da shinac caqamiri: Quiyim mesqaiso so Moisés só'maq ỹaanema qamiri so pan chicqashiguim, ta'ta'a ñí'maq ita'a ñí'maq ỹaanema qamiri cá'maq ỹaatqajam pan chicqashiguim queda piguim.

Juan 6:49

So 'auaxaic qataa'illipi ỹa'ico' na'le so maná na' queetalec yi 'laua qaica qom, qam qaiyiita sá'ogue nelliviñi.

Juan 6:58

Ỹim sa'xatetac so pan chicqo'ot na piguim. Najo pan mesqai 'nejem so maná só'maq ỹa'gue' saua 'auaxaqa reta'allii, qam qaiyiita ileue'. Qam cá'maq ỹa'ic najo pan, ca' tot ileu.

1 Corintios 10:3

Chaqai qaican ỹapaguec sá'ogue ỹa'queetac so na'ic se re'xogui,

Apocalipsis 2:17

Cá'maq ỹa'den ca na'xaỹaxanaxac, ca 'maxaraic na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'naacsa': Ca cá'maq rauegaxan, ca' ỹim saanem ma'le quiyim ỹa'ic cá'maq na'ic qoỹoxotetañi chicqo'ot ñi qota'a, leenaxat maná, chaqai qai'neeta saanem ca qa' lalagaxaic. Ca' quecajo qa', ca naneretalec ca dalaxaic leenaxat. Qam qaica ca ỹa'den, ta'ta'a cá'maq icoñiguit, ca' ỹa'den.”